Yʉanes 2:2 - Kálar Nzyɛ̌m : Ejwán é Sáá

² Bé á si báŋle ntémé Yésʉs, bé le ompʉ́n bé ɨ́ nzɔɔ nyaá.

Kálara Zyɛ̌m Edwán é mpʉ̌n

² Bé a si baŋle nteme Yesʉs bé e l'ompʉn be é zɔɔ waa.

Yʉanes 2:2 ပူးပေါင်းရင်းမြစ်များ

Kolosi 3:17

Sá yɨ́yɛ̂h bɨ́n dí esâ, nkʉ̂ lɛ́ɛ yɨ́, yé díʼee pɨrá e díé mé Tî Yésʉs. Dwéʼ gá Nzyɛ̌m Sɔ́ŋ nzyǒo ɨ́ díé lé.

1 Korɛnt 7:39

Mʉmá nyɨnyɛ̂h mû sí tô lɨ́ ebâ nyá, nye ɨ́ jala le edi e njʉ̂m, ɨ́ di di di, tó pyâl ɨ́ jɔʼ njʉ̂m wé ódwe yɨ́. Njʉ̂m sí dwe nɛ́ɛ: nye mû ó nzyɛh. Nye óbɛ̌m kǎ tó sáa mʉ́rʉ̂m nyé kpɛ̂l nyá, bé e nɔ́ɔ́ ntɔ̂ʼ bɛ́a. Nye e sáá yɨ́ɛ mʉrʉ̂m dí ɨ́ mpúhlá e Tî Yésʉs nyá.

Ebrœ̂ 13:4

Bʉr, bé ɨ́ jala le edwe mímbɛ́á mí bʉ̂r dúu. Syɛ́ɛla mpîr, yé ajala le esyɛ́ɛlɨ̌ súm mímbɛ́á mí bʉ̂r dí esyɛŋa yɨ́. Gʉ́ŋáá gá ó, Nzyɛ̌m ótíʼe ósyɛ̂l o médyɛ̂n, bé le osyɛ̂l o bímolá milɔ̌b.

1 Korɛnt 10:31

Nó ó, bɨ̌n damá de méde nkʉ̂ de ményoʼ, nkʉ̂ bɨ̌n damá sâ yʉ́ʉ́ sɔ̂ʼ: sáʼ gá syɛ́ɛla yaá yɨ́yɛ̂h lɨ́ esú lé édwě Nzyɛ̌m kûm tɨ̂!

Mataos 25:45

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á be asâ mʉr ngwár ɨ́ sɔ́má bʉ̂r bâʼ embɨa yɨ́, damá jóʼo ó, nye á be ó waá dí agbáŋɔɔ ɨ́ nkɔb nyá, gúmo yaá ntémé ó bɨ́n á be asâ me embɨa yɨ́.”

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mataos 12:19

Nye ápére mékǎn e mʉr; abʉ̂ tím. Abe e mʉr ngá jóʼo nyé lɨ́ elwib ɨ́ buo buo témé bʉr.

Mɨngwiha 3:20

Paá bee gâ: me ó wâʼ lɨ́ ekwâʼle ébé lô ó, me níʼee. Mʉr ngá jóʼǒ lwǐb yâm, dib mé lǎ nyá, me ónî kwá nyé. Bɨ̌h e nɔ́ɔ́, bé opûhla mébô lɨ́ ede.

Yʉanes 2:3

Ɨ́ mpʉ ményoʼ mé á be ɨ́ gwíi yɨ́, nyɔ̌ŋ mé Yésʉs ntɔ̂ʼ lɛ́ɛ e mwân ó: «Bé mû náǎ ó, akǎ be e menyoʼ.»

Yʉanes 2:12

Píe tɨ̂, nye nzě tô Kapernáʉm, bé e nyɔ̌ŋ, le bɨ́ɔɔ́ bé le okɛ́l bé, le ompʉ́n bé. Bê nzě tó di gʉ̂ʼ bwá mélû.

Yʉanes 2:17

Ompʉ́n bé, bê nzě símsǎ mpʉ yé á boo be cɛmá ɨ́ Mekaná mé Nzyɛ̌m ó: “Mě kpɛ̌l mbɛ̌r gô ó, kpɛ̌l ápurapúra” yɨ́.

Yʉanes 2:22

Jɔ̌ʼ Yésʉs á pah ɨ́ soo, duho lɨ́ odwe yɨ́, ompʉ́n bé ntɔ̂ʼ sîsimsa mékǎn mé maá. Bé ntɔ̂ʼ bûʼla Mékaná mé Nzyɛ̌m ndu e metwɨ́ɨ́ mé Yésʉs.)

