Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yʉanes 2:22 - Kálar Nzyɛ̌m : Ejwán é Sáá

22 Jɔ̌ʼ Yésʉs á pah ɨ́ soo, duho lɨ́ odwe yɨ́, ompʉ́n bé ntɔ̂ʼ sîsimsa mékǎn mé maá. Bé ntɔ̂ʼ bûʼla Mékaná mé Nzyɛ̌m ndu e metwɨ́ɨ́ mé Yésʉs.)

အခန်းကိုကြည့်ပါ။ ကော်ပီ




Yʉanes 2:22
13 ပူးပေါင်းရင်းမြစ်များ  

(Ompʉ́n bé, bé á bé anyɛɛ́ jóʼǒ péh Mékaná mé Nzyɛ̌m yaá. Bé á ka nze gʉ́a yé ó, píe jɔ̌ʼ Yésʉs á nʉa kûm nyé yɨ́. Jɔʼ yaá ó bé á ka gʉ́a ó, nkúná ogwíha o mílɔ̌b, bé á cɨcɛma bisá bínɨ̌ bíbyɛ̂h ó, dumo e né. Bê nzě gʉ́a ntémé ó, bʉr ónɨ̌, bé á sâ nye bisyɛ́ɛla byaá ó, mpʉ byé á boo be micɛmá yɨ́.)


Mě boó lɛ́ɛ e bɨ̌n nó ó, ɨ́ jɔ̌ʼ jɔʼ yaá, yé ókǎ pyâl yɨ́, bɨ̌n nkʉ̂ tʉtoŋlo ó, yé ó sá mé á boo lɛ́ɛ bɨ̌n yɨ́.» «Me á bé aboó lɛ́ɛ bɨ́n lɔ̌b nɨ̌ ó, ebě, mɨná gá ó b'á be.


Kɔmlʉ wɨ́n, nye ó Sísǐm mé Nzyɛ̌m. Sɔ́ŋ wǎm ólómlo bɨ́n wǎ ó ɨ́ díé lâm. Nye ólɛ̂ʼle bɨ́n sá yɨ́yɛ̂h le ejɨjɨm bɨ́n bitɔŋlá ɨ́ sá yɨ́yɛ̂h mé á lɨ̂lɛɛ bɨ̌n yɨ́.


Ompʉ́n bé, bê nzě símsǎ mpʉ yé á boo be cɛmá ɨ́ Mekaná mé Nzyɛ̌m ó: “Mě kpɛ̌l mbɛ̌r gô ó, kpɛ̌l ápurapúra” yɨ́.


Nó ó, me nzě símsa mékǎn Tî Yésʉs á lɛ́ɛ mɨná gá má. Nye á lɛ́ɛ ó: “Yʉánɛs á dudu bʉr ó e medíbé. Bɨ̌n bɨɛ, bé ókǎ duŋɔɔ ó e Sísǐm mé Nzyɛ̌m.”


Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.


Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»


Bé á si lwib, dumo e Mʉ̌r Nzyɛ̌m á lœm múló mé jwɨ́ɨ nyá. Bé á cɛma ó, yé jala ó, nye síaa e mitúú nó, mpʉ̌ Nzyɛ̌m á kpɛl yɨ́, ó nye tôʼ di ɨ́ diá kûm nɨ́nɨ́ɨ́ yé.»


Bé á si báŋle ntémé Yésʉs, bé le ompʉ́n bé ɨ́ nzɔɔ nyaá.


nye mû ó sí dwe mɨ́ná gá yǎ, mɨná bwá bé ónta bɔ́ɔ́, ebě, nyɨ́ pɛ̌h Yésʉs. Yé ó mpʉ yé dí cɛmá ɨ́ Sâm mbá yɨ́. Yê cɛmá ó: “Go ó mwân wǎm. Mɨ́ byâ gó mûh.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