Yʉanes 17:25 - Kálar Nzyɛ̌m : Ejwán é Sáá

²⁵ Sɔ́ŋ Otîtyěl, bʉr ó sí yɨ̂, bé agʉ́a gô. Mɛm ó dí egʉ́a gô, ti e bʉr o mû sí gʉ́a ó, go ó b'á ntɨh me bá.

Kálara Zyɛ̌m Edwán é mpʉ̌n

²⁵ Sɔŋ Ocɨcyel, bʉr o ndɨ egumo e si nwaʼ ɛ, bé agʉa go. Me ome ó lé egʉa go. Bʉr ba, bé mu si gʉa mbɨmbɨa ó, go ó b'a lomo me.

Yʉanes 17:25 ပူးပေါင်းရင်းမြစ်များ

Yʉanes 17:11

Mé akǎ be ɨ́ sí yɨ̂. Sâ gwár, bɨ́ɛ dína ó ɨ́ sí yɨ̂. Me mû ó lɨ́ enzě nko gó dí yɨ́. Dâ ɛ̌, go ó mʉr dí ti nyá. Baʼlaa bʉ̂r baá ɨ́ díé lô, díé lô gó á dwe me lɨ́. Sáʼ ó, bé díʼee sâ gwár mpʉ mɨ́ná e go dí njɨ sâ gwár yɨ́.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 15:21

Sâ gwár, bé ótîtible bɨ́n nó ó ɨ́ lɔ̌b wâm, ebě, bé agʉ́a mʉ̂r á ntɨh me nyá.

Yʉanes 7:29

Mɛm, me lɨ́ egʉ́a nyê, ebě, me á duho ó kwá nyé. Ebě, ntémé, nye ó b'á ntɨh me.»

Yʉanes 16:27

Ebě, Sɔ́ŋ wǎm mʉr tɨ̂, nye lɨ́ ekpɛl bɨ́n. Nyě kpɛ̌l bɨ́n ó, ebe bɨ́n ntémé dí ekpɛl mê. Bɨ̌n bɨ́ bûʼla ntémé ó, me á duho ó kwá nyé.

Ebrœ̂ 8:11

Yé ákóʼó kǎ be e mʉr ókǎ tó lɛ́ɛ só wé, nkʉ̂ mɨ́ɔɔ́ wé ó: “Wɛɛ, paá cɨ́! Me páa lɛ̂ʼle gó mpʉ mɨ́ná jálá le egʉ́ǎ Dâ Nzyɛ̌m yɨ́! Ebě, bɨ́bɛ̂h, bé óbánǎ gʉ́a mê, táare e bwá ó ntwǒm, kala le otɔ́má bʉ̂r.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Yʉanes 8:55

Bɨ̌n bɨɛ, bɨ̌n bé agʉ́a nyê. Mɛm ó dí egʉ́a nyê. Mé sí lɛ́ɛ ó, mé agʉ́a nyé nó, lɛ́ɛ́, me ó mʉr bibɛr mpʉ bɨ́n. Sâ gwár, me lɨ́ ekʉ́ gʉ́a nyê. Me ntémé, me lɨ́ ebaʼlě lwǐb yé.

Lʉkas 10:22

«Sɔ́ŋ wǎm á si dwe me bisá bíbyɛ̂h. Abe e mʉr dí egʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.»

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

1 Yʉanes 1:9

Sâ gwár, mɨ́ná gwíh gá misyóm gá mɨ́ná nó, Nzyɛ̌m ópɛʼ bíbaa bí ébébe nyé á niʼe mɨná gá bí, le epubo mɨ́ná gâ, le epɛʼ mɨ́ná gá mebyaʼ gá mɨ́ná mɨ́mɛ̂h. Nye ósâ nó ó, ebě, nye ó tîtyěl mʉr jálá le ebúʼlɔɔ nyá.

2 Tesalonika 1:8

Bé e boo nɔ́ɔ́, bé ónze, nzě dwe mínjéʼe-Nzyɛ̌m bintɨ́ʼá, bé e bʉr o b'á be asâ mejóʼo ɨ́ jɔʼ bé á jóʼo Mbɨambɨa Lɔ́ɔ́ mé Tî Yésʉs yɨ́ bá.

1 Korɛnt 15:34

Yé jala ó, bɨ̌n bírɨɨ lɔ̌b ógʉ̌ wɨ́n. Bɨ̌n a gwáʼ ésâ mísyóm. Bʉ́ʉ́ bʉ̂r ó sɔ́má yɨ́n, bé agʉ́ǎ Nzyɛ̌m. Mě lɛ́ɛ́ mpʉ́nʉ̌ ó, lɨ́ egbâ bɨ́n sôn ɨ́ nyʉ̂l.

