Yʉanes 16:2 - Kálar Nzyɛ̌m : Ejwán é Sáá

² Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Kálara Zyɛ̌m Edwán é mpʉ̌n

² Bɨn bé ócyelɔ é pɨŋ, aka mɛʼlɔ é mompah mɨnjwɨʼla. Ewala, lé ópyal nteme, jɔʼ bʉr, bé ójʉ bɨn ɨ, bé ókʉ toŋlo ó, bé esa Zyɛm mɨmpaŋ bɨsyɛɛla é zi ejwɨɨ e bʉr laa.

Yʉanes 16:2 ပူးပေါင်းရင်းမြစ်များ

Yʉanes 9:22

(Náǎ yé ó, Sɔ́ŋ ndu e nyɔ̌ŋ, bé á lwilwib nó ó, ebě, bé á be ó lɨ́ ekpɛ́ɛ óYúden, ebě, oYúden baá, bé á bě sí di twíí páʼ nyɔ́ɔ́ ó, mʉ̂r sí lɛ́ɛ ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nó, nye sóŋɔɔ ɨ́ mpáh minjɨʼla nyɔ́ɔ́.

Mataos 10:28

Ayɨ́ kpɛ́ɛ gá bʉr o dí e nkul ejʉ̂ bɨ́n nkǒ páʼ bípúno, dí abe e nkul ejʉ̂ bɨ́n nkǒ páʼ sísǐm bá. Kpɛ́yɨ́ɨ́ gá njɨ Nzyɛ̌m, mʉr dí e nkul esâ ó, nyʉ̂l le sísǐm, byé tô dwe ɨ́ bɨ́ siʼe nyá.

Mɨngwiha 6:9

Jɔʼ Mâ Nteme á gbɛ́ɛ sitâm tɛ̂n yɨ́, me ntɔ̂ʼ dwɛ̂ʼ lɨ́ empah lé alatâr, nzě bee tɨ̂ʼ ó, misísǐm mi bʉ̂r. Bé á jʉ́ŋɔɔ ó, ɨ́ lɔ̌b lɔ́ɔ́ mé Nzyɛ̌m, ti e mboʼlá bé á boʼlo wɨ́.

Yʉanes 12:42

Damá jóʼo nó, myúú mílʉ́ mí óYúden ɨ́ buo buo, myé á be ó lɨ́ edyɛ̂ʼwo e Yésʉs. Sâ gwár, bé á bé alɛ́ɛ bʉ̂r nó. Bé á be lɨ́ ekpɛ́ɛ óFarizyɛ̂n, ebě, bé ámû soŋɔɔ ɨ́ mpáh minjɨʼla nyɔ́ɔ́.

Lʉkas 6:22

«Bɨ̌n bé e metyɛʼ me mpóm ɨ́ jɔʼ bʉ̂r nwím bɨ́n yɨ́, le ɨ́ jɔʼ bé pɨ́m bɨ́n, pya bɨ́n, le eláa bɨ́n ɨ́ sɔ́má ósyɛ̂l bé ébébe ebe bɨ́n dí ebúʼla Mwân mé Mʉr yɨ́.

1 Korɛnt 4:13

Jɔʼ bé dí elwib e bɨ̌h ebébe yɨ́, bɨ̌h bɨɛ̌ yɨyalá e bé ó e léme ɨ́ piiia. Bé láá bɨ́h ó mpʉ ékunuu é sí yɨ̂, nkʉ̂ sá mébomo, nzě kumo ɨ́ báánâ.

Mɨlʉmlʉ 7:56

Nó nyé á lɛ́ɛ ó: «Beyɨɨ gá, me lɨ́ ebeě jʉ́o mběʼ, ndu e Mwân mé Mʉr! Nyɨ́ tyɛ̂b tîtyěl ɨ́ mbó éjʉ́m mé Nzyɛ̌m!»

Mataos 24:9

«Jɔʼ yaá ó bɨ́n ngá tyenɔɔ kwá bʉr o ngá buú lɛ̂ʼle bɨ́n túú bá. Bé ójʉ̂ bɨ́n. Bʉr o bíkúl bíbyɛ̂h, bé óbene bɨ́n ebe bɨ́n dí egúmo e me.

Yʉanes 9:34

Bé e né ó: «Gbaa gó á byɛ̂l, go ó njɨ témé misyóm. Gǒ lɛ́ɛ́ ó, gǒ lɛ́ʼlé ó, bɨ̌h ɨ́?» Ntɔ̂ʼ soŋɔɔ nyé ɨ́ mpáh minjɨʼla nyɔ́ɔ́.

Mɨlʉmlʉ 5:33

Bʉr o b'á nze ɨ́ gwɨ́hlá bá, bé ntɔ̂ʼ kpaa ébúʼ ɨ́ jɔʼ bé á jóʼo milɔ̌b myaá yɨ́. Bê nzě sáa ó, bé jʉ́ ó bʉr o mílʉ́mlʉ́ baá.

Yʉanes 4:21

Yésʉs, nye e né ó: «Búʼláá mê. Jɔʼ múo lɨ́ enze: ɨ́ jɔʼ yaá, bɨ̌n bé ákǎ dwě Nzyɛ̌m Sɔ́ŋ kûm ɨ́ Yerʉ́zalɛm, nkʉ̂ ntémé lɨ́ ecwɨ́ʼ lɨ̂.

Filipi 3:6

Me á si bu tíble Mbɛ̌r-Nzyɛ̌m. Ɨ́ nkǒ páʼ métié, me á be ó tîtyěl mʉr, abe le etié egwár lé á mɛ̂r me.

Yʉanes 4:23

Sâ gwár, jɔʼ mû ó lɨ́ enze. Yé ntémé mû ó sí pyâl. Ɨ́ jɔʼ yaá ó óbûʼla ompâ, bé ógúmlǒ Nzyɛ̌m Sɔ́ŋ le sísǐm le otyeetye yɨ́, ebě, Nzyɛ̌m Sɔ́ŋ, nye lɨ́ esáa bʉ̂r o ngá dwe nyé kûm ɨ́ mbi waá bá.

Yʉanes 16:25

«Me á lɨlɛ́ɛ bɨ̌n milɔ́ɔ mínɨ̌ mímyɛ̂h ó, ɨ́ nzɨ̌ bikɨkɛna. Yé ópyâl jɔʼ mé óbe, akǎ lwib e bɨ̌n ɨ́ nzɨ̌ nyaá yɨ́. Me ókʉ́ lwilwib e bɨ̌n, dumo e Sɔ́ŋ wǎm ó, lɨ́ epâʼla mékǎn.

Yʉanes 16:32

Jwɛ́ʼɛ́ɛ́ gâ, jɔʼ, yé múo nzě pyâl. Yé ntémé, yɨ́ pyâl: jɔʼ bɨ́n ngá gbɛha, mʉr e mʉr asyɛŋa nzɨ́ yɨ́. Bɨ̌n bé ólíʼe mé me omér. Me ákóʼó be yɨ́ɛ me omér, ebě, bɨ̌h e Sɔ́ŋ wǎm ó dí.