Yʉanes 2:11 - Kálar Nzyɛ̌m : Ejwán é Sáá

¹¹ Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.

Kálara Zyɛ̌m Edwán é mpʉ̌n

¹¹ Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Yʉanes 2:11 ပူးပေါင်းရင်းမြစ်များ

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Yʉanes 6:2

Bʉr ɨ́ buo buo, bé á be ó lɨ́ edû nyê, ebě, bé á be ó lɨ́ ebee nyé lɨ́ etiʼ mímbêl ɨ́ nzɨ̌ mesimá.

Yʉanes 6:30

Bé e né ó: «Láa ésimá gó dí ɨ́ pǎ lɛ̂ʼle bɨ́h, ó bɨ̌h béyɨɨ, bɨ̌h nkʉ̂ dyɛ̂ʼwo e go? Yé gó dí ɨ́ pǎ sâ yɨ́?

Yʉanes 6:26

Nye nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n sáá mé ó, ebě, bɨ̌n bé á si de blêr, díle. Bɨ̌n bé asáa mé ɨ́ lɔ̌b mésimá bɨ́n á bee má.

Yʉanes 6:14

Bʉr o b'á bee esimá Yésʉs á sâ lɨ́ bá, bê nzě lɛ́ɛ ó: «Mʉr nyâ, nye kʉ́ bě tyeetye ó ngwíha milɔ̌b á jala le enze ɨ́ sí yɨ̂ʼ nyá.»

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

Yʉanes 14:13

Me ósâ sá yɨ́yɛ̂h bɨ́n ngá kpɛl, lɨ́ ejɨʼla e Sɔ́ŋ wǎm, pɨr e díé lâm yɨ́. Nó ó bʉ̂r ngá gúmlǒ Nzyɛ̌m Sɔ́ŋ ɨ́ lɔ̌b Mwân wé yɨ́.

Yʉanes 12:41

Ésayie á lɛ́ɛ nó ó, ebě, nye á si bee kûm mé Yésʉs. Nó nyé á lwilwib ɨ́ lɔ̌b wé yɨ́.

Yʉanes 12:37

Damá be ó Yésʉs á si bu sâ mesimá ɨ́ míh mɔ́ɔ́, oYúden, bé á bé adyɛ̂ʼwo e né.

Yʉanes 2:23

Jɔʼ yɨ́yɛ̂h nzɔ́ɔ Páska nyaá á bwalɔɔ yɨ́, Yésʉs á be ó Yerʉ́zalɛm. Bʉr ɨ́ buo buo, bê nzě dyɛ̂ʼwo e né ɨ́ lɔ̌b mésimá bé á bee nye lɨ́ esâ má.

Yʉanes 1:50

Yésʉs, nye e né ó: «Nzê gǒ dyɛ́ʼwó e me ó, mpʉ mê lɛ́ɛ́ gó ó, me bé ó sí bee gó lɨ́ enzuʼ é lɨ́ figyê yɨ́ ɛ́? Bónáa. Go óbáʼǎ bee bísá bínɨ́nɨ́ɨ́, laa yɨ́nɨ̌.»

1 Yʉanes 5:13

Milɔ̌b mê cɛmá mî, me cɛmá myé ó, bɨ̌n bɨɛ, bʉr o dí edyɛ̂ʼwo e Mwân mé Nzyɛ̌m bá. Me cɛmá bɨ́n myǎ ó, bɨ̌n gʉ́ŋaa ó, bɨ̌n mû ó e twǐʼ njʉ̌m dǐ.

Yʉanes 4:46

Píe tɨ̂, Yésʉs nzě tô Kanâ, nkanǎ Galilê, nko nyé á liŋ medíbé menyoʼ yɨ́. Njwɨ́ʼ syɛ̂l mesâ mé Erôd á be ó tɨ̂. Mwân wé lɨ́ ebíle. Nye á be ó ɨ́ Kapernáʉm.

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

Yʉanes 11:15

Me lɨ́ ekʉ́ soho e bɨ̌n, ebě, mɨná bé á bé abe gá gʉ̂. Tɨ̂ʼ ó bɨ́n ngá dyɛ̂ʼwo e me yɨ́. Ncʉ̂ʼ gâ, mɨná tôʼ gá nko nyé dí yɨ́!

Yʉanes 1:17

Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Yʉanes 1:43

Ɨ́ mɛ́n tɨ̂, Yésʉs nzě tíʼe ɨ́ lémé wé ó, nyě tó ó ɨ́ sí Galilê. Nye nzě beě Philippe. Nye e né ó: «Dúʼóó mê!»

Yʉanes 2:1

Píe melú mébá, nzɔɔ ebâ nzě syɛ́ɛ ɨ́ kwár Kanâ ɨ́ sí Galilê. Nyɔ̌ŋ mé Yésʉs á be ó tɨ̂.

Yʉanes 4:54

Lɨ́haá, lé á be ó esimá émbá Yésʉs á sâ píe jɔʼ nyé á duhǒ sí Yʉ́da, tó dǐ sí Galilê yɨ́.

Yʉanes 7:31

Lɨ́ entumo e bʉ̂r énɨ̌, bʉ́ʉ́ bʉ̂r ɨ́ buo buo, bé á be ɨ́ dyɛ̂ʼwo e né. Bé ó: «Jɔʼ Mʉ̂r Nzyɛ̌m á lœm múló mé jwɨ́ɨ nyá, ónze yɨ́, nzê nye óbánǎ laa mʉ̂r nyâʼ lɨ́ esâ mésimá ɛ̌?»

Yʉanes 9:16

Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Yʉanes 10:41

Bʉr ɨ́ buo buo nzě dû nko nyé á tô yɨ́. Bé ó: «Yʉánɛs á be ó, asâ damá jóʼo ésimá egwár. Sâ gwár, sá yɨ́yɛ̂h nyé á lɨlɛ́ɛ, dumo e mʉr nyâʼ yɨ́, yé kʉ́ be ó tyeetye.»

Yʉanes 11:47

OFarizyɛ̂n le ojwɨ́ɨ o mpáh Nzyɛ̌m bɨ́ɛ nzě gwɨ̂hla ɨ́ bʉ̌m nɨ́nɨ́ɨ́. Bé ó: «Mɨná bé ósâ gá nyá? Ebě, mʉ̌r nɨ̌, nyɨ́ buú sâ mésimá.

Yʉanes 12:18

Nó yaá ó bʉ̂r, bé á tô nye lɨ́ esóʼ é nzɨ́ yɨ́, ebě, bé á si jóʼo lɔ́ɔ́ ésimá nyé á sâ lɨ́.

Yʉanes 16:27

Ebě, Sɔ́ŋ wǎm mʉr tɨ̂, nye lɨ́ ekpɛl bɨ́n. Nyě kpɛ̌l bɨ́n ó, ebe bɨ́n ntémé dí ekpɛl mê. Bɨ̌n bɨ́ bûʼla ntémé ó, me á duho ó kwá nyé.

Yʉanes 16:30

Ɨ́ báánâ, bɨ̌h bɨ́ gʉ́a ó, gʉ́ gʉ́ǎ sá yɨ́yɛ̂h, ndu e ntémé ó, yé ajɨ ó, mʉr díʼee go tíá. Nó yaá ó bɨ́h dí ebúʼla ó, go á duho ó kwá mé Nzyɛ̌m yɨ́.»