Yʉanes 16:32 - Kálar Nzyɛ̌m : Ejwán é Sáá

³² Jwɛ́ʼɛ́ɛ́ gâ, jɔʼ, yé múo nzě pyâl. Yé ntémé, yɨ́ pyâl: jɔʼ bɨ́n ngá gbɛha, mʉr e mʉr asyɛŋa nzɨ́ yɨ́. Bɨ̌n bé ólíʼe mé me omér. Me ákóʼó be yɨ́ɛ me omér, ebě, bɨ̌h e Sɔ́ŋ wǎm ó dí.

Kálara Zyɛ̌m Edwán é mpʉ̌n

³² Dwɛʼa ga: ewala, lé eze—lé mu ó si pyal—jɔʼ bɨn bé ómyɛma, mʉr nyiwɛh lé eto fol nyʉl é mbɛr we e. Bɨn bé óliʼe me me ome. Me ákwoʼ be yɛɛ me ome, ebe, bɨh e Sɔŋ wam ó ndɨ.

Yʉanes 16:32 ပူးပေါင်းရင်းမြစ်များ

Mataos 26:31

Yésʉs nzě lɛ́ɛ e bé ó: «Me óbe ɨ́ pum wɨ̂ʼ mûh ó, ebɔ̌ʼ lé óbɨma bɨ́n bɨ́bɛ̂h ɨ́ miléme lɨ́, ebě, yê cɛmá ó: Me ójʉ̂ pála binteme; ekul e bínteme laá, lé omyamǎ dwǐʼ e dwǐʼ.

Yʉanes 8:29

Mʉr á ntɨh me nyá, bɨ̌h e né ó dí. Nye á bé alíʼe mé me omér, ebě, mě sá jɔʼ yɨ́yɛ̂h ó, syɛ́ɛla nyé dí ebee mbɨ̂mbɨá yɨ́.»

Yʉanes 8:16

Sâ gwár, yé sí kǎ pyâl ó, me tíʼaa lɔ̌b nɛ́ɛ: tíʼá wâm, wé ó tîtyěl, ebě, mé abe mé omér ɨ́ tíʼá waá. Yé ó bɨ̌h e Sɔ́ŋ wǎm, mʉr á ntɨh me nyá.

Markus 14:27

Yésʉs, nye e bé ó: «Ebɔ̌ʼ, lé óbɨma bɨ́n óbɛ̂h ɨ́ miléme, ebě, yê cɛmá ó: “Me ójʉ̂ pála binteme; binteme byaá, byé omyamǎ dwǐʼ e dwǐʼ.”

Mataos 26:56

Nó ó, syɛ́ɛla yɨ̂, yê ka syɛ́ɛ́ ó mpʉ ógwíha o mílɔ̌b bé á cɛma ó, yé díraa yɨ́.» Píe tɨ̂, ompʉ́n bɨ́bɛ̂h, bé ntɔ̂ʼ líʼe nyê, sîl ékpɛ́ɔɔ.

Yʉanes 20:10

Bê nzě báʼǎ tóŋɔɔ ɨ́ mediá mɔ́ɔ́.

Yʉanes 16:25

«Me á lɨlɛ́ɛ bɨ̌n milɔ́ɔ mínɨ̌ mímyɛ̂h ó, ɨ́ nzɨ̌ bikɨkɛna. Yé ópyâl jɔʼ mé óbe, akǎ lwib e bɨ̌n ɨ́ nzɨ̌ nyaá yɨ́. Me ókʉ́ lwilwib e bɨ̌n, dumo e Sɔ́ŋ wǎm ó, lɨ́ epâʼla mékǎn.

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Yʉanes 4:23

Sâ gwár, jɔʼ mû ó lɨ́ enze. Yé ntémé mû ó sí pyâl. Ɨ́ jɔʼ yaá ó óbûʼla ompâ, bé ógúmlǒ Nzyɛ̌m Sɔ́ŋ le sísǐm le otyeetye yɨ́, ebě, Nzyɛ̌m Sɔ́ŋ, nye lɨ́ esáa bʉ̂r o ngá dwe nyé kûm ɨ́ mbi waá bá.

Yʉanes 4:21

Yésʉs, nye e né ó: «Búʼláá mê. Jɔʼ múo lɨ́ enze: ɨ́ jɔʼ yaá, bɨ̌n bé ákǎ dwě Nzyɛ̌m Sɔ́ŋ kûm ɨ́ Yerʉ́zalɛm, nkʉ̂ ntémé lɨ́ ecwɨ́ʼ lɨ̂.

Yʉanes 12:23

Yésʉs, nye e bé ó: «Ɨ́ báánâ, jɔʼ Mwân mé Mʉr jálá le enʉa kûm nyé yɨ́, yé mû ó sí pyâl.

Yʉanes 5:28

Mʉr akâm gâ. Jɔʼ yé múo nzě pyâl, jɔʼ ódwe bɨ́bɛ̂h dí ɨ́ mesoo bá, bé ójóʼo twíí Mwân mé Mʉr yɨ́.

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

Markus 14:50

Píe tɨ̂, bʉr bɨ́bɛ̂h nzě líʼe nyê, ntɔ̂ʼ kpɛ́ɔɔ.

Mɨlʉmlʉ 8:1

Saʉ̂l nzě kam éswie mé Étiene. Ɨ́ móhó ngwár e ngwár waá, bê nzě nyɛl étíblě Mbɛ̌r-Nzyɛ̌m Yerʉ́zalɛm ɨ́ dwíííá. Obûʼla bɨ́bɛ̂h, pɛ̌ʼ njɨ bʉr o mílʉ́mlʉ́ mé Yésʉs, bê nzě gbɛha ɨ́ mekwár mé sí Yʉ́da ti e maá mé sí Samarî.

Yʉanes 16:31

Yésʉs nzě dî bé tíá ó: «Nzê bɨ̌n bɨ́ bûʼla ɨ́ jɔʼ yɨ̂ʼ ɛ̌?

Yʉanes 19:27

Nye e mpʉ́n wé ó: «Bee nyʉ́ŋ ɨ́?» Táare ɨ́ jɔʼ yaá ó mpʉ́n waá á nze nʉa nye, dil nyé ɨ́ mbɛ̌r wé yɨ́.

Mɨlʉmlʉ 21:6

Bɨ̌h nzě jɨjána, bâʼ jána e bâ, bâʼ jána e bâ. Bɨ̌h nzě tó nî ɨ́ sitíma tʉ́ŋlʉ̌, bɨ́ɛ nzě swîʼ yɔ́ɔ́, tóŋɔɔ kwá nyɔ́ɔ́. Bɨ̌h ntɔ̂ʼ tô e tyen yɨ́h dóló mâŋ e mâŋ.