Yʉanes 2:10 - Kálar Nzyɛ̌m : Ejwán é Sáá

¹⁰ Nye e né ó: «Mʉr nyɨnyɛ̂h, nyě nyɛɛ́ dwe ó, menyoʼ mempâ. Píe tɨ̂, maá me dí pâʼ e tɨ̂ʼ má, ɨ́ jɔʼ bʉ̂r o nzɔ́ɔ óbe, bé mû sí buú bɛble yɨ́. Sâ gwár, gua bé ɨ́ komo ményoʼ me dí ɨ́ mbɨa má, kumo ɨ́ báánâ.»

Kálara Zyɛ̌m Edwán é mpʉ̌n

¹⁰ Nye e nye ó: «Mʉr nyiwɛh, nye etaare dwe-dwe ó mbɨambɨa monwoʼ, pie tɨ, maa ndɨ paʼ tɨʼ ɨ, é jɔʼ bʉr, bé óbe, bé mu é mpur ɨ. Sa gwar, gwɔɔ be ó si komo mpaŋ monwoʼ, ze pyal é banana!»

Yʉanes 2:10 ပူးပေါင်းရင်းမြစ်များ

Lʉkas 16:25

Nó ó Abraham á lɛ́ɛ e né ó: “Mwân wǎm ɔ́, símsáá ó, go á di ó ɨ́ diá mépwaʼ ɨ́ jɔʼ gó á be ɨ́ twiʼ yɨ́ ɔ̌! Lazare nyɨɛ á jaa didi ó, njɨ ɨ́ diá éntéʼe. Ɨ́ báánâ, nye mû ó sí póblɔɔ kâ; gua, go lɨ́ ejóʼo mégunwa.

Mataos 24:49

Nye óbɛ̌m táare ébî bʉ̂r ó njoo yé, nzě de méde le menyoʼ, bé e minyʉnyóʼ.

Lʉkas 12:45

Syɛ̂l mesâ waá sí jwɨʼ ɨ́ lémé wé tʉ́ŋlʉ̌ ó: “Yé ó go ó, Sɔ́ŋ wǎm álɨ̌ búla” nɛ́ɛ: nye óbɛ̌m táare ébî bʉ́ʉ́ ósyɛ̂l o mésâ, bʉbá e bʉrʉ̂m. Nye bɛ̌m táare ntémé ede méde le menyoʼ, le epuro ményoʼ.

Mɨlʉmlʉ 2:15

Ebě, bʉr o bɨ́n dí ebee bâ, bé apuro ményoʼ mpʉ bɨ́n dí ejwɨ̌ʼ nɨ̌. Dʉ́o, lé dína ó, mewala ebǔ mé mɛ́n.

1 Korɛnt 11:21

Jɔʼ bɨ́n mû lɨ́ edɨ́ɨ́ lɨ́n laá yɨ́, mʉr nyɨnyɛ̂h jaá susuo ó, njɨ nyɨɛ dêʼ. Tó kœb ó, nyâ, nyé abe e péh dœʼ; nyʉ́ʉ́ nyɨɛ ɨ́ mpur menyoʼ.

Éfɛsɔs 5:18

Mʉ̌r sá apuro ményoʼ, ebě, mʉr dí elɔ̂ʼwa lɨ́ ede ményoʼ nyá, nyě dímlé ó lʉ́ wé. Diʼee gá lwɨ́ŋlá e Sísǐm mé Nzyɛ̌m.

1 Tesalonika 5:7

Ebě, baá o dí ejâ bíjô bá, bé já ó, ɨ́ pum. Minyʉnyóʼ, myé puro ményoʼ ó, ɨ́ pum.

Mɨngwiha 17:2

Nye ntémé á be lɨ́ epûhla nyʉ̂l nyé le ojwɨ́ɨ́ ó sí yɨ̂, le odil ó sí yɨ̂, tó pyâl ɨ́ jɔʼ bé á ka sia e mitúú duho tɨ̂ʼ mpʉ mʉ̂r jáʼrá e menyoʼ yɨ́.»

Mɨngwiha 17:6

Me nzě bee ó, mʉmá waá á be ó, ɨ́ mpur metié. Nye á be ɨ́ buú bɛble métié me bʉ̂r o mé Nzyɛ̌m, baá bé á bʉboʼlo lɔ̌b dí edumo e Yésʉs wɨ́ bá. Mbeá mé á bee nye yɨ́, me nzě kǎ buú kâm.