Yʉanes 17:21 - Kálar Nzyɛ̌m : Ejwán é Sáá

²¹ Me lɨ́ ejɨʼla e go ó, bɨ́bɛ̂h, bé díʼee sâ gwár. Dâ ɛ̌, bé díʼee ɨ́ mpúhlá e mɨná mpʉ gó dí ɨ́ mpúhlá e me, mɛm ɨ́ mpúhlá e go yɨ́. Bé díʼee ɨ́ mpúhlá e mɨná. Nó ó bʉ̂r ó sí yɨ̂ʼ ngá bûʼla ó, go ó b'á ntɨh me yɨ́.

Kálara Zyɛ̌m Edwán é mpʉ̌n

²¹ Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Yʉanes 17:21 ပူးပေါင်းရင်းမြစ်များ

1 Korɛnt 12:12

Nyʉ̂l, nye ó njɨ mpwár, damá jóʼo nyé dí e bitîl ɨ́ buo buo. Bítíl bí nyʉ̂l, byé damá buo, byé yɨ́ɛ ó lɨ́ esâ nyʉ̂l mpwár. Krîst, nye ó jwɨʼ gwár yaá.

Yʉanes 17:11

Mé akǎ be ɨ́ sí yɨ̂. Sâ gwár, bɨ́ɛ dína ó ɨ́ sí yɨ̂. Me mû ó lɨ́ enzě nko gó dí yɨ́. Dâ ɛ̌, go ó mʉr dí ti nyá. Baʼlaa bʉ̂r baá ɨ́ díé lô, díé lô gó á dwe me lɨ́. Sáʼ ó, bé díʼee sâ gwár mpʉ mɨ́ná e go dí njɨ sâ gwár yɨ́.

Filipi 1:27

Sâ gwár, dúʼóó gá kʉ̌ tyen dí ejala e bʉr o dí ebúʼlǎ Mbɨambɨa Lɔ́ɔ́ mé Krîst bá wɨ́. Bɨ́n sá nó wá, me ókpɛl éjóʼǒ lɔ́ɔ́ búʼó yɨ́n ó, bɨ̌n dína ó ɨ́ mpúhlá e nzɨ̌ Sísǐm ngwár. Bɨ̌n bé lɨ́ egbâ nkûl lɨ́ edi e léme ngwár, le etye ɨ́ nzɨ̌ búʼó mpʉ̌ Mbɨambɨa Lɔ́ɔ dí elɛ̂ʼle yɨ́. Mě damá nze, nzě bee bɨ́n, nkʉ̂ ntémé di wâ, me ójóʼo yɨ́ɛ lɔ́ɔ́ tɨ̂.

Yʉanes 13:35

Bɨ́n sí kpɛla páʼ nyɨ́n nɛ́ɛ: bʉr bɨ́bɛ̂h, bé ogʉ́a tɨ̂ʼ ó, bɨ̌n bé ó ompʉ́n bâm.»

Mɨlʉmlʉ 4:32

Ɨ́ sɔ́má óbûʼla bɨ́bɛ̂h, bé á be ó lémé ngwár ti e sísǐm ngwár. Abe e mʉr ngwár ɨ́ sɔ́má yɔ́ɔ́ á be e nkul elɛ́ɛ ó, byé bísâ, byé á jaa gúmo ó, njɨ e nye mʉr tɨ̂. Páʼ nyɔ́ɔ́, sá yɨ́yɛ̂h, yé á bɨbe ó sadága.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 10:38

Sâ gwár, mé sí sâ byé nɛ́ɛ: bɨ̌n damá be, adyêʼ koo e me, bûʼláá gá yɨ́ɛ ɨ́ lɔ̌b bísyɛ́ɛla byâm. Nó ó bɨ́n ngá sûʼlǎ gʉ́a ó, Sɔ́ŋ wǎm tiʼe ó, ɨ́ mpúhlá e me; mɛm ntémé ɨ́ mpúhlá e né yɨ́.»

Yʉanes 10:30

Bɨ̌h e nɔ́ɔ́, bé ó sâ gwár.»

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

Rôm 12:5

Jwɨʼ gwár yaá ntémé ó, mɨ́ná dí gá ɨ́ buo yɨ́. Sâ gwár, mɨná gá bé ó nyʉ̂l mpwár ɨ́ mpúhlá gá nyɨ́ná e Krîst. Mɨná gá óbɛ̂h, bé ó bitíl bí nyʉ̂l bi dí minɛrá ɨ́ nyʉ̂l mpwár bí.

1 Yʉanes 5:7

Tó kœb ó, bisâ bi dí eboʼlo ɨ́ lɔ̌b Mwân mé Nzyɛ̌m bí, byé ó bilɛ̂l:

Mɨlʉmlʉ 2:46

Bé á be lɨ́ esâ sɨ́n jɔʼ yɨ́yɛ̂h lɨ́ etô mpáh Nzyɛ̌m, bɨ́bɛ̂h e léme ngwár, le epɛ̂ʼlǎ blêr ɨ́ mimbɛ̌r myɔ́ɔ́, le edeŋɔɔ méde mɔ́ɔ́, milémé myɔ́ɔ́, myé osí lóno ɨ́ bisʉhʉʉ. Myé á bé abě mbáʼrá e mikóo.

Yʉanes 17:25

Sɔ́ŋ Otîtyěl, bʉr ó sí yɨ̂, bé agʉ́a gô. Mɛm ó dí egʉ́a gô, ti e bʉr o mû sí gʉ́a ó, go ó b'á ntɨh me bá.

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Yʉanes 17:18

Mɨ́ lómo bé ɨ́ sí yɨ̂ʼ mpʉ gó ntémé á lómo me yɨ́.

Yʉanes 11:42

Me lɨ́ egʉ́a ó, go lɨ́ eboó jʉjóʼo mê. Nó ó, mě lɛ́ɛ́ gó nó ó, ɨ́ lɔ̌b bʉ̂r o dí ebɔma mé wâʼ ɨ́ nká bâ, ó bé gʉ́ŋaa ó, go ó b'á lómo me.»

Yʉanes 17:20

«Mé ajɨʼla lɨ́ esú lɔ́ɔ́, bé omér. Mě jɨʼlá ntémé ó, lɨ́ esú é bʉ̂r o ngá dyɛ̂ʼwo e me ɨ́ nzɨ̌ lɔ́ɔ́ wɔ́ɔ́ bá.

1 Korɛnt 6:17

Nó ó, mʉr dí etiʼe ɨ́ mpúhlá e Tî Yésʉs nyá, óbe ó e sísǐm ngwár, bé e nɔ́ɔ́.

1 Yʉanes 1:3

Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

Markus 3:24

Kúl bʉ̂r yɨ́yɛ̂h dí ebɔ́ʼa témé tɨ̂, wɨ̂ʼ pâʼ lwímla e gúú wɨ́, yé ákóʼó johlo.

Yʉanes 13:32

Kûm mé Nzyɛ̌m bé lɨ́ epan ɨ́ Mwân mé Mʉr nó, lɛ́ɛ́, Nzyɛ̌m ntémé ógúmlo Mwân wé ɨ́ nye mʉr tɨ̂. Nó ntémé nyé múo nzě gúmlo nyé yɨ́.