Yʉanes 2:19 - Kálar Nzyɛ̌m : Ejwán é Sáá

¹⁹ Nó ó Yésʉs á nze yala e bé ó: «Búʼáá gá mpáh Nzyɛ̌m nyɨ̂. Me óbáʼǎ sumo nyé njɨ ɨ́ melú mélɛ̂l.»

Kálara Zyɛ̌m Edwán é mpʉ̌n

¹⁹ No ó Yesʉs a ze bɨha e be ó: «Buʼa ga Odia mo Zyɛm wi. Me óbâʼle fumo we njɨ molu molɛl!»

Yʉanes 2:19 ပူးပေါင်းရင်းမြစ်များ

Markus 14:58

«Bɨ̌h bé á si jóʼo nye lɨ́ elɛ́ɛ ó, nye ógbɛ́ɛ mpáh Nzyɛ̌m, nyaá bʉ̂r, bé á sumo e mebô nyɨ̂, ntɔ̂ʼ sumo nyaá swîh njɨ ɨ́ melú mélɛ̂l. Nyɨ́haá, abě sumá e mebó mé bʉ̂r.»

Markus 15:29

Bʉr o b'á lɨlaa tɨ̂ʼ bá, bé á be ó lɨ́ elwɨ́ɨ nyê, le esiʼre mílʉ̂, le elɛ́ɛ ó: «Á go náǎ e, wɛɛ! Gua mʉr á lɛ́ɛ ó, go ógbɛ́ɛ mpáh Nzyɛ̌m, ntɔ̂ʼ báʼǎ sumo nyé tâŋ melú mélɛ̂l nyá!

Mataos 27:40

Bé ntémé, bé á lɨ̂lɛɛ e né ó: «Gua, mʉr á lɛ́ɛ ó, go ógbɛ́ɛ mpáh Nzyɛ̌m, ntɔ̂ʼ báʼǎ sumo nyé tâŋ melú mélɛ̂l nyá, kaá tiʼ gó mʉr tɨ̂! Gó bé Mwân mé Nzyɛ̌m nó, go e pʉ́gʉ́ pǎ sulo ɨ́ kolôs nɨ̌ sí!»

Mataos 12:40

Ebě, mbi ngwár Yʉ́nas á di ɨ́ mo sû ɨ́ bwaʼ bwaʼ mimóhó mílɛ̂l, mipum milɛ̂l yɨ́, mbi ngwár e ngwár waá ntémé ó Mwân mé Mʉr ngá di ɨ́ soo mimóhó mílɛ̂l, mipum milɛ̂l wɨ́.

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

Mɨlʉmlʉ 2:32

Yésʉs waá ó Nzyɛ̌m á pɛh, dwih lɨ́ odwe nyá. Lɔ̌b wé ó bɨ́h dí eboʼlo bɨ́n wɨ̂.

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Rôm 6:4

Mɨná gá e Krîst, bé á si dwe, dɨlɔɔ ɨ́ ndubó waá sɔ́má, lɨ́ esú ó, mɨná páhaa gá e nkul mé Nzyɛ̌m Sɔ́ŋ dí e kûm nyá. Mpʉ nyɨ́ɛ á pah lɨ́ odwe yɨ́, yé jala ó, mɨná nʉ́aa gá kʉ̌ tyen dwân píe ndubó.

Yʉanes 11:25

Yésʉs, nye e né ó: «Me ó waá dí epɛh bʉ̂r, dwe bé twiʼ nyá. Mʉr dí edyɛ̂ʼwo e me nyá, óbáʼǎ tiʼe, damá be ó, nyɨ́ dwe.

Markus 8:31

Yésʉs nzě táare édwe ómpʉ́n bé milɛ́ʼlá. Nye ó: «Yé jala ó, Mwân mé Mʉr, nye síaa e mitúú ɨ́ buo buo. Otɔ́má bʉ̂r, ojwɨ́ɨ o mpáh Nzyɛ̌m, le olɛ̂ʼla o métié, bé óbene nyê. Nye ntémé ójʉ́ŋɔɔ. Elú élɛ̂l píe tɨ̂, nyé opah ɨ́ soo.»

