Yʉanes 17:12 - Kálar Nzyɛ̌m : Ejwán é Sáá

¹² Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Kálara Zyɛ̌m Edwán é mpʉ̌n

¹² É jɔʼ bɨh e boo nɔɔ, bé a be-be e, me a dɨ baʼle be ó, é nkul die lo go a dwe me e. Me a si kʉ kamle e be! Abe e mʉr ngwar a dim é l'esama lɔɔ, alaa ó waa a bɛa be ó, nye lé ejala le edim ɨ. Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.

Yʉanes 17:12 ပူးပေါင်းရင်းမြစ်များ

Yʉanes 18:9

Yé á syɛ́ɛ nó ó, mekǎn nyé á lɛ́ɛ má, mé díraa. Nye á lɛ́ɛ ó: “Dâ ɛ̌, me á bé adímle mʉ̂r ngwár ɨ́ sɔ́má bʉ̂r o gó á dwe me bá.”

Yʉanes 13:18

«Mé alwib ɨ́ lɔ̌b wɨ́n, bɨ̌n óbɛ̂h, njɨ mʉr ngwár. Me lɨ́ egʉ́a baá mé á twâr bá. Twárá mé á twárɔɔ nyɨ́haá mʉ̂r wɨ́, wé á be ɨ́ jala, lɨ́ esú ó, péh Mékaná mé Nzyɛ̌m, yé díraa. Ebě, yê cɛmá ó: Mʉr dí ede méde mâm nyá, nyɨ́ dwira e me.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

Mɨlʉmlʉ 1:25

Ebě, nye ɨ́ jala le enʉǎ dǐ Yʉ́das á dímle lɨ́ etó kœ̌b dǐ yé á jʉ́ʼa e nyɨɛ yɨ́. Nyɨ́haá ó ngá tô e syɛ́ɛ́ lʉ́mlʉ́ dóló.»

2 Tesalonika 2:3

Mʉ̌r sá adímle bɨ́n e nzɨ̌ lwǐb míkóo ɨ́ nyʉ́ʉ́ nzɨ́ e nyʉ́ʉ́, ebě, móhó waá, wé ányɛɛ́ pyâl nó. Bʉr ɨ́ buo buo, bé ónyɛɛ́ gbɔba e Nzyɛ̌m. Mʉr dí egbah métié mé Nzyɛ̌m nyá, nyé okǎ tyɛ̂b ɨ́ teʼwó ɨ́ míh mé bʉ̂r ɨ́ ponó ɨ́ jɔʼ yaá. Nye ó ngá tyɛ̂b ésôʼ e bʉr o ngá dîm kɔ́m ti e kɔ́m bá.

Ebrœ̂ 2:13

Nye ntémé, nye lɨ́ ebáʼǎ lɛ́ɛ ó: «Mɛm, me ódyɛ̂ʼwo e Nzyɛ̌m.» Nye ntémé, nye á lɛ́ɛ ó: «Me ó nyâ, bɨ̌h e bwán Nzyɛ̌m á dwe me bá.»

Yʉanes 17:6

«Go á si twâr bʉ́ʉ́ bʉ̂r ɨ́ sí yɨ̂, dwe mé bǎ. Me nzě sâ ó, bé gʉ́ŋaa go. Bé á boo be ó bʉr bô. Go ó b'á dwe me bǎ. Nó ntémé ó bé á baʼle lwǐb yô yɨ́.

Filipi 2:9

Sá tɨ̂ʼ ó Nzyɛ̌m á bu bɨ̂n nye kʉ́, dwe nyé nkul jwɨ́ɨ ɨ́ bisá bíbyɛ̂h yɨ́.

Mɨngwiha 19:12

Míh mé, mé ó mpʉ̌ njʉ̌l siʼe. Nye á be ó sí bwâr bíkáráá bí dúu ɨ́ buo buo ɨ́ lʉ́ wé. Bé á si cɛma díe ɨ́ nyʉ̂l nyé. Díe laá, abe e mʉr á gʉ́a lê, njɨ nye omér.