Yʉanes 18:1 - Kálar Nzyɛ̌m : Ejwán é Sáá

¹ Jɔ̌ʼ Yésʉs á sil ejɨʼla nó yɨ́, bé le ompʉ́n bé, bê nzě laa, ntaŋɔɔ énó é Kédron, tóŋɔɔ kɔ́m nkɛ́ɛ́. Pemé bílɨ́ bí ólivier, yé á be ó gʉ̂. Bé le ompʉ́n bé, nzě tó diŋɔɔ tɨ̂.

Kálara Zyɛ̌m Edwán é mpʉ̌n

¹ Jɔʼ Yesʉs a sil lwib no e, bé e l'ompʉn be ze laa, toŋɔ pɨn ndwaŋ Kedron nkɔm-nkɛɛ. Peme, yé a be ó gʉ. Bé e l'ompʉn be ze to diŋɔ tɨ.

Yʉanes 18:1 ပူးပေါင်းရင်းမြစ်များ

Markus 14:32

Píe tɨ̂, bê nzě pyâl gúmó bé dí ejébě Gétsémane yɨ́. Yésʉs, nye le ompʉ́n bé ó: «Diʼee gá wâʼ sí, jɔʼ mé dína lɨ́ etó jɨʼla e Nzyɛ̌m yɨ́.»

Mataos 26:36

Píe tɨ̂, Yésʉs nzě tô le ompʉ́n bé gúmó dí ejébɔɔ ó, «Gétsémane» yɨ́. Yésʉs, nye e bé ó: «Diʼee gá wâʼ sí, jɔʼ mé dína lɨ́ etó jɨʼla e Nzyɛ̌m yɨ́!»

Yʉanes 18:26

Nyʉ́ʉ́ syɛ̂l njwɨ́ɨ opara á be mbyɛ́l mʉ̌r Pétrus á tíʼe egwǎl nyá, nye e né ó: «Nzê me bé así bee gó, bɨ̌n le onɔ́ɔ́ kâʼ ɨ́ pemé ɛ́?»

Yʉanes 14:31

Nó ó, yé jala ó, bʉr ó sí yɨ̂, bé gʉ́ŋaa ó, me lɨ́ ekpɛl Sɔ́ŋ wǎm, le ntémé ó, mě sá ó mpʉ nyé á tɨ́e me yɨ́. «Gbɔlwaa gá sí. Mɨná dúhaa gá wâ.»

Markus 14:26

Jɔʼ bé á sil edyɛɛ meswɨ̂ʼlʉ lɨ́ esú é Nzyɛ̌m yɨ́, bé ntɔ̂ʼ mɔǎ sûm yaá, tóŋɔɔ lɨ́ Ecwɨ́ʼ lé ólivier.

Mataos 26:30

Bê nzě dyɛɛ méjéme méswɨ̂ʼlʉ. Bê nzě mɔǎ sûm yaá, tóŋɔɔ lɨ́ Ecwɨ́ʼ lé ólivier.

Mɨlʉmlʉ 21:11

Nye ntɔ̂ʼ nzě gúmó bɨ́h á be yɨ́, nʉa káná mé Pɔ̂l, nzě kâʼ nyé mʉr tɨ̂ʼ mebô e mekʉ̌. Nye ó: «Paá bee gá mpʉ̌ Sísǐm dí elɛ́ɛ yɨ́: mʉr dí e kaná nyâʼ nyá, oYúden ó Yerʉ́zalɛm, bé ókâʼ nyé ó mpʉ. Bé ókâʼ nyé, ntɔ̂ʼ bɛ́mɔɔ nyé kwá bʉr o bíkûl.»

Markus 14:42

Gbɔlwaa gá sí. Mɨná tôʼ gâ. Beyɨɨ gá. Mʉr bɛ́má mé nyá ó dí enzě nɨ̌.»