Kolosi 2:12

Ɨ́ ndubó bɨ́n á duŋɔɔ wɨ́, bɨ̌n bé á si debe, bɨ̌n e Krîst ɨ́ jɔʼ gwár. Bɨ̌n e né ntémé ó b'á pah, ebe bɨ́n dí ebúʼla nkûl nɨ́nɨ́ɨ́ mé Nzyɛ̌m. Nkǔl nɨ́nɨ́ɨ́ nyaá ó b'á pɛh nye.

1 Korɛnt 15:12

Yé bé yê tyeetye ó, Krîst á si pah, duho lɨ́ odwe nó, á bʉ́ʉ́ bʉ̂r ɨ́ sɔ́má yɨ́n, bé báná kʉ́ lɛ́ɛ ó, odwe, bé ákóʼó pah ɨ́ soo nyá?

Rôm 4:24

nye óláa mɨ́ná gá ntémé ó, mɨná gá bé ó otîtyěl o bʉ̂r, baá o dí edyɛ̂ʼwo e né bá, nye waá á pɛh Tî gá wɨ́ná Yésʉs, dwih nyé lɨ́ odwe nyá.

Mɨlʉmlʉ 3:26

Nó ɨ́ jɔ̌ʼ Nzyɛ̌m á ka lómo syɛ̂l mesâ wé yɨ́, nye á nyɛɛ tyen nye ó, kwá nyɨ́n, ó nye sʉ́ʼoo bɨ̌n métyɛʼ me mpóm, le edwih mʉ̂r sɔ́má yɨ́n nyɨnyɛ̂h ɨ́ bɨ́blǎ syɛ́ɛla yɨ́yɛ̂h nyé dí esâ yɨ́.»

Yʉanes 5:19

Yésʉs nzě báʼǎ nʉǎ lwǐb. Nye ó: «Mě lɛ́ɛ́ bɨ́n lɨ́ otyeetye ó, Mwân mé Nzyɛ̌m, nyé abe lɨ́ esâ yʉ́ʉ́ sɔ̂ʼ e nkul nyé mʉr tɨ̂. Nyě jaá sâ ó, njɨ syɛ́ɛla nyé dí ebee Sɔ́ŋ wé lɨ́ esâ yɨ́, ebě, syɛ́ɛla yɨ́yɛ̂h Sɔ́ŋ dí esâ yɨ́, yé ntémé ó Mwân wé dí esâ yɨ́.

Mataos 27:63

Bé e né ó: «Dâ ɛ̌, bɨ̌h bé lɨ́ esímsa ó, ányâ-mikóǒ nɨ̌, ɨ́ jɔʼ nyé á be, nye dína ɨ́ twiʼ yɨ́, nye á kʉ bana lɛ́ɛ ó: “Lɨ́ elú élɛ̂l, me ópah.”

Mataos 16:21

Táare ɨ́ jɔʼ yaá, Yésʉs nzě gɔ́na le elɛ́ɛ ómpʉ́n bé ó, yé jala ó, nye tôʼ ɨ́ Yerʉ́zalɛm, nye síaa e mitúú ɨ́ buo buo ɨ́ mebó mé ótɔ́má bʉ̂r, le ojwɨ́ɨ o mpáh Nzyɛ̌m le olɛ̂ʼla o métié. Nye ntémé ójʉ́ŋɔɔ. Lɨ́ elú élɛ̂l píe tɨ̂, nye ópah ɨ́ soo.

Mɨlʉmlʉ 6:14

Bɨ̌h bé á si kʉ jóʼo nye lɨ́ ebánǎ lɛ́ɛ ó, Yésʉs, mʉr Nazarɛ̂t, nye ógbǎh gúmó yɨ̂. Nyé océne métǔm Moyɨ̂z á líʼe mɨná gá e mé má.»