Yʉanes 16:5 - Kálar Nzyɛ̌m : Ejwán é Sáá

⁵ Báánâ, me múo nzě bérě nko mʉ̂r á ntɨh me nyá dí yɨ́. Damá jóʼo nó, mʉr ɨ́ sɔ́má yɨ́n, nyé adî e me ó: “Gǒ tó wó?”

Kálara Zyɛ̌m Edwán é mpʉ̌n

⁵ Banana, me muno ze bere nko mʉr a ntɨh me e, ndɨ ɨ. Dam be no, mʉr é l'esama lɨn, nye adî e me ó: “Go lé eto nko?”

Yʉanes 16:5 ပူးပေါင်းရင်းမြစ်များ

Yʉanes 13:36

Simon Pétrus nzě dî e né ó: «Dâ ɛ̌, go ótô nkoó?» Yésʉs ntɔ̂ʼ yala e né ó: «Gó abe e nkul edû mé ɨ́ báánâʼ nko mé múo tô yɨ́. Go ósûʼlǎ dû mê.»

Yʉanes 7:33

Yésʉs, nye ó: «Mɨná dína gá ó e mâ diá wâ. Me óbúla, swîʼ tô nko mʉ̂r á ntɨh me nyá dí yɨ́.

Yʉanes 16:28

Me á duho ó kwá Sɔ́ŋ wǎm, me nzě pyâl ɨ́ sí yɨ̂. Me óbáʼǎ mɔa, líʼě sí yɨ̂, bérě nko Sɔ́ŋ wǎm dí yɨ́.»

Yʉanes 17:4

Me á si lɛ̂ʼle bʉr kûm nyǒ ɨ́ sí yɨ̂. Mɨ́ sîl syɛ́ɛ́ gó á dwe me ó, me séaa yɨ́.

Yʉanes 16:10

Nye ólɛ̂ʼle bé sá dí tîtyěl yɨ́, ebě, mě búlá ó, tô nko Sɔ́ŋ wǎm dí yɨ́. Bɨ̌n bé ákǎ bee mê.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Yʉanes 16:16

«Yɨ́ lîʼ njɨ bá mâ jɔʼ, bɨ̌n bé ákǎ bee mê. Yé óbáʼǎ lɛŋ mâ jɔʼ, bɨ̌n bé obáʼǎ bee mê.»

Yʉanes 14:28

Bɨ̌n bé á be ɨ́ jóʼǒ mpʉ mé á lɛ́ɛ e bɨ̌n ó: “Me múo nzě swîʼ. Me óbáʼǎ nze, pyâl nko bɨ́n dí yɨ́.” Yé bé bɨ̌n bé ɨ́ kpɛl mé nó, lɛ́ɛ́, bɨ̌n mû ó lɨ́ esoho le egʉ́a ó, mě swíʼ ó, tô kwá Sɔ́ŋ wǎm, ebě, Sɔ́ŋ wǎm ó láá mê.

Yʉanes 6:62

Yé ókǎ sâ bɨ́n nyá, ɨ́ jɔʼ bɨ́n óbee Mwân mé Mʉr lɨ́ ebúla, bére, swîʼ, tô nko nyé á nyɛɛ bɨbe yɨ́?

Yʉanes 17:13

Nó ɨ́ jɔʼ yɨ̂, me múo nzě búla, nzě nko gó dí yɨ́. Jɔʼ yɨ́yɛ̂h mé dína ɨ́ sí yɨ̂ʼ yɨ́, mě jɨʼlá e go ó, ompʉ́n bâm bíʼee bisʉhʉʉ mpʉ mé dí esoho yɨ́. Bisʉhʉʉ byɔ́ɔ́, byé óbe ó ntinɨ̂ e ntinɨ̂.

Yʉanes 16:17

Bʉ́ʉ́ ómpʉ́n nzě táare édíila métíá páʼ nyɔ́ɔ́. Bé ó: «Nó yɨ́ɛ̌ dǐ lɛ́ɛ yé ɛ́? Ó “Yɨ́ lîʼ njɨ bá mâ jɔʼ, bɨ̌n bé ákǎ bee mê. Yé óbáʼǎ lɛŋ mâ jɔʼ, bɨ̌n bé óbáʼǎ bee mê.” Nyě kpɛ̌l élɛ́ɛ yé ɨ́ jɔʼ nyé lɨ́lɛ́ɛ́ ó: “Yé ó ebe mé dí ebúla, tô nko Sɔ́ŋ wǎm dí yɨ́”?»