Yʉanes 18:11 - Kálar Nzyɛ̌m : Ejwán é Sáá

¹¹ Yésʉs, nye e Pétrus ó: «Swamaa pâsoŋ gǒ lɨ́ ebɔ́m. Nzê gǒ jwɨ̌ʼ ó, me ánkɛ́ɛ mítúú Sɔ́ŋ wǎm dwé mé mîʼ ɛ̌?»

Kálara Zyɛ̌m Edwán é mpʉ̌n

¹¹ Yesʉs, nye e Pyɛr ó: «Fwama fòŋ go é pɔb. Zê go lé ejwɨʼ ó, me aŋa nyʉl bele Sɔŋ wam timle me yiʼ ɛ?»

Yʉanes 18:11 ပူးပေါင်းရင်းမြစ်များ

Mataos 26:39

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Mataos 20:22

Yésʉs nzě lɛ́ɛ e bé ó: «Bɨ̌n bé agʉ́ǎ sá bɨ́n dí yɨ́. Nzê bɨ̌n bé e nkul enkɛ́ɛ mítúú mé mû kúno enkɛ́ɛ mí ɛ́?» Bé e né ó: «Bɨ̌h bé e nkul enkɛ́ɛ.»

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

2 Korɛnt 10:4

Ebě, bisá bí dɔ̂m gá bíná, byé abe míkwɨmlá e nkul dí eduho ɨ́ bipúno nyɨ́. Nkul dí ɨ́ bisá bí dɔ̂m gá bíná nyɨ́, nyě duhó ó kwá mé Nzyɛ̌m. Nkul nyaá ó dí esâ ó, mɨná búʼaa gá mikóʼ mí dɔ̂m.

Lʉkas 22:42

Nye e né ó: «Dâ ɛ̌, gó kam nó, pɛʼɛɛ mé ɨ́ mitúú mî. Damá jóʼo nó, yé díʼee abě mpʉ mɛ̂m dí ekpɛl yɨ́, njɨ mpʉ gúa dí ekpɛl yɨ́.»

Mataos 26:42

Nye ntɔ̂ʼ báʼǎ tô ɨ́ jɔʼ mbá, tó jɨʼla e Nzyɛ̌m. Nye e né ó: «Dâ ɛ̌, yé óbe, abána ó, mitúú mîʼ láŋaa me, me l'abɔma e myé nó, sáʼ mpʉ̌ gwɨ́má yô dí yɨ́.»

2 Korɛnt 6:7

túnó bɨ́h dí etúno ótyeetye wɨ́, nkǔl nɨ́nɨ́ɨ́ mé Nzyɛ̌m, bisá bí mɔ̂m bɨ́h dí elwímla dɔ̂m lɨ́ esú lé ótîtyěl mé Nzyɛ̌m e tɨ̂ʼ bí, bîʼ le ejʉ̂m, byúú le emyɛ̌l,

Yʉanes 18:36

Yésʉs nzě yala ó: «Jwɨ́ɨ́ yâm, yé abe yaá sí yɨ̂. Yé bé me á be ó njwɨ́ɨbʉ̌r sí yɨ̂ʼ nó, lɛ́ɛ́, osyɛ̂l o mésâ bâm, bɨ́ lwímla dɔ̂m lɨ́ ekamle bʉ̂r lɨ́ ebɛ́ma mé kwá ojwɨ́ɨ́ bé óYúden. Sâ gwár, yé abe nó. Jwɨ́ɨ́ yâm, yé abe kâ.»

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Lʉkas 12:30

Ohááden ó sí yɨ́yɛ̂h, bé jaá dû ó, njɨ bisɨ́ǎ byaá. Sɔ́ŋ wɨ́n, nye lɨ́ eboó gʉ́a ó, bɨ̌n ntémé bé lɨ́ ejɨ byê.