Yʉanes 2:16 - Kálar Nzyɛ̌m : Ejwán é Sáá

¹⁶ Nye e bʉr o b'á be lɨ́ ebɛ́ma mépɨbaa bá ó: «Pɛʼɛɛ gá mepɨbaa mɨ́mɛ̂h wâ. Mʉr aliŋ gá Mbɛ̌r mé Dâ mbɛ̌r ébôm.»

Kálara Zyɛ̌m Edwán é mpʉ̌n

¹⁶ Nye e bʉr o b'a be lé ebɛma mopɨba ó: «Pɛʼɛ ga mopɨba mɨn mɨmɛh wâ! Daʼ liŋ ga Mbɛr mo Sɔŋ wam mpah engar!»

Yʉanes 2:16 ပူးပေါင်းရင်းမြစ်များ

Mataos 21:13

Nye nzě lɛ́ɛ e bé ó: «Yê cɛmá ɨ́ Mekaná mé Nzyɛ̌m ó: “Mbɛ̌r wâm, wé óbe ó mbɛ̌r mínjɨʼla.” Nó bɨ̌n bɨɛ̌ dwir wé ó, ekul e bínzilngǎn!»

Markus 11:17

Nye ntɔ̂ʼ dwe bé milɛ́ʼlá. Nye ntɔ̂ʼ dî e bé ó: «Bé á bé así cɛma ó: “Mbɛ̌r wâm, wé óbe ó mbɛ̌r mínjɨʼla lɨ́ esú é bíkúl bíbyɛ̂h” ɛ̌? Nó bɨ̌n bɨɛ̌ dwir wé ó, ekul e bínzilngǎn.»

Lʉkas 2:49

Nó nyé á nze lɛ́ɛ e bé ó: «Bɨ̌n sáá mé ɨ́ yé ɛ́? Nzê bɨ̌n bé agʉ́a ó, yé jala ó, me díʼee ɨ́ mbɛ̌r mé Dâ ɛ̌?»

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Yʉanes 5:17

Nó ó Yésʉs á nze lɛ́ɛ e bé ó: «Sɔ́ŋ wǎm séá ó bijɔʼ bíbyɛ̂h, nzě kumo ɨ́ báánâ. Mɛm ntémé, me lɨ́ eséa.»

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Yʉanes 10:29

Sɔ́ŋ wǎm, mʉr á dwe me byǎ nyá, nyě e nkul, laa bʉ̂r bɨ́bɛ̂h. Nó ó, mʉr, nyé abe e nkul edɛ̂ʼ sɔ̂ʼ ɨ́ mbó wé.

Yʉanes 8:49

Yésʉs, nye e bé ó: «Mé abe le eleme. Me ó njɨ lɨ́ edwidwe Sɔ́ŋ wǎm kûm. Bɨ̌n bɨɛ lɨ́ esâ mé bisá bí ésɔ́m!

Mataos 21:12

Yésʉs ntɔ̂ʼ nî lɨ́ ebɛhɛɛ lé á be ɨ́ mpáh Nzyɛ̌m lɨ́. Nye ntɔ̂ʼ so bʉ̂r o b'á didi tɨ̂ʼ lɨ́ ebɛ́ma, le baá bé á nzɨnze lɨ́ ebwâm bá. Nye ntɔ̂ʼ nkɛŋ ótéble o bʉ̂r o b'á sisyɛ́ɛla bimɔnɨ́ bá sí, lôʼlo bídiá bi bʉ̂r o b'á bɨbɛ́ma mepɨbaa bá.

Mataos 22:5

Bʉr o nyé á báŋle bá, pyéhɔɔ mpáŋla nyé nyaá, atóŋɔɔ. Bé á sɨsâ ó: nyâ, tô ɨ́ yé pemé; nyʉ́ʉ́, tô ɨ́ wé mbɛ̌r mpɛ́ma.

Yʉanes 2:15

Nó ó Yésʉs á nze nʉa mikǒl, nzě sâ ngáhá, ntɔ̂ʼ so bʉ̂r baá ɨ́ mpáh Nzyɛ̌m, bé e bitab ti e bintœœ byɔ́ɔ́, gɔ́na le enkɛŋ ótéble bɔ́ɔ́ sí.