Yʉanes 17:6 - Kálar Nzyɛ̌m : Ejwán é Sáá

⁶ «Go á si twâr bʉ́ʉ́ bʉ̂r ɨ́ sí yɨ̂, dwe mé bǎ. Me nzě sâ ó, bé gʉ́ŋaa go. Bé á boo be ó bʉr bô. Go ó b'á dwe me bǎ. Nó ntémé ó bé á baʼle lwǐb yô yɨ́.

Kálara Zyɛ̌m Edwán é mpʉ̌n

⁶ «É bʉr bɨbɛh, go a si pɛh bʉʉ, ze ntɨh me ba. Me ntɔʼ ze sa ó, bé gʉŋa go. Bé a bɛa be ó, bʉr bo, go ze ntɨh me ba. Ebe no nteme ó bé a du lwib yo e.

Yʉanes 17:6 ပူးပေါင်းရင်းမြစ်များ

Yʉanes 17:26

Me á si lɛ̂ʼle bé mpʉ gó dí yɨ́. Me ntémé óbáʼǎ lɛ̂ʼle bê. Nó ó kpɛ̌l gó dí ekpɛl mé yɨ́, yé óntaa kwá nyɔ́ɔ́ yɨ́, ebě, mɛm mʉr tɨ̂, me óbɨbe ó, ɨ́ bê.»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Yʉanes 17:2

Ebe go á si dwe nye nkul jwɨ́ɨ ɨ́ bʉr bɨ́bɛ̂h. Nyě e nkul edwe bʉ̂r o gó á dwe nye bá, twǐʼ njʉ̌m dǐ.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Yʉanes 15:19

Yé bé bɨ̌n bé á be ó bʉr ó sí yɨ̂ʼ nó, lɛ́ɛ́, bʉr ó sí, bé lɨ́ ekpɛl bɨ́n, ebě, bɨ̌n bé á gwa be ó mbi bʉ̂r wɔ́ɔ́. Sâ gwár, me á be ɨ́ twâr bɨ́n, pɛʼ bɨ́n ɨ́ sɔ́má bʉ̂r ó sí yɨ̂, ó bɨ̌n ayɨ́ kǎ gúmo e sí yɨ̂. Sɨ́ǎ yaá ó bʉ̂r ó sí yɨ̂ʼ mû sí bene bɨ́n yɨ́.

Mɨngwiha 3:8

Me lɨ́ egʉ́ǎ sá bɨ́n dí esâ yɨ́. Me lɨ́ egʉ́a ó, bɨ̌n bé e bwá ó nkûl. Damá jóʼo nó, bɨ̌n bé á si baʼle lɔ́ɔ́ wâm. Bɨ̌n bé á bé akɛ́la mê. Jwɛ́ʼɛ́ɛ́ gâ, mɨ́ dib bɨ́n ebê, abe e mʉr dí e nkul ekamle bɨ́n lɨ́ enî tɨ̂.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Yʉanes 15:7

Bɨ́n ódi ɨ́ mpúhlá e me, mekǎn mâm lóŋlo bɨ́n ɨ́ miléme nó, díʼéé gá sá yɨ́yɛ̂h bɨ́n ngá kpɛl yɨ́, yé osyɛ́ɛ kwá nyɨ́n.

Mɨngwiha 2:13

“Me lɨ́ egʉ́ǎ gúmó bɨ́n dí edi yɨ́. Tɨ̂ʼ ó dí diá jwɨ́ɨ́ mé Sátan. Bɨ̌n bé lɨ́ edyɛ̂ʼwo e me. Damá jóʼo ɨ́ jɔʼ bé á jʉ̂ Antipâs yɨ́, bɨ̌n bé á bé agwâʼ ésâ nó. Antipâs ó dí egwá boʼlo mílɔ̌b myâm. Nye ntémé, nye á be ó mʉr ebúʼlɔɔ. Sá tɨ̂ʼ ó bé á mɛ̂r nye ɨ́ sɔ́má yɨ́n, jʉ́ŋɔɔ nyé yɨ́. Tɨ̂ʼ ntémé ó dí odiá mé Sátan.

Ebrœ̂ 2:12

Ɨ́ yʉ́ʉ́ jɔʼ, nye á lɛ́ɛ, cɨɨ ɨ́ nzɨ̌ ogwíha o mílɔ̌b ó: «Me ólɛ̂ʼle bɨ́ɔɔ́ bâm díé lô. Me ótyɛ̂b témé bʉr o gó á syɛŋ bá, mé odwe gó kûm ɨ́ mejéme.»

