Yʉanes 19:6 - Kálar Nzyɛ̌m : Ejwán é Sáá

⁶ Mbeá ójwɨ́ɨ o mpáh Nzyɛ̌m ndu e bisója bí óYúden, bé á bee nye yɨ́, bê nzě lwib kʉ́kʉ́. Bé ó: «Bomlaa nyé ɨ́ kolôs! Bomlaa nyé ɨ́ kolôs!» Pilátos, nye e bé ó: «Bɨ̌n bʉr o tɨ̂, nʉaa gá nye bé. Bɨ̌n a bómló nyé ɨ́ kolôs, ebě, ɨ́ wâm pâʼ, mé abee ó, nyě e mebě dí ó, nye ɨ́ jala le edwe tɨ̂ʼ má.»

Kálara Zyɛ̌m Edwán é mpʉ̌n

⁶ Jɨh tɨʼ ojwɨɨ be opara ndwe e bɨpulʉm byɔɔ, bé a bee nye, bé ze lwib lé eyɨm twii ó: «Cyèlɨ nye é klos kʉ. Cyèlɨ nye é klos kʉ.» Pilat, nye e be ó: «Nʉŋa ga be nye, bɨn bʉr o tɨ. Toʼ, to bomlo ga nye é klos, ebe, me abee sa ebebe nye pa kʉ sa ó, nye dweŋɔ mobe mo jala e l'efie e.»

Yʉanes 19:6 ပူးပေါင်းရင်းမြစ်များ

Yʉanes 18:31

Pilátos, nye e bé ó: «Bɨ̌n bʉr o tɨ̂, nʉaa gá nye. Tó tíʼe gá lɔ̌b wé mpʉ métié mɨ́n dí ekam yɨ́.» OYúden, bé e né ó: «Metié mɨ́n, mé adwe nkûl ó, bɨ̌h jʉ́ʼoo mʉr.»

Yʉanes 19:4

Pilátos nzě báʼǎ tô kʉ̌l. Nye le entumo e bʉ̂r ó: «Jóʼláá gâ: mě nzé bɨ́n e mʉr nyâʼ kâʼ kʉ̌l ó, bɨ̌n gʉ́ŋaa ó, mɛm, mé abee ó, nyě e mebě ó, nye ɨ́ jala le edwe.»

Mɨlʉmlʉ 7:52

Lɛ́yɨ́ɨ́ gá me: wáa ngwíha milɔ̌b bímpám gá bíná, byé á be atíble nyá? Byé á si jʉ̂ bʉr o b'á túno nzéá mé Tîtyěl Mʉ̂r bá. Nó ó, ɨ́ báánâ, bɨ̌n bɨɛ mû ó sí bɛ́ma mʉ̂r waá, jʉ́ŋɔɔ nyê.

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Yʉanes 19:15

Bê nzě báʼǎ táare ébʉ̂ bítím. Bé ó: «Jʉ́ʼóó nyê! Jʉ́ʼóó nyê! Bomlaa nyé ɨ́ kolôs!» Pilátos, nye e bé ó: «Nzê ó, me bómlaa njwɨ́ɨ wɨ́n ɨ́ kolôs ɛ̌?» Ojwɨ́ɨ o mpáh Nzyɛ̌m, bé ó: «Bɨ̌h bé abe e nyʉ́ʉ́ njwɨ́ɨ píe koo mé Kɛ́ɛza.»

Lʉkas 23:4

Ɨ́ mekǎn maá, Pilátos ntɔ̂ʼ lɛ́ɛ ójwɨ́ɨ o mpáh Nzyɛ̌m, bé le entumo e bʉ̂r laá ó: «Mɨ́ pahle nyê. Nó mɛm, mé abee mʉ̂r nyâʼ e sá ébébe nyé nʉ́á mébě e tɨ̂ʼ yɨ́.»

Mataos 27:24

Mpʉ̌ Pilátos á bee ó, bé á bé akpɛl éjóʼo nyé yɨ́, le ebee ntémé ó, entumo e bʉ̂r, lé ámû sâ bíntʉ̌ yɨ́, nó ó nyé á nze nʉa medíbé, nzě jwɨɨ mébó mé ɨ́ mpǒm entumo e bʉ̂r laá. Nye ó: «Mé anʉa ntœ́b ɨ́ metié me mʉ̂r nyâ! Lɔ̌b wɨ́n ó nɨ̌!»

Mataos 27:22

Pilátos, nye e bé ó: «Á nó, waá bɨ́n dí elɛ́ɛ ó, nye ó Mʉ̌r Nzyɛ̌m á lœm múló mé jwɨ́ɨ nyá, me sâʼ nye nyá?» Bʉr bɨ́bɛ̂h ntɔ̂ʼ yala ó: «Nye tyélɔɔ ɨ́ kolôs kʉ́!»

Mataos 26:58

Pétrus á be ó lɨ́ edû nyé ká ká píhe, nze ɨ́ nze nze, ntɔ̂ʼ nî tʉ́ŋlʉ̌ ebɛhɛɛ mé njwɨ́ɨ opara, ntɔ̂ʼ di sí bǎʼ e bisója gúmo gwár, lɨ́ esáa ébeě mpʉ yé ngá sûʼla yɨ́.

Yʉanes 18:3

Yʉ́das nzě dû bé gʉ̂, bé e sɔ́má bísója bí Rôm ndu e byúú bísója ójwɨ́ɨ o mpáh Nzyɛ̌m le oFarizyɛ̂n, bé á lómo bí. Bé á be ó e bisá bí dɔ̂m ndu e metwǐm me mpâh. Bâʼ e meláma.

Yʉanes 18:38

Pilátos nzě dî e né ó: «Otyeetye wɨ́ɛ, wé pʉgʉ́ be yé?» Mpʉ̌ Pilátos á sil elwib nó yɨ́, nye nzě báʼǎ tô kʉ̌l, tô nko óYúden, bé á be yɨ́. Nye ó: «Ɨ́ wâm pâʼ, mé abee nyé e mebě ó, nye ɨ́ jala le edwe.