Yʉanes 3:22

Píe tɨ̂, Yésʉs, bé le ompʉ́n bé nzě tô sí Yʉ́da. Bê nzě jâ gʉ̂ʼ bwá mélû. Nye á be lɨ́ edudu bʉ̂r.

Yʉanes 4:8

(Náǎ yé ó, ompʉ́n bé, bé á be ɨ́ tô nkana, lɨ́ etó bwâm méde.)

Yʉanes 4:33

Ompʉ́n, bé á be ó, bé mû lɨ́ etô le edíila ó: «Nzê nyʉ́ʉ́ mʉ̂r bê sí nze nyé e mede ɛ̌?»

Yʉanes 6:8

Nyʉ́ʉ́ mpʉ́n wé, díe André, mɨ́ɔɔ́ mé Simon Pétrus, nye e né ó:

Yʉanes 6:12

Jɔʼ bɨ́bɛ̂h, bé á bě sí de, díle yɨ́, Yésʉs, nye le ompʉ́n bé ó: «Syɛŋɨɨ gá bipéh méde mû sí buʼo bí, mbi dí ó, sɔ̂ʼ, yé ayɨ́ dwě ntuʼ yɨ́!»

Yʉanes 6:16

Jɔʼ bíí kʉ̌ʼ, yé á pyâl yɨ́, ompʉ́n bé nzě tô ɨ́ nkpâh mâŋ.

Yʉanes 6:60

Jɔʼ bʉ̂r ɨ́ buo buo ɨ́ sɔ́má ómpʉ́n bé, bé á jóʼo lɔ́ɔ́ Yésʉs á lɛ́ɛ wɨ́ yɨ́, bê nzě lɛ́ɛla páʼ nyɔ́ɔ́. Bé ó: «Lɛ́ʼlá wɨ̂, wé ɨ́ buú kɔbla. Nzé dí e nkul ejóʼo wê?»

Yʉanes 6:66

Táare ɨ́ jɔʼ yaá ó bʉ́ʉ́ ómpʉ́n bé, bé á nze gɔ́na le ebúla ɨ́ twíaaa e metyɛʼ me nyʉ̂l, akǎ dúŋɔɔ nyé yɨ́.

Yʉanes 6:67

Yésʉs, nye le ompʉ́n kám le obá bé ó: «Nzê bɨ̌n bɨɛ ntémé múo nzě búla píhe ɛ̌?»

Yʉanes 6:70

Yésʉs, nye e bé ó: «Ntʉ mɛ̂m mʉr tɨ̂ʼ á twâr bɨ̌n kám le obá ɛ́? Damá jóʼo nó, nyʉ́ʉ́ mʉ̂r ɨ́ sɔ́má yɨ́n, nyě le eleme.»

Yʉanes 6:71

(Nye á lwib nó ó, dumo e Yʉ́das, mwân mé Simon Iskariôt, ebě, Yʉ́das, damá jóʼo ó mpʉ nyé á be mpʉ́n ɨ́ sɔ́má ómpʉ́n kám le obá yɨ́, nye á be e jwɨʼ ó, nye óbɛ́ma nyê.)

Yʉanes 7:3

Bɨ́ɔɔ́ mé Yésʉs, bé e né ó: «Gbɔlwaa wâ. Go e tó sí Yʉ́da, mbi dí ó, ompʉ́n bô, bé béyɨɨ ntémé bisyɛ́ɛla gó dí esâ bí.

Mɨlʉmlʉ 11:26

Jɔʼ nyé á bee nye yɨ́, nye ntɔ̂ʼ búla e né, bé e nɔ́ɔ́ nzě tô Antiôs. Bê nzě séa nzyɛ́ŋá ɨ́ Mbɛ̌r-Nzyɛ̌m tɨ̂ mbû ntinɨ̂. Ɨ́ jɔʼ yaá yɨ́yɛ̂h, bé á bɨbe lɨ́ edwe bʉ̂r ɨ́ buo buo milɛ́ʼlá. Tɨ̂ʼ Antiôs ó bé á nyɛɛ jébe ompʉ́n mé Yésʉs “okrǐsten” yɨ́.

Mɨlʉmlʉ 11:29

Ompʉ́n, bé bʉr o tɨ̂, bé á tíʼe ó, mʉr nyɨnyɛ̂h ɨ́ sɔ́má yɔ́ɔ́ ótyen óbûʼla bé á di ɨ́ sí Yʉ́da bá bisâ, ó mʉr nyɨnyɛ̂h súʼaa bé, dû mébi mé.