Yʉanes 19:11 - Kálar Nzyɛ̌m : Ejwán é Sáá

¹¹ Yésʉs, nye e né ó: «Nzyɛ̌m óbe, adwe nkûl nó, gó abe e nkul esâ mé sɔ̂ʼ. Sâ gwár, mʉr bɛ́má mé nyá nyɨɛ, nye ólîʼ e mebyaʼ, laa gô.»

Kálara Zyɛ̌m Edwán é mpʉ̌n

¹¹ Yesʉs, nye e nye ó: «Nkʉ nkul mo Zyɛm a be ó be, apyal boo go nɛʼɛ, mpa go abe e nkul é me. Ebe no, mʉr lé ekɛha me, cen me é mobo mo e, nyɛɛ ó b'a bul sa syem, laa go.»

Yʉanes 19:11 ပူးပေါင်းရင်းမြစ်များ

Rôm 13:1

Mʉr nyɨnyɛ̂h, nye sâʼ ojwɨ́ɨ́ ó sí yé mejóʼo, ebě, nkul jwɨ́ɨ nyɨnyɛ̂h, nye ó nyaá Nzyɛ̌m á tyêl nyɨ́. Bʉr o dí e jwɨ́ɨ bá, Nzyɛ̌m ó b'á tyêl bê.

Yʉanes 3:27

Yʉánɛs, nye e bé ó: «Nzyɛ̌m bé adwe mʉ̂r sɔ̂ʼ nó, nyé abe e nkul ebi yê.

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Yʉanes 7:30

Bé á sɨsáa ó, bé mɛ́r ó nye. Sâ gwár, abe e mʉr á gbâ nye mbô ɨ́ nyʉ̂l, ebě, jɔʼ éswie lé, yé á bé apǎ pyâl.

Jacques 1:17

bisá bíbyɛ̂h bi dí ɨ́ mbɨa bí, le mindwéá mi dí ɨ́ pémémé ɨ́ mipáʼ mímyɛ̂h mí, byé duho ó, ɨ́ jʉ́o kʉ́, kwá mé Nzyɛ̌m Sɔ́ŋ. Nzyɛ̌m ó b'á komlo ocwícwén, le dʉ́o ti e l'álomó. Nó ó, nyé abe lɨ́ ecéně mpʉ bísâ byaá dí ecéne bítyé byɔ́ɔ́ yɨ́. Nyé acéně mpʉ dʉ́o, sá dí edíme, kǎ líʼe bʉ̂r ɨ́ pyóo yɨ́.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Jacques 4:17

Nó, waá dí egʉ́ǎ syɛ́ɛla mpâ nyé jálá le esâ, sâ gwár asâ yé nyá, mʉr waá kʉ́ sâ ó syóm.

Rôm 11:36

Yé abe e mʉr, ebě, nye ó b'á komlo bisá bíbyɛ̂h. Byé á kwɨmlɨ ntémé ó, ɨ́ nzɨ̌ nyé. Sá yɨ́yɛ̂h, yê tɨ̂ʼ ó, lɨ́ esú lé. Mɨná gúmlaa gá nye njʉ̌m dǐ e njʉ̌m dǐ. Amɛn.

Mɨlʉmlʉ 4:28

Nkúná syɛ́ɛla bé á sâ yɨ́, yé ó b'á lóŋlo ekǎn gó á boo lɛ́ɛ ɨ́ nkul nyǒ le gwɨ́má yô lɨ́.

Mataos 27:2

Jɔʼ bé á be, bé mû sí kâʼ nyé menkara yɨ́, bê nzě tô e né, tó tímlɔɔ nyé Pilátos, á be ngóvina nyá.

Markus 14:44

Yʉ́das, mʉr á bɛ́ma Yésʉs nyá, á si boo tɨ́e bʉr baá ó: «Bɨ̌n bé ódweʼe nyé ó, mbi wɨ̂: mʉr bɨ́n ngá bee mé lɨ́ edû koo ékœ́h lé nyá, nye ó nɨ̌. Mɛ́rɨ́ɨ́ gá nye ɨ́ kpɨ́ɨ́ɨ́. Bɨ̌n a nzé e né.»

Yʉanes 18:3

Yʉ́das nzě dû bé gʉ̂, bé e sɔ́má bísója bí Rôm ndu e byúú bísója ójwɨ́ɨ o mpáh Nzyɛ̌m le oFarizyɛ̂n, bé á lómo bí. Bé á be ó e bisá bí dɔ̂m ndu e metwǐm me mpâh. Bâʼ e meláma.

Yʉanes 9:41

Yésʉs, nye e bé ó: «Yé bé bɨ̌n bé á bɨbe ó baántím nó, lɛ́ɛ́, bɨ̌n á gwa be ó mbɨ̂mbɨá, syóm akǎ be. Nó mpʉ bɨ́n lɛ́ɛ́ ó, bɨ̌n bé lɨ́ ebee yɨ́, nó yaá ó bɨ́n dína lɨ́ edi e misyóm mín yɨ́.»

Lʉkas 22:53

Me á bɨbe dʉ́ó lɨ́lɛ̂h ó, témé sɔ́má yɨ́n ɨ́ mpáh Nzyɛ̌m, bɨ̌n l'akɛl mé mbô ɨ́ nyʉ̂l. Nó bɨ̌n ka mɛ́r mé ɨ́ báánâʼ ó, ebě, lɨ̂ʼ éwala mû ó laá lɨ́n e laá mpóʼo mé Sátan.»

Mataos 26:65

Nó ó njwɨ́ɨ opara á nze nya kán wé. Nye e né ó: «Nyɨ́ sâ Nzyɛ̌m nkěh! Mɨná bé akǎ báʼǎ sáa gá bʉr o ká nwâhle nyé bá! Bɨ̌n bɨ́ jóʼo ɨ́ báánâʼ mpʉ nyé dí esâ Nzyɛ̌m nkěh yɨ́.

Yʉanes 18:13

Bê nzě nyɛɛ́ tô e né kwá mé Ánas, mʉr á be njwɨ́ɨ opara ɨ́ mbû waá nyá. (Náa yé ó, Ánas á be ó tǐ mé Kayɨáfa.)

Yʉanes 19:10

Pilátos, nye e né ó: «Nzê gó akpɛl élwib e me ɛ̌? Gó agʉ́a ó, mě e nkul ebîr gó, nkʉ̂ ntémé lɛ́ɛ ó, bé bómlaa go ɨ́ kolôs kʉ́?»