Yʉanes 19:4 - Kálar Nzyɛ̌m : Ejwán é Sáá

⁴ Pilátos nzě báʼǎ tô kʉ̌l. Nye le entumo e bʉ̂r ó: «Jóʼláá gâ: mě nzé bɨ́n e mʉr nyâʼ kâʼ kʉ̌l ó, bɨ̌n gʉ́ŋaa ó, mɛm, mé abee ó, nyě e mebě ó, nye ɨ́ jala le edwe.»

Kálara Zyɛ̌m Edwán é mpʉ̌n

⁴ Pilat ze bâʼle pyal kʉl. Nye e ntuntuma bʉr ó: «Joʼla ga: me ze bɨn e mʉr nwaʼ kaʼ kʉl ó, bɨn gʉŋa ó, me abee sa ebebe nye pa kʉ sa ó, nye dweŋɔ mobe mo jala e l'efie e.»

Yʉanes 19:4 ပူးပေါင်းရင်းမြစ်များ

Yʉanes 19:6

Mbeá ójwɨ́ɨ o mpáh Nzyɛ̌m ndu e bisója bí óYúden, bé á bee nye yɨ́, bê nzě lwib kʉ́kʉ́. Bé ó: «Bomlaa nyé ɨ́ kolôs! Bomlaa nyé ɨ́ kolôs!» Pilátos, nye e bé ó: «Bɨ̌n bʉr o tɨ̂, nʉaa gá nye bé. Bɨ̌n a bómló nyé ɨ́ kolôs, ebě, ɨ́ wâm pâʼ, mé abee ó, nyě e mebě dí ó, nye ɨ́ jala le edwe tɨ̂ʼ má.»

Yʉanes 18:38

Pilátos nzě dî e né ó: «Otyeetye wɨ́ɛ, wé pʉgʉ́ be yé?» Mpʉ̌ Pilátos á sil elwib nó yɨ́, nye nzě báʼǎ tô kʉ̌l, tô nko óYúden, bé á be yɨ́. Nye ó: «Ɨ́ wâm pâʼ, mé abee nyé e mebě ó, nye ɨ́ jala le edwe.

Lʉkas 23:4

Ɨ́ mekǎn maá, Pilátos ntɔ̂ʼ lɛ́ɛ ójwɨ́ɨ o mpáh Nzyɛ̌m, bé le entumo e bʉ̂r laá ó: «Mɨ́ pahle nyê. Nó mɛm, mé abee mʉ̂r nyâʼ e sá ébébe nyé nʉ́á mébě e tɨ̂ʼ yɨ́.»

Lʉkas 23:47

Kapitɛ̂n á be tɨ̂ʼ nyá, mbeá nyé á bee sá yɨ́yɛ̂h yé á syɛ́ɛ yɨ́, nye ntɔ̂ʼ dwě Nzyɛ̌m kûm. Nye ó: «Lɨ́ otyeetye, mʉr nyâʼ á kʉ be ó mpǎŋ tîtyěl mʉr!»

1 Yʉanes 3:5

Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

1 Pyɛr 2:22

«Nye á bé asâ syóm. Lwǐb míkóo, yé aduho ɨ́ num wé.»

1 Pyɛr 1:19

ɨ́ metié mé Yésʉs-Krîst. Mé ó dí ndwéá dí ɨ́ buo ódimé wɨ́. Yésʉs-Krîst á be ó mpʉ mâ nteme dí abe e dyɛ̂m, abe ntémé e metyɛ́l nyá.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Lʉkas 23:41

Mɨná ó dí ejala le esia e mbǐ túú wɨ̂, ebě, mɨná ó b'á sɨsâ bisyɛ́ɛla bi dí ɨ́ bébe bí. Nyɨɛ á bé asâ syɛ́ɛla ébébe gwár.»

Mataos 27:54

Kapitɛ̂n, bé e bʉ́ʉ́ ódwéela o sóo mé Yésʉs, mbeá bé á bee mpʉ̌ sí yé á kubla yɨ́ le bisá bíbyɛ̂h biswîh, bê kʉ́ nzě jóʼo ékɛ̂n. Bé ó: “Mʉr nyâʼ á kʉ be ó Mwân mé Nzyɛ̌m!”

Mataos 27:24

Mpʉ̌ Pilátos á bee ó, bé á bé akpɛl éjóʼo nyé yɨ́, le ebee ntémé ó, entumo e bʉ̂r, lé ámû sâ bíntʉ̌ yɨ́, nó ó nyé á nze nʉa medíbé, nzě jwɨɨ mébó mé ɨ́ mpǒm entumo e bʉ̂r laá. Nye ó: «Mé anʉa ntœ́b ɨ́ metié me mʉ̂r nyâ! Lɔ̌b wɨ́n ó nɨ̌!»

Mataos 27:19

Jɔʼ nyé á be, nye dína lɨ́ elwǐb lɔ̌b waá ɨ́ diá tîʼ milɔ̌b yɨ́, mʉmá wé ntɔ̂ʼ lómlo nyé twíí ó: «Anʉa ntœ́b ɨ́ lɔ̌b wɨ̂, ebě, mûh ɨ́ pum wɨ̂, me bé ó sí buú sia e túú ɨ́ líma mê jɨ̌m, dumo e tîtyěl mʉ̌r nɨ̌ yɨ́.»

Mataos 27:4

Nye ó: «Mɨ́ sâ syóm, ebě, me sí bɛ́ma métié me mʉ̂r á be akúnwo e mpɨŋ nyá!» Nó ó bé á yala e né ó: «Á bɨ̌h bɨɛ, bé e wáǎ lɔ̌b tɨ̂? Lɔ̌b gô ó nɨ̌!»

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Yʉanes 18:33

Pilátos nzě báʼǎ nî mbɛ̌r wé tʉ́ŋlʉ̌. Nye nzě jébě Yésʉs, dî e né ó: «Nzê go ó dí njwɨ́ɨ oYúden ɛ̌?»