Yʉanes 18:20 - Kálar Nzyɛ̌m : Ejwán é Sáá

²⁰ Yésʉs, nye e né ó: «Me á jaa lwilwib ó, njɨ ɨ́ hwɨ́m, bʉr bɨ́bɛ̂h lɨ́ ejóʼo. Me á lɨlɛ̂ʼle bʉr ó, ɨ́ mempáh mínjɨʼla mɔ́ɔ́ ndu e mpáh Nzyɛ̌m, bigúmó óYúden bɨ́bɛ̂h dí egwɨ̂hlǎ jɔʼ yɨ́yɛ̂h bí. Me á bé alɛ́ɛ yʉ́ʉ́ sɔ̂ʼ mesǒ.

Kálara Zyɛ̌m Edwán é mpʉ̌n

²⁰ Yesʉs, nye e nye ó: «Me a baalɛɛ yʉʉ sɔʼɔ é l'efo. Me a kʉ dɨ lwib e bʉr bɨbɛh ó, é kpɛŋlɛm. Me a dwe bʉr sikʉlʉ yam ó, é mompah mɨnjwɨʼla mɔɔ, ndwe é jahla bii mo Zyɛm tʉŋlʉ, bɨgumo oYʉden lé egwɨhla jɔʼ yiyɛh ɛ.

Yʉanes 18:20 ပူးပေါင်းရင်းမြစ်များ

Yʉanes 7:26

Beyɨɨ gá, nye lɨ́ ebánǎ lwib témé bʉr ɨ́ kpɛŋlɛm! Bé abá lɛ́ɛ nyé sɔ̂ʼ. Nzê minjwɨ́ɨbʉr gá míná, mí gʉ́ǎ tyeetye ó, nye ó dí Mʉ̌r Nzyɛ̌m á lœm múló mé jwɨ́ɨ nyá ɛ́?

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Lʉkas 21:37

Yésʉs á dwidwe bʉr milɛ́ʼlá ɨ́ mpáh Nzyɛ̌m ó, ɨ́ mimóhó. Nó ɨ́ bibíí bí kʉ̌ʼ bíɛ, nye á to jɨjâ ó, lɨ́ ecwɨ̂ʼ bé jɨ́jébé ó, “Ecwɨ́ʼ lé ólivier” lɨ́.

Yʉanes 7:4

Mʉ̂r sí kpɛl ébuú gʉ́ŋɔɔ nó, nye l'asǒl syɛ́ɛlǎ nɨ́nɨ́ɨ́ nyé dí esâ yɨ́. Nó ó, ebe gó dí esâ mbi bísyɛ́ɛla bínɨ̌, yé jala ntémé ó, go lɛ̂ʼlaa bʉr ó sí bɨ́bɛ̂h go mʉr tɨ̂.»

Lʉkas 4:15

Nye nzě lɨlɛ̂ʼle bʉ̂r ɨ́ mempáh mínjɨʼla mɔ́ɔ́. Bʉr bɨ́bɛ̂h bé á jʉjóʼo nye bá, bê nzě sêʼlɔɔ nyê.

Mataos 26:55

Jɔʼ yaá ó Yésʉs á nze lɛ́ɛ le sɔ́má bʉ̂r yaá ó: «Bɨ́n pa nze mɛ́r mé le opasoŋ le mimbɨ́ŋ nó, nzê bɨ̂n jóʼó ó, me ó nzilngǎn? Me á bɨbe ó, dʉ́ó lɨ́lɛ̂h ndîndǐl tʉ́ŋlʉ̌ mpáh Nzyɛ̌m, lɨ́ elɛ̂ʼle bʉ̂r. Bɨ̌n bé á bé amɛ̂r mê.

Mataos 9:35

Yésʉs nzě tô le etô bínkana e bínkana byɛ̂h le mékwár e mékwár mɛ̂h, lɨ́ etô le elɛ̂ʼle bʉ̂r ɨ́ mempáh mínjɨʼla mɔ́ɔ́, le etúnǒ Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, le etiʼ bʉ̂r o b'á be e mekpaa mɨ́mɛ̂h le bidyɛ̂m bíbyɛ̂h bá.

