Yʉanes 16:30 - Kálar Nzyɛ̌m : Ejwán é Sáá

³⁰ Ɨ́ báánâ, bɨ̌h bɨ́ gʉ́a ó, gʉ́ gʉ́ǎ sá yɨ́yɛ̂h, ndu e ntémé ó, yé ajɨ ó, mʉr díʼee go tíá. Nó yaá ó bɨ́h dí ebúʼla ó, go á duho ó kwá mé Nzyɛ̌m yɨ́.»

Kálara Zyɛ̌m Edwán é mpʉ̌n

³⁰ Banana, bɨh bɨ gʉa ó, gɨ gʉa sa yiyɛh, ndwe nteme, yé ajɨ ó, mʉr dîʼe go tia. Ebe no ó bɨh lé ebuʼla ó, go a kʉ duho ó boo Zyɛm ɨ.»

Yʉanes 16:30 ပူးပေါင်းရင်းမြစ်များ

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Ebrœ̂ 4:13

Yé abe e yʉ́ʉ́ kwihá sɔ̂ʼ dí solá ɨ́ míh mé Nzyɛ̌m. Sá yɨ́yɛ̂h nyé á komlo yɨ́, yé ɨ́ ponó, ɨ́ nkɛŋlɛ̂m ɨ́ míh mé. Bíbyɛ̂h, byé ókar mínkar myɔ́ɔ́ ó, ɨ́ mpǒm nyé.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 16:17

Bʉ́ʉ́ ómpʉ́n nzě táare édíila métíá páʼ nyɔ́ɔ́. Bé ó: «Nó yɨ́ɛ̌ dǐ lɛ́ɛ yé ɛ́? Ó “Yɨ́ lîʼ njɨ bá mâ jɔʼ, bɨ̌n bé ákǎ bee mê. Yé óbáʼǎ lɛŋ mâ jɔʼ, bɨ̌n bé óbáʼǎ bee mê.” Nyě kpɛ̌l élɛ́ɛ yé ɨ́ jɔʼ nyé lɨ́lɛ́ɛ́ ó: “Yé ó ebe mé dí ebúla, tô nko Sɔ́ŋ wǎm dí yɨ́”?»

Yʉanes 5:20

Ebě, Sɔ́ŋ, nye lɨ́ ekpɛl Mwân wé. Nye lɨ́ elɛ̂ʼle nyé sá nyé mʉr tɨ̂ʼ dí esâ yɨ́. Nye ólɛ̂ʼle nyé bisyɛ́ɛla nyé ókǎ tô le esɨ̂sa bí. Byé ólaa byaá bî, bɨ̌n nkʉ̂ buú kâm.

Yʉanes 2:11

Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.

Yʉanes 8:42

Yésʉs, nye e bé ó: «Yé bé Nzyɛ̌m, nyě tyeetye ó Sɔ́ŋ wɨ́n nó, lɛ́ɛ́, bɨ̌n bé lɨ́ ekpɛl mê, ebě, me á duho ó kwá mé Nzyɛ̌m. Me ntémé, me wâʼ ó ɨ́ nkul nyé. Me á bé anze ɨ́ gwɨ́má yâm, mɛm mʉr tɨ̂. Nye ó b'á lómo me.

Yʉanes 16:23

«Jɔ̌ʼ móhó waá, wé ópyâl yɨ́, bɨ̌n bé ákǎ dî mé tíá ɨ́ gúú lɔ̌b e gúú. Mě lɛ́ɛ́ bɨ́n lɨ́ otyeetye ó, Sɔ́ŋ wǎm ódwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, le epɨr e díé lâm yɨ́.

Yʉanes 16:26

Jɔ̌ʼ móhó waá, wé ópyâl yɨ́, bɨ̌n bé ógûgwam bísá bín ó, lɨ́ ejɨʼla e Sɔ́ŋ wǎm, pɨr e díé lâm. Nó ó, mé alɛ́ɛ ó, me ódî nyé byǎ lɨ́ esú lɨ́n.

Yʉanes 16:31

Yésʉs nzě dî bé tíá ó: «Nzê bɨ̌n bɨ́ bûʼla ɨ́ jɔʼ yɨ̂ʼ ɛ̌?