2 Timotɛ 1:13

Gwá baʼle mílɛ́ʼlá mímpâ gó á jóʼo me lɨ́ edwe mí. Myé díʼee go mveʼle, sá gó ótô le ekala bʉ́ʉ́ bʉ̂r yɨ́. Lɨlɛ́ʼláá ɨ́ mbi waá, e búʼó, ti e kpɛ̌l mpʉ mɨ́ná dí ebi byé ɨ́ mpúhlá nyɨ́ná e Yésʉs-Krîst yɨ́.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Rôm 11:2

Nzyɛ̌m á bé amyǎh kúl bʉ̂r nyé á boo lɛ́ɛ ó, yé ó bʉr bé yɨ́. Nzê bɨ̌n bé agʉ́ǎ mpʉ bé á cɛma ɨ́ Mekaná mé Nzyɛ̌m, dumo le Elie yɨ́? Elie á be ó sí pur bʉ̂r o b'Ɨ́zraɛ̂l ɨ́ míh mé Nzyɛ̌m. Nye á lɛ́ɛ ó:

Mɨlʉmlʉ 13:48

Ɨ́ jɔʼ bʉ̂r o dí abe óYúden bá, bé á jóʼo milɔ̌b myaá yɨ́, bê nzě soho le esêʼlě lɔ́ɔ́ dí edumo e Tî Yésʉs wɨ́. Baá bɨ́bɛ̂h Nzyɛ̌m á boo twâr ó, bé óbǐ twǐʼ njʉ̌m dǐ bá, bé ntɔ̂ʼ bûʼla.

Yʉanes 18:9

Yé á syɛ́ɛ nó ó, mekǎn nyé á lɛ́ɛ má, mé díraa. Nye á lɛ́ɛ ó: “Dâ ɛ̌, me á bé adímle mʉ̂r ngwár ɨ́ sɔ́má bʉ̂r o gó á dwe me bá.”

Yʉanes 17:16

Bé aduhǒ sí yɨ̂ʼ mpʉ mɛ̂m ntémé dí aduho tɨ̂ʼ yɨ́.

Yʉanes 17:14

Me á si kala ompʉ́n bâm lwǐb yô. Bʉr ó sí nzě nwim bê, ebě, bɨ́ɛ, bé akǎ gúmo e sí yɨ̂ʼ mpʉ mɛ̂m mʉr tɨ̂ʼ dí, agúmo e yé yɨ́.

Yʉanes 15:3

Bɨ̌n mû ó mipubá ɨ́ lɔ̌b mílɛ́ʼlá mê dwé bɨ́n mí.

Yʉanes 12:28

Dâ ɛ̌, dwéʼ díé lô kûm ɨ́ buo buo.» Twíí nzě duho ɨ́ jʉ́o kʉ́ ó: «Me á si nyɛɛ dwe lé kûm. Nó ó, me óbáʼǎ dwe lé nyǎ.»

Yʉanes 6:39

Mʉr á ntɨh me nyá, nyě gwɨ́m ó, me ayɨ́ dímle mʉ̂r ngwár ɨ́ sɔ́má bʉ̂r o nyé á dwe me bá. Nyě gwɨ́m ó, me pɛ́ʼɛɛ bé lɨ́ eswie, pɛh bé ɨ́ móhó ésúʼlá é kʉ́ e sí.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Yʉanes 8:52

OYúden, bé e né ó: «Ɨ́ báánâ, bɨ̌h bɨ́ gʉ́a ó, go bánǎ kʉ́ be le eleme! Abraham á si dwe. Ogwíha o mílɔ̌b mé Nzyɛ̌m sí dwe ntémé. Tó kœb ó, guǎ lɛ́ɛ́ ó, “mʉr óbaʼlě lwǐb yâm nyá, nye ákǎ dwe”?

Yʉanes 17:7

Bé lɨ́ egʉ́a ɨ́ báánâʼ ó, sá yɨ́yɛ̂h gó á dwe me yɨ́, yé á duho ó kwá nyǒ.

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Mɨngwiha 3:10

Sâ gwár, me á lɛ́ɛ e bɨ̌n bɨɛ ó, bɨ̌n dûhwaa. Bɨ̌n bé á si bana baʼle lɔ́ɔ́ wâm waá. Mpʉ bɨ́n á jóʼo me nó yɨ́, me óbaʼle bɨ́n, ebě, bɨ̌n bé ámû jaá nî ɨ́ bintɨ́ʼá mû lɨ́ epyâl ɨ́ mʉr nyɨnyɛ̂h ɨ́ sí yɨ̂ʼ bí.