Yʉanes 17:23 - Kálar Nzyɛ̌m : Ejwán é Sáá

²³ Mɛm ɨ́ bé; gua ɨ́ mɛm. Nó ó bé ngá dǐ njɨ sâ gwár yɨ́. Nó ó bʉ̂r ó sí bɨ́bɛ̂h ngá gʉ́a mbɨ̂mbɨá ó, go ó b'á lómo me yɨ́. Bé ógʉ́a ntémé ó, go lɨ́ ekpɛl bé mpʉ gó dí ekpɛl mé mʉr tɨ̂ʼ yɨ́.

Kálara Zyɛ̌m Edwán é mpʉ̌n

²³ Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Yʉanes 17:23 ပူးပေါင်းရင်းမြစ်များ

Yʉanes 17:21

Me lɨ́ ejɨʼla e go ó, bɨ́bɛ̂h, bé díʼee sâ gwár. Dâ ɛ̌, bé díʼee ɨ́ mpúhlá e mɨná mpʉ gó dí ɨ́ mpúhlá e me, mɛm ɨ́ mpúhlá e go yɨ́. Bé díʼee ɨ́ mpúhlá e mɨná. Nó ó bʉ̂r ó sí yɨ̂ʼ ngá bûʼla ó, go ó b'á ntɨh me yɨ́.

Yʉanes 16:27

Ebě, Sɔ́ŋ wǎm mʉr tɨ̂, nye lɨ́ ekpɛl bɨ́n. Nyě kpɛ̌l bɨ́n ó, ebe bɨ́n ntémé dí ekpɛl mê. Bɨ̌n bɨ́ bûʼla ntémé ó, me á duho ó kwá nyé.

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Yʉanes 13:35

Bɨ́n sí kpɛla páʼ nyɨ́n nɛ́ɛ: bʉr bɨ́bɛ̂h, bé ogʉ́a tɨ̂ʼ ó, bɨ̌n bé ó ompʉ́n bâm.»

1 Yʉanes 1:3

Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Kolosi 3:14

Ɨ́ bisyɛ́ɛla byaá bíbyɛ̂h, sá dí tɨ̂ʼ yɨ́, yé ó, bɨ̌n kpɛ́laa, ebě, kpɛ̌l ó dí elar bɨ́n ɨ́ lídídí.

Yʉanes 17:26

Me á si lɛ̂ʼle bé mpʉ gó dí yɨ́. Me ntémé óbáʼǎ lɛ̂ʼle bê. Nó ó kpɛ̌l gó dí ekpɛl mé yɨ́, yé óntaa kwá nyɔ́ɔ́ yɨ́, ebě, mɛm mʉr tɨ̂, me óbɨbe ó, ɨ́ bê.»

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Yʉanes 14:23

Yésʉs nzě yala e né ó: «Mʉr dí ekpɛl mé nyá, óbaʼle mílɛ́ʼlá mé á dwe bɨ̌n mí. Sɔ́ŋ wǎm ókpɛl nyê. Nó ó, bɨ̌h e Sɔ́ŋ wǎm, bé ónze kwá nyé le ekomlo ódiá wɨ́h tɨ̂.

Yʉanes 14:10

Nó ó, gó abûʼla ó, me ó ɨ́ mpúhlá e Sɔ́ŋ wǎm, Sɔ́ŋ wǎm ɨ́ mpúhlá e me? Lwǐb mé dí elwib e bɨ̌n óbɛ̂h yɨ́, yé aduho kwá nyǎm. Sɔ́ŋ wǎm, mʉr bɨ́h e nɔ́ɔ́ dí edi nyá, ó dí elóŋlo bísyɛ́ɛla byé.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Filipi 3:15

Mɨná gá óbɛ̂h, bʉr o mû sí tɔ́ma bá, mɨná bé ɨ́ jala le edi gá e mbǐ jwɨʼ gwár nɨ̌. Nzyɛ̌m ntémé ó ngá lɛ̂ʼle bɨ́n jwɨʼ yaá.

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Yʉanes 6:56

Mʉr dí ede bípúnó byâm ndu e metié mâm nyá, nyě tiʼé ó, ɨ́ mpúhlá e me; mɛm ntémé ɨ́ mpúhlá e né.

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

1 Yʉanes 4:19

Nó ó, mɨná gá bɨɛ mû ó lɨ́ ekpɛla gá ó, ebě, nye á si nyɛɛ kpɛl mɨná gâ.

Kolosi 1:28

Sá tɨ̂ʼ ó bɨ́h dí etúnǒ lɔ́ɔ́ mé Krîst páʼ bʉ̂r bɨ́bɛ̂h yɨ́. Bɨ̌h bé lɨ́ ecɨ̂l mʉ̂r nyɨnyɛ̂h. Bɨ̌h bé lɨ́ elɛ̂ʼle bʉ̂r bɨ́bɛ̂h le ocwóó wɨ́wɛ̂h, ó bɨ̌h nkʉ̂ tyêl bé ɨ́ míh mé Nzyɛ̌m, bé osí pǎ gwá tɔ́ma ɨ́ mipáʼ mímyɛ̂h ɨ́ nzɨ̌ mé Krîst.

Yʉanes 10:38

Sâ gwár, mé sí sâ byé nɛ́ɛ: bɨ̌n damá be, adyêʼ koo e me, bûʼláá gá yɨ́ɛ ɨ́ lɔ̌b bísyɛ́ɛla byâm. Nó ó bɨ́n ngá sûʼlǎ gʉ́a ó, Sɔ́ŋ wǎm tiʼe ó, ɨ́ mpúhlá e me; mɛm ntémé ɨ́ mpúhlá e né yɨ́.»

Yʉanes 15:9

Me lɨ́ ekpɛl bɨ́n mpʉ Sɔ́ŋ wǎm dí ekpɛl mé yɨ́. Diʼee gá tʉ́ŋlʉ̌ kpɛ̌l yâm!

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 17:11

Mé akǎ be ɨ́ sí yɨ̂. Sâ gwár, bɨ́ɛ dína ó ɨ́ sí yɨ̂. Me mû ó lɨ́ enzě nko gó dí yɨ́. Dâ ɛ̌, go ó mʉr dí ti nyá. Baʼlaa bʉ̂r baá ɨ́ díé lô, díé lô gó á dwe me lɨ́. Sáʼ ó, bé díʼee sâ gwár mpʉ mɨ́ná e go dí njɨ sâ gwár yɨ́.

Mɨngwiha 3:9

Beyɨɨ gá, ɨ́ mpʉʼ ó mé ósâ bʉ̂r o mpáh minjɨʼla mé Sátan, baá o dí elɛ́ɛ ó, bé ó oYúden, bɨ́ɛ abe bé bá. Bé kʉ́ sâ ó, njɨ bibɛr. Me ósâ bé mbi dí ó, bé ntáa nzě bɨʼ mébóó mɔ́ɔ́ sí ɨ́ mempǒm mɨ́n yɨ́, ebě, bé nkʉ̂ gʉ́a ó, me lɨ́ ekpɛl bɨ́n.