Yʉanes 17:3 - Kálar Nzyɛ̌m : Ejwán é Sáá

³ Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Kálara Zyɛ̌m Edwán é mpʉ̌n

³ Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉanes 17:3 ပူးပေါင်းရင်းမြစ်များ

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Yʉanes 17:25

Sɔ́ŋ Otîtyěl, bʉr ó sí yɨ̂, bé agʉ́a gô. Mɛm ó dí egʉ́a gô, ti e bʉr o mû sí gʉ́a ó, go ó b'á ntɨh me bá.

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

1 Yʉanes 4:6

Nó ó, mɨná bɨɛ dumo gá ó e Nzyɛ̌m. Mʉr dí egʉ́ǎ Nzyɛ̌m nyá, nye lɨ́ esâ mɨ́ná gá mejóʼo. Mʉr dí aduho kwá mé Nzyɛ̌m nyá, nyé asâ mɨ́ná gá mejóʼo. Nó ó mɨ́ná dí e nkul edweʼe gá mbɔ́ʼ páʼ Sísǐm Ótyeetye, ndu e sísǐm bíbɛr yɨ́.

Yʉanes 17:23

Mɛm ɨ́ bé; gua ɨ́ mɛm. Nó ó bé ngá dǐ njɨ sâ gwár yɨ́. Nó ó bʉ̂r ó sí bɨ́bɛ̂h ngá gʉ́a mbɨ̂mbɨá ó, go ó b'á lómo me yɨ́. Bé ógʉ́a ntémé ó, go lɨ́ ekpɛl bé mpʉ gó dí ekpɛl mé mʉr tɨ̂ʼ yɨ́.

Yʉanes 17:21

Me lɨ́ ejɨʼla e go ó, bɨ́bɛ̂h, bé díʼee sâ gwár. Dâ ɛ̌, bé díʼee ɨ́ mpúhlá e mɨná mpʉ gó dí ɨ́ mpúhlá e me, mɛm ɨ́ mpúhlá e go yɨ́. Bé díʼee ɨ́ mpúhlá e mɨná. Nó ó bʉ̂r ó sí yɨ̂ʼ ngá bûʼla ó, go ó b'á ntɨh me yɨ́.

Yʉanes 3:34

Mʉ̌r Nzyɛ̌m á lómo nyá, lɛ́ɛ́ ó mekǎn mé Nzyɛ̌m, ebě, Nzyɛ̌m, nye lɨ́ edwe nyé Sísǐm wé, ntinɨ̂ e ntinɨ̂.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

2 Tesalonika 1:8

Bé e boo nɔ́ɔ́, bé ónze, nzě dwe mínjéʼe-Nzyɛ̌m bintɨ́ʼá, bé e bʉr o b'á be asâ mejóʼo ɨ́ jɔʼ bé á jóʼo Mbɨambɨa Lɔ́ɔ́ mé Tî Yésʉs yɨ́ bá.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 14:26

Kɔmlʉ wɨ́n, nye ó Sísǐm mé Nzyɛ̌m. Sɔ́ŋ wǎm ólómlo bɨ́n wǎ ó ɨ́ díé lâm. Nye ólɛ̂ʼle bɨ́n sá yɨ́yɛ̂h le ejɨjɨm bɨ́n bitɔŋlá ɨ́ sá yɨ́yɛ̂h mé á lɨ̂lɛɛ bɨ̌n yɨ́.

Yʉanes 8:19

Bé e né ó: «Á sɔ́ŋ gǒ, nye nkoó?» Yésʉs, nye e bé ó: «Bɨ̌n bé agʉ́a, damá jóʼo mê, damá jóʼo Sɔ́ŋ wǎm. Yé bé bɨ̌n bé lɨ́ egʉ́a mé nó, lɛ́ɛ́, bɨ̌n ntémé bɨ́ gʉ́a Sɔ́ŋ wǎm.»

1 Korɛnt 15:34

Yé jala ó, bɨ̌n bírɨɨ lɔ̌b ógʉ̌ wɨ́n. Bɨ̌n a gwáʼ ésâ mísyóm. Bʉ́ʉ́ bʉ̂r ó sɔ́má yɨ́n, bé agʉ́ǎ Nzyɛ̌m. Mě lɛ́ɛ́ mpʉ́nʉ̌ ó, lɨ́ egbâ bɨ́n sôn ɨ́ nyʉ̂l.

1 Tesalonika 1:9

Bé bʉr o tɨ̂ʼ ó dí elɛ́ɛ bɨ́h mpʉ bɨ́n á soho bɨ̌h yɨ́, le mpʉ bɨ́n á túmo koo e bikpɛʼkpɛ̂ʼ bí ónzyɛ̌m, kǎ jaá dû njɨ̌ Nzyɛ̌m yɨ́. Bɨ̌n mû ó lɨ́ eséa e mpǎŋ Nzyɛ̌m dí kublakúbla nyá.