Yʉanes 8:26

Me ɨ́ buo bísá bí élɛ́ɛ ɨ́ lɔ̌b wɨ́n. Milɔ̌b mín mé jálá le etíʼe mí, myé ɨ́ buo. Mʉr á ntɨh me nyá, lɛ́ɛ́ ó otyeetye. Mɛ̌m jaá lɨlɛ́ɛ ó, njɨ sá mé á jɨ̂ʼ kwá nyé yɨ́.»

Yʉanes 8:2

Ɨ́ mɛ́n kúnó, nye nzě tô mpáh Nzyɛ̌m. Bʉr bɨ́bɛ̂h nzě tô nko nyé á be yɨ́. Nye nzě di sí, nyɛl édwe bé milɛ́ʼlá.

Yʉanes 7:28

Yésʉs á be ó lɨ́ edwe bé milɛ́ʼlá ɨ́ mpáh Nzyɛ̌m. Nye nzě tyɛ̂b le etúno ó: «Bɨ̌n bé lɨ́ egʉ́a mê? Bɨ̌n ntémé, bɨ́ gʉ́ǎ páʼ mé á duho wɨ́? Me á bé anze e mɛm mʉr tɨ̂. Sâ gwár, mʉr á ntɨh me nyá, nye ó tyeetye. Bɨ̌n bé agʉ́a nyê.

Yʉanes 7:14

Ádwií témé nzɔɔ nɛ́ɛ: Yésʉs nzě tô mpáh Nzyɛ̌m, nzě nyɛl édwe bʉ̂r milɛ́ʼlá.

Mataos 26:65

Nó ó njwɨ́ɨ opara á nze nya kán wé. Nye e né ó: «Nyɨ́ sâ Nzyɛ̌m nkěh! Mɨná bé akǎ báʼǎ sáa gá bʉr o ká nwâhle nyé bá! Bɨ̌n bɨ́ jóʼo ɨ́ báánâʼ mpʉ nyé dí esâ Nzyɛ̌m nkěh yɨ́.

Mɨlʉmlʉ 26:26

Njwɨ́ɨ̌ Agrípa á si lɛ́ɔɔ bísá bî. Nó mě e nkul elwib ɨ́ hwɨ́m ɨ́ míh mé. Mě bûʼlá ó, nye lɨ́ egʉ́ǎ syɛ́ɛla yaá yɨ́yɛ̂h, ebě, bisyɛ́ɛla bi tɨ̂, byé á bé asyɛ́ɛ ɨ́ mesǒ.

Mataos 24:26

«Nó, mʉ̂r sí nzě lɛ́ɛ e bɨ̌n ó: “Beyɨɨ gá, nye ó kâʼ ɨ́ lʉá wɨ̂ʼ!” nɛ́ɛ: mʉr atô gâ. Mʉ̂r lɛ́ɛ́: “Beyɨɨ gá, nye ó kâʼ ɨ́ ntɔ́ɔ nyɨ̂ʼ!” nɛ́ɛ: mʉr abûʼla gá nye.

Markus 8:32

Nye á lɛ́ɛ bé lɔ́ɔ waá ó ɨ́ hwɨ́m. Nó Pétrus á nze tô e né ɨ́ bʉm, nzě dwe nyé mebě.

Yʉanes 6:59

Yésʉs á dwe metwɨ́ɨ́ ménɨ̌ ó ɨ́ mpáh minjɨʼla ɨ́ Kapernáʉm.

Yʉanes 18:21

Gǒ báʼá dî mé metíá ɨ́ yé? Jíʼéé bʉ̂r o b'á jʉjóʼo lɔ́ɔ́ wâm bá. Bé ɨ́ gʉ́ǎ sá mé á lɨlɛ́ɛ yɨ́ mbɨ̂mbɨá.»