1 Korɛnt 1:21

Nzyɛ̌m á tíʼe ɨ́ páʼ wé ó, bʉr ó sí yɨ̂ʼ gʉ́ŋaa nye ɨ́ nzɨ̌ ocwóó wé nye mʉr tɨ̂. Tó kœb ó, bé á si kâr egʉ́ǎ Nzyɛ̌m e nzɨ̌ nyaá. Bé á ka sáa egʉ́a nyé ó, ɨ́ nzɨ̌ wɔ́ɔ́ ócwóó, bé bʉr o tɨ̂. Sá tɨ̂ʼ ó Nzyɛ̌m á ka bee embɨa ɨ́ páʼ wé ó, nyě tǐʼ ó baá o dí ebúʼlǎ lɔ́ɔ́ wé bá yɨ́. Lɔ́ɔ waá, wé ó sá bʉ́ʉ́ bʉ̂r dí ebeě mpʉ ógʉ̌ yɨ́.

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Rôm 3:11

Abe e mʉr dí egʉ́ǎ sá dí tîtyěl yɨ́. Abe e mʉr dí esáǎ Nzyɛ̌m. Bʉr bɨ́bɛ̂h, bé á si dyɛ̂l ɨ́ bébebébe nzɨ̌. Bɨ́bɛ̂h, bɨ́ dwě ntuʼ ɨ́ jɔʼ gwár.

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Mɨlʉmlʉ 17:23

Ebě, ɨ́ jɔʼ mé á to le elaa ɨ́ nkana yɨ́n yɨ́, le edwɛ̂ʼ bíntwǎŋ mímbɛ̌r mín yɨ́, me á si bee nyʉ́ʉ́ alatâr tɨ̂, e micɛmá ó: “Lɨ́ esú é nzyɛ̌m dí agʉ́ŋɔɔ kwá nyɨ́h nyá.” Ebě, sá bɨ́n dí edwě dúú yɨ́n lɨ́ agʉ́a yɨ́, yé ó mɛ̂m nze lɛ́ɛ́ bɨ́n yɨ̂.

Yʉanes 17:23

Mɛm ɨ́ bé; gua ɨ́ mɛm. Nó ó bé ngá dǐ njɨ sâ gwár yɨ́. Nó ó bʉ̂r ó sí bɨ́bɛ̂h ngá gʉ́a mbɨ̂mbɨá ó, go ó b'á lómo me yɨ́. Bé ógʉ́a ntémé ó, go lɨ́ ekpɛl bé mpʉ gó dí ekpɛl mé mʉr tɨ̂ʼ yɨ́.

Yʉanes 17:21

Me lɨ́ ejɨʼla e go ó, bɨ́bɛ̂h, bé díʼee sâ gwár. Dâ ɛ̌, bé díʼee ɨ́ mpúhlá e mɨná mpʉ gó dí ɨ́ mpúhlá e me, mɛm ɨ́ mpúhlá e go yɨ́. Bé díʼee ɨ́ mpúhlá e mɨná. Nó ó bʉ̂r ó sí yɨ̂ʼ ngá bûʼla ó, go ó b'á ntɨh me yɨ́.

Yʉanes 17:18

Mɨ́ lómo bé ɨ́ sí yɨ̂ʼ mpʉ gó ntémé á lómo me yɨ́.

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Yʉanes 16:30

Ɨ́ báánâ, bɨ̌h bɨ́ gʉ́a ó, gʉ́ gʉ́ǎ sá yɨ́yɛ̂h, ndu e ntémé ó, yé ajɨ ó, mʉr díʼee go tíá. Nó yaá ó bɨ́h dí ebúʼla ó, go á duho ó kwá mé Nzyɛ̌m yɨ́.»

Yʉanes 16:3

Bé ósɨsâ nó ó, ebě, bé á bé agʉ́a, damá be Sɔ́ŋ wǎm, damá be mê.

Yʉanes 8:19

Bé e né ó: «Á sɔ́ŋ gǒ, nye nkoó?» Yésʉs, nye e bé ó: «Bɨ̌n bé agʉ́a, damá jóʼo mê, damá jóʼo Sɔ́ŋ wǎm. Yé bé bɨ̌n bé lɨ́ egʉ́a mé nó, lɛ́ɛ́, bɨ̌n ntémé bɨ́ gʉ́a Sɔ́ŋ wǎm.»

Yʉanes 6:19

Bé á be ó, bé osí dúʼo, bɛ̌m be ókíloméra otɛ̂n, nkʉ̂ ósaman. Bé ká bee nɛ́ɛ: Yésʉs mû lɨ́ ekúnwo e byɛ̂l, nyɨɛ lɨ́ etye ɨ́ medíbé kʉ́. Bê kʉ́ nzě jóʼo bʉ́á.

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Mataos 11:27

Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.

Mɨngwiha 16:5

Me nzě jóʼo éngeles dí ejwɨ́ɨ méntíbé ndu e mâŋ nyá. Nye e né ó: «Dâ ɛ̌, go á boo be ó tɨ̂. Go ntémé ó dína. Go ó mʉr dí tí nyá. Go ó tîtyěl mʉr, ebě, go á si tíʼe milɔ̌b myɔ́ɔ́ mbǐ tíʼá wɨ̂,