Yʉanes 17:24 - Kálar Nzyɛ̌m : Ejwán é Sáá

²⁴ «Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Kálara Zyɛ̌m Edwán é mpʉ̌n

²⁴ «Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Yʉanes 17:24 ပူးပေါင်းရင်းမြစ်များ

Yʉanes 17:5

Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Yʉanes 14:3

Jɔʼ mé óbe, me mû sí tó komlo bɨ́n bidiá byaá yɨ́, me óbáʼǎ nzě nʉa bɨ́n, bɨ̌n bé otó dǐ gúmó mé ódi yɨ́.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

Mataos 25:21

Nó ó njwɨ́ɨ wé á nze lɛ́ɛ e né ó: “Yé ɨ́ mbɨa. Go ó mpǎŋ syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

1 Tesalonika 4:17

Nó ó, píe tɨ̂, mɨná gá, bʉr o dí ɨ́ twiʼ, baá bé á lîʼ mikublakúbla bá, mɨná bé óbére gá ɨ́ dwiné tʉ́ŋlʉ̌, tó swálɔɔ e bé gúmo gwár. Nzyɛ̌m ósyɛŋ mɨ́ná gá le onɔ́ɔ́ gʉ̂. Mɨná gá le onɔ́ɔ́ bé óbɔma e Tî Yésʉs lɨ́ ejwoo kʉ́. Mɨná gá le Tî Yésʉs, bé ódidi ó, njʉ̌m dǐ e njʉ̌m dǐ.

Lʉkas 12:37

Metyɛʼ me mpóm, mé óswɨɨ lɨ́ osyɛ̂l o mésá nyé ngá kœb ɨ́ doho bá. Mě lɛ́ɛ́ bɨ́n lɨ́ otyeetye ó, nye ótyeele káná wé, dil bé ɨ́ téble, ka bé mede.

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”

1 Korɛnt 13:12

Nó ó, ɨ́ báánâ, sá mɨ́ná dí ebee gá yɨ́, yê ɨ́ míh gá mɨ́ná ó, ɨ́ dímlɨ́ di dímlɨ́. Yé ó mpʉ̌ mveʼle dí enyɨ̂n ɨ́ nkóho dí engê yɨ́. Ɨ́ jɔ̌ʼ sá dí ntinɨ̂ mû sí pyâl yɨ́, mɨná bé óbeela gá mempǒm. Ɨ́ báánâ, ngwɨ́á wâm, wé dína ó, tîtil. Jɔʼ yaá ó mé ósûʼlǎ gʉ́ǎ sá yɨ́yɛ̂h ɨ́ pébébé yɨ́, dû mpʉ̌ Nzyɛ̌m dí eboó gʉ́a mé ɨ́ pébébé yɨ́.

Mataos 26:29

Me lɨ́ elɛ́ɛ bɨ́n ó, me ákǎ báʼǎ de ményoʼ mâ, táare ɨ́ báánâ, tó pyâl ɨ́ jɔʼ mɨ́ná ngá kǎ de gá maá medwân ɨ́ sí mé Sɔ́ŋ wǎm yɨ́.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Filipi 1:23

Me ó lʉ̂ ɨ́ nzamá páʼ ménzɨ̌ mebá maá. Ɨ́ wɨ̂ʼ pâʼ, me lɨ́ egwɨ̂m émɔa ɨ́ bʉ̂b, tó gbala kwá mé Krîst. Sâ yaá ó dí ɨ́ buú mbɨa.

2 Korɛnt 5:8

Mě lɛ́ɛ́ ó, bɨ̌h bé e mpûʼla ɨ́ buo buo ɨ́ miléme. Mɨná bé lɨ́ ebee gá embɨa ó, yé mbɨa ɨ́ jɔʼ mɨ́ná dí etwâʼ gá ɨ́ nyʉ̂l bipúno nyɨ̂, lɨ́ esú ó, mɨná tôʼ sul gá ɨ́ mpóʼo mé Tî Yésʉs.

Lʉkas 23:43

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mûh, mɨná e go bé ódǐ diá gwár ɨ́ Paradîs!»

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Mɨngwiha 21:22

Me á bé abee mpáh Nzyɛ̌m tɨ̂ʼ ɨ́ nkana yaá, ebě, Dâ Nzyɛ̌m, Nzyɛ̌m nkul nyɨnyɛ̂h mʉr tɨ̂ʼ ó dí edila mpáh nyaá, bé e Mâ Nteme.

Mataos 25:23

Nó ó njwɨ́ɨ wé á nze lɛ́ɛ e né ó: “Ɨ́ mbɨa! Go ó syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Yʉanes 6:39

Mʉr á ntɨh me nyá, nyě gwɨ́m ó, me ayɨ́ dímle mʉ̂r ngwár ɨ́ sɔ́má bʉ̂r o nyé á dwe me bá. Nyě gwɨ́m ó, me pɛ́ʼɛɛ bé lɨ́ eswie, pɛh bé ɨ́ móhó ésúʼlá é kʉ́ e sí.

Yʉanes 8:58

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, Abraham dína apǎ byɛ̂l, mɛm á boo be ó Me-ó-tɨ̂.»

Yʉanes 15:9

Me lɨ́ ekpɛl bɨ́n mpʉ Sɔ́ŋ wǎm dí ekpɛl mé yɨ́. Diʼee gá tʉ́ŋlʉ̌ kpɛ̌l yâm!

Yʉanes 17:2

Ebe go á si dwe nye nkul jwɨ́ɨ ɨ́ bʉr bɨ́bɛ̂h. Nyě e nkul edwe bʉ̂r o gó á dwe nye bá, twǐʼ njʉ̌m dǐ.

Yʉanes 17:22

Kûm gó á dwe me nyɨ́, mɛm, mɨ́ dwe bé nyǎ. Me á sâ nó ó, bé nkʉ̂ di sâ gwár mpʉ mɨ́ná dí sâ gwár yɨ́.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.