Yʉanes 16:19 - Kálar Nzyɛ̌m : Ejwán é Sáá

¹⁹ Yésʉs ntɔ̂ʼ gʉ́a ó, bé á be ó lɨ́ egwɨ̂m édî nyé metíá. Nye ó: «Me sí gwîh bɨ́n ó: “Yɨ́ lîʼ bá mâ jɔʼ, bɨ̌n bé ákǎ bee mê. Yé óbáʼǎ lɛŋ nyʉ́ʉ́ mâ jɔʼ, bɨ̌n bé óbáʼǎ bee mê.” Nzê ɨ́ lɔ̌b waá ó bɨ́n dí edíila métíá páʼ nyɨ́n wɨ́ ɛ́?

Kálara Zyɛ̌m Edwán é mpʉ̌n

¹⁹ Yesʉs ntɔʼ gʉa ó, bé a be ó lé egwɨm dî nye motia. Nye ó: «Me si gwih bɨn ó, yi liʼ ba ma jɔʼ, bɨn bé aŋa ka bee me. Yé óbâʼle lɛŋ nuu ma jɔʼ, bɨn bé òbula bee me. Zê é lɔb waa ó bɨn lé edîila motia paʼra win ɛ?

Yʉanes 16:19 ပူးပေါင်းရင်းမြစ်များ

Yʉanes 16:30

Ɨ́ báánâ, bɨ̌h bɨ́ gʉ́a ó, gʉ́ gʉ́ǎ sá yɨ́yɛ̂h, ndu e ntémé ó, yé ajɨ ó, mʉr díʼee go tíá. Nó yaá ó bɨ́h dí ebúʼla ó, go á duho ó kwá mé Nzyɛ̌m yɨ́.»

Yʉanes 16:16

«Yɨ́ lîʼ njɨ bá mâ jɔʼ, bɨ̌n bé ákǎ bee mê. Yé óbáʼǎ lɛŋ mâ jɔʼ, bɨ̌n bé obáʼǎ bee mê.»

Yʉanes 14:19

Yɨ́ lîʼ bá tîtííǎ: sí yɨ̂, yé ákǎ bee mê. Sâ gwár, bɨ̌n bɨɛ óbee mê. Ɨ́ mpʉ mé dí kublakúbla yɨ́, nó yé lɛ́ʼlé ntémé ó, bɨ̌n bé ótiʼe ó tɨ̂ʼ yɨ́.

Yʉanes 13:33

Bwán bâm, me ka líʼ lɨ́ edi e bɨ̌n ó, mâ jɔʼ. Bɨ̌n bé ósáa mê. Nó, mě lɛ́ɛ́ bɨ́n báánâʼ ó, sá mé á nyɛɛ lɛ́ɛ le oYúden yɨ́. Yé ó: bɨ̌n bé abe e nkul etô nko mé múo tô yɨ̂.

Yʉanes 7:33

Yésʉs, nye ó: «Mɨná dína gá ó e mâ diá wâ. Me óbúla, swîʼ tô nko mʉ̂r á ntɨh me nyá dí yɨ́.

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

Ebrœ̂ 4:13

Yé abe e yʉ́ʉ́ kwihá sɔ̂ʼ dí solá ɨ́ míh mé Nzyɛ̌m. Sá yɨ́yɛ̂h nyé á komlo yɨ́, yé ɨ́ ponó, ɨ́ nkɛŋlɛ̂m ɨ́ míh mé. Bíbyɛ̂h, byé ókar mínkar myɔ́ɔ́ ó, ɨ́ mpǒm nyé.

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Mataos 9:4

Mpʉ̌ Yésʉs á gʉ́a bijwɨʼ byɔ́ɔ́ yɨ́, nó ó nyé á nze dî e bé ó: «Bɨ̌n bé lɨ́ edi e bibɨ́bla bíjwɨʼ bínɨ̌ ɨ́ milémé mín ɨ́ yé?

Mataos 6:8

Nó, abaŋa gá bê, ebě, Sɔ́ŋ wɨ́n, nye lɨ́ eboó gʉ́ǎ sá dí esâ bɨ́n sɔ́ɔlʉ yɨ́, bɨ̌n dína apǎ gwâm nyé yǎ.

Markus 9:32

Damá jóʼo nó, ompʉ́n bé, bé á bé agwá jóʼǒ sá nyé á lɛ́ɛ bé yɨ́. Bé ntémé á be lɨ́ ekpɛ́ɛ édî nyé tíá ɨ́ lɔ̌b waá.

Yʉanes 6:61

Yésʉs nzě gʉ́a ó, ompʉ́n bé, bé á be ó lɨ́ elwǐb lɔ̌b waá minyimla. Nye ó: «Nzê lɛ́ʼlá wâm nɨ̌, wé ó ebɔ̌ʼ e dí ebɨma bɨ́n ɨ́ miléme lɨ́ ɛ́?

Yʉanes 16:18

Bê nzě lɛ́ɛla ntémé ó: «Ekǎn é “mâ jɔʼ” lɨ̂, lé lɨ́ elɛ̂ʼle yé? Mɨná bé akǎ jóʼo gá sá nyé dí elɛ́ɛ yɨ́.»

Yʉanes 16:23

«Jɔ̌ʼ móhó waá, wé ópyâl yɨ́, bɨ̌n bé ákǎ dî mé tíá ɨ́ gúú lɔ̌b e gúú. Mě lɛ́ɛ́ bɨ́n lɨ́ otyeetye ó, Sɔ́ŋ wǎm ódwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, le epɨr e díé lâm yɨ́.

Yʉanes 16:26

Jɔ̌ʼ móhó waá, wé ópyâl yɨ́, bɨ̌n bé ógûgwam bísá bín ó, lɨ́ ejɨʼla e Sɔ́ŋ wǎm, pɨr e díé lâm. Nó ó, mé alɛ́ɛ ó, me ódî nyé byǎ lɨ́ esú lɨ́n.