Yʉanes 18:4 - Kálar Nzyɛ̌m : Ejwán é Sáá

⁴ Náǎ yé ó, mpʉ̌ Yésʉs á be lɨ́ egʉ́ǎ sá ngá pyâl nyé yɨ́, nye ntɔ̂ʼ tô nko bé á be yɨ́, nzě dî e bé ó: «Bɨ̌n sáá nzé?»

Kálara Zyɛ̌m Edwán é mpʉ̌n

⁴ Tina, yé ó, mpʉ Yesʉs a be lé egʉa sa yé ópyal nye e, nye ntɔʼ to nko bé a be e, ze dî e be ó: «Zé bɨn lé esaa ɛ?»

Yʉanes 18:4 ပူးပေါင်းရင်းမြစ်များ

Yʉanes 13:1

Yé á be ó, nzɔɔ Páska mû kúno ebwalɔɔ. Yésʉs nyɨɛ á be ó sí boó gʉ́a ó, jɔʼ dí ó, nye káa duhǒ sí yɨ̂, bére kwá Sɔ́ŋ yɨ́, mû ó sí pyâl. Jɔʼ yɨ́yɛ̂h, nye á be ɨ́ buú kpɛl bʉ̂r bé, bé á di ɨ́ sí yɨ̂ʼ bá. Nye á kpɛl bé ó, abe le odumo.

Yʉanes 18:7

Yésʉs nzě báʼǎ dî e bé ó: «Bɨ̌n sáá nzé?» Bé ó: «Yésʉs, mʉr Nazarɛ̂t.»

Mɨlʉmlʉ 2:28

Gʉ́ lɛ̂ʼle mé nzɨ̌ twiʼ. Go ókǎ lóŋlǒ lémé wâm e bisʉhʉʉ ɨ́ jɔʼ mɨ́ná óbeela mémpǒm yɨ́.”

Yʉanes 19:28

Píe tɨ̂, mpʉ̌ Yésʉs á gʉ́a ó, sá yɨ́yɛ̂h, yé á be ó, yé mû sí síe yɨ́, nye ntɔ̂ʼ lɛ́ɛ ó: «Me lɨ́ ejóʼǒ dwéh médíbé.» Nye á lɛ́ɛ nó ó, sá dí cɛmá ɨ́ Mekaná mé Nzyɛ̌m yɨ́, yé díraa.

Yʉanes 13:11

(Yésʉs á be ó lɨ́ eboó gʉ́a mʉ̂r óbɛ́ma nyé nyá. Sá tɨ̂ʼ ó nyé á lɛ́ɛ ó: “Sâ gwár, ntʉ bɨ́n bɨ́bɛ̂h dí minjwɨá” yɨ́.)

Yʉanes 6:64

Sâ gwár, bʉ́ʉ́ bʉ̂r ó sɔ́má yɨ́n, bé adyɛ̂ʼwo e me.» (Yésʉs á si lɛ́ɛ nó, ebě, nye á be ó lɨ́ eboó gʉ́a, duho ɨ́ menyɛ̌l, baá bé á be adyɛ̂ʼwo e né bá, ndu e waá óbɛ́ma nyé nyá.)

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Mataos 26:31

Yésʉs nzě lɛ́ɛ e bé ó: «Me óbe ɨ́ pum wɨ̂ʼ mûh ó, ebɔ̌ʼ lé óbɨma bɨ́n bɨ́bɛ̂h ɨ́ miléme lɨ́, ebě, yê cɛmá ó: Me ójʉ̂ pála binteme; ekul e bínteme laá, lé omyamǎ dwǐʼ e dwǐʼ.

Mataos 26:21

Jɔʼ bé á be, bé mû lɨ́ ede yɨ́, Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má yɨ́n óbɛ́ma mê.»

Mataos 26:2

«Bɨ̌n bé lɨ́ egʉ́a ó, nzɔɔ Páska, nyɨ́ kǎ lîʼ mélú mébá ó, nye bwálɔɔ. Nó ó Mwân mé Mʉr ónzě bɛ́mɔɔ, ó bé bómlaa nye ɨ́ kolôs kʉ́.»

Mataos 16:21

Táare ɨ́ jɔʼ yaá, Yésʉs nzě gɔ́na le elɛ́ɛ ómpʉ́n bé ó, yé jala ó, nye tôʼ ɨ́ Yerʉ́zalɛm, nye síaa e mitúú ɨ́ buo buo ɨ́ mebó mé ótɔ́má bʉ̂r, le ojwɨ́ɨ o mpáh Nzyɛ̌m le olɛ̂ʼla o métié. Nye ntémé ójʉ́ŋɔɔ. Lɨ́ elú élɛ̂l píe tɨ̂, nye ópah ɨ́ soo.

1 Pyɛr 4:1

Krîst á si sia e mitúú ɨ́ nkǒ páʼ nyʉ̂l bipúno. Sá tɨ̂ʼ ó bɨ́n jálá le eboó bǐ mbǐ pahlá ngwár nyé á be e wé wɨ́ yɨ́, ebě, waá mû sí sia e mitúú ɨ́ nkǒ páʼ nyʉ̂l bipúno nyá, nyé abe lɨ́ ekǎ sɨsâ ébébe.

Yʉanes 18:5

Bé e né ó: «Yésʉs, mʉr Nazarɛ̂t.» Yésʉs, nye e bé ó: «Me ó nyâ.» (Yʉ́das, mʉr á bɛ́ma nye nyá, náǎ ɨ́ sɔ́má.)