Yʉanes 19:34 - Kálar Nzyɛ̌m : Ejwán é Sáá

³⁴ Damá jóʼo nó, yʉ́ʉ́ sója, yé á si lúmo nye ekʉá ɨ́ bimpah. Tólɔ́m métié ndu e medíbé ntɔ̂ʼ sâh.

Kálara Zyɛ̌m Edwán é mpʉ̌n

³⁴ Dam be no, yʉʉ zima, yé a si kar nye ekʉa é bɨmpah. Mbah motié ndwe e modibe ntɔʼ sah.

Yʉanes 19:34 ပူးပေါင်းရင်းမြစ်များ

1 Yʉanes 5:6

Yésʉs-Krîst, nye ó mʉr á duŋɔɔ e medíbé, báʼǎ duŋɔɔ e metié lɨ́ eswie ɨ́ kolôs nyá. Nye á bé anzě duŋɔɔ̌ njɨ e medíbé mé omér. Ndubó wé, wé á be ó e medíbé ndu e metié. Sísǐm mé Nzyɛ̌m ó dí eboʼlo ɨ́ lɔ̌b ndubó wé. Nyě boʼló nó ó, ebě, nyě le otyeetye.

1 Yʉanes 5:8

Sísǐm mé Nzyɛ̌m, ndubó médíbé, ndu e ndubó métié. Oboʼlo olɛ̂l ónɨ̌, bé ó twíí.

Mɨngwiha 7:14

Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

1 Pyɛr 3:21

Medíbé maá, mé mveʼle ó, ndubó dí etíʼ bɨ́n ɨ́ báánâʼ wɨ́. Ndubó gá wɨ́ná, wé atíʼ mɨ́ná gâ ɨ́ lɔ̌b wé dí epɛʼ mɨ́ná gá mebomo. Wé tíʼ mɨ́ná gá ó, ebe wé dí gwɨ́má yɨ́ná ó, Nzyɛ̌m púbaa mɨná gâ, tó kumo ɨ́ milémé gá míná tʉ́ŋlʉ̌, ó mipahlá mi tɨ̂ʼ nkʉ̂ di ɨ́ pyɛɛɛ. Wé pubo mɨ́ná gá miléme myaá ó, ɨ́ nzɨ̌ pahá sóo mé Yésʉs-Krîst.

Ebrœ̂ 9:22

Metié mé Nzyɛ̌m, mé lɛ́ɛ́ ó, bé púbaa bɛ̌m bě sá yɨ́yɛ̂h e metié mé ótír. Jɔʼ métié me tɨ̂ʼ dína apǎ swɨɨ sí yɨ́, Nzyɛ̌m, nyé abe lɨ́ epɛʼ mʉ̂r bibaa bí ébébe nyé á niʼe nye bí.

Ebrœ̂ 9:13

Bʉr o b'á pa syel biti bá, bé á ka pubɔɔ ɨ́ páʼ ményʉ̂l ó e metié. Metié bíntœœ ndu e maá mé óntamakǎ, le meswií bwá bíntœœ, pǎ nyɛɛ́ pubo mʉ̂r,

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Mataos 27:62

Ɨ́ mɛ́n ɨ́ sábat, móhó bé á kʉkomlo bisá bí sábat wɨ́, wé osí laa, ojwɨ́ɨ o mpáh Nzyɛ̌m le oFarizyɛ̂n, bê nzě tó beě Pilátos.

Mɨlʉmlʉ 22:16

Nó ó, gǒ kǎ bóno yé ɨ́ báánâ? Gbɔlwaa sí. Go e dúŋɔɔ, jwɨɔɔ ɨ́ páʼ bísyɛ́ɛla bí ébébe byô, lɨ́ ekɛn díé mé Yésʉs.”»

Yʉanes 19:33

Jɔʼ byé á ka pyâl gúmó Yésʉs á be yɨ́, byé kǎ kœb ó, nyé osí boó dwe. Sâ yaá ó, byé á be akǎ búʼo nyé mekʉ̌ yɨ́.

Yʉanes 20:20

Jɔʼ nyé á be ɨ́ lɛ́ɛ bé nó yɨ́, nye nzě lɛ̂ʼle bé mebó mé ti e bimpah byé. Ompʉ́n bé kʉ́ nzě buú soho lɨ́ ebee Tî Yésʉs.