Yʉanes 10:36

Nó ó bɨ̌n lɛ́ɛ́ ó, me lɨ́ esâ nyé nkěh ɨ́ yé? Nzê ebe mê gwíh bɨ́n ó, me ó Mwân wé yɨ́ ɛ́? Me ó waá Nzyɛ̌m á pɛ̂h, lómo ɨ́ sí yɨ̂ʼ nyá.

Yʉanes 7:29

Mɛm, me lɨ́ egʉ́a nyê, ebě, me á duho ó kwá nyé. Ebě, ntémé, nye ó b'á ntɨh me.»

Yʉanes 6:57

Sɔ́ŋ wǎm, mʉr á ntɨh me nyá ó dí enó é twiʼ. Mě tiʼe ó ɨ́ nye. Jwɨʼ gwár e gwár yaá, mʉr óde mé nyá, ótiʼe ó ɨ́ me.

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Yʉanes 11:42

Me lɨ́ egʉ́a ó, go lɨ́ eboó jʉjóʼo mê. Nó ó, mě lɛ́ɛ́ gó nó ó, ɨ́ lɔ̌b bʉ̂r o dí ebɔma mé wâʼ ɨ́ nká bâ, ó bé gʉ́ŋaa ó, go ó b'á lómo me.»

Lʉkas 9:48

Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

Markus 9:37

«Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂. Mʉr nʉ́á mé nyá, nyé anʉa mé e me; nyě nʉá ntémé ó, mʉr á ntɨh me nyá.»

1 Korɛnt 8:4

Nó ó, ɨ́ nkǒ páʼ ndéá tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, mɨná bé lɨ́ egʉ́a gá ó, sɔ̂ʼ, yé abe ɨ́ bikpɛʼkpɛ̂ʼ bí ónzyɛ̌m. Nzyɛ̌m, nye ó njɨ ngwár.

Yʉanes 17:18

Mɨ́ lómo bé ɨ́ sí yɨ̂ʼ mpʉ gó ntémé á lómo me yɨ́.

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

Filipi 3:10

Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

2 Pyɛr 1:2

Metyɛʼ me mpóm le mepyɛbla, mé díʼee e bɨ̌n ɨ́ ntʉʉʉ́, duho ɨ́ ngwɨ́á bɨ́n dí egʉ́ǎ Nzyɛ̌m, bé e Tî gá wɨ́ná Yésʉs wɨ́.

2 Pyɛr 1:3

Nzyɛ̌m á si gbâ nkul nyé lɨ́ edwe mɨ́ná gá sá yɨ́yɛ̂h dí e nyɔm lɨ́ esú ó, mɨná tíʼaa gá, le egúmo gá e né yɨ́. Nye á jébe mɨná gá ó, ɨ́ nzɨ̌ kûm nyé le mbɨambɨa njwɨr wé.

2 Pyɛr 1:8

Métum maá sí nyɨ̂n ɨ́ bɨ̌n nó, bɨ̌n bé ogʉ́a Tî gá wɨ́ná Yésʉs-Krîst. Ngwɨ́á waá, wé ádi ntémé wé omér. Wé óbe ó mbáʼrá e bisyɛ́ɛla bimpâ wé dí ebyâ bí. Bɨ̌n bé ótô le esâ bísyɛ́ɛla byaá dóló ó, ɨ́ nzɨ̌ ngwɨ́á waá.

1 Yʉanes 1:2

Etín é Twiʼ laá, lé á si nyɨ̂n ɨ́ sí yɨ̂. Bɨ̌h bé á si bee nye, bɨ̌h nzě táare éboʼlo, dumo e mʉr waá. Nó yaá ó bɨ́h dí etyɛ̂b kwá nyɨ́n le túnó dí edumo le Etín é Twiʼ wɨ́. Etín é Twiʼ, lé di ó njʉ̌m dǐ e njʉ̌m dǐ. Bé e Nzyɛ̌m Sɔ́ŋ ó b'á be. Nye nzě nyɨ̂n ɨ́ sí yɨ̂.

1 Yʉanes 1:3

Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

1 Yʉanes 2:23

Mʉr dí ekɛ́la ó, Yésʉs, nyé abe Mwân mé Nzyɛ̌m nyá, nyé agúmo e Nzyɛ̌m Sɔ́ŋ. Tó kœb ó, waá dí elɛ́ɛ ó, Yésʉs, nye ó Mwân mé Nzyɛ̌m nyá, Nzyɛ̌m Sɔ́ŋ le Nzyɛ̌m Mwân, bé ó ɨ́ nkɔ̌m nyé.