Yʉanes 16:14 - Kálar Nzyɛ̌m : Ejwán é Sáá

¹⁴ Nye ódwe mé kûm, ebě, nye ónʉa ótyeetye dí eduho e me wɨ́, ntɔ̂ʼ lɛ́ɛ bɨ́n wǎ.

Kálara Zyɛ̌m Edwán é mpʉ̌n

¹⁴ Wé ódwe me kum, ebe, wé ólɛɛ bɨn mɨlɔb lé etiibe e me e.

Yʉanes 16:14 ပူးပေါင်းရင်းမြစ်များ

Yʉanes 15:26

«Kɔmlʉ wɨ́n, nye ónze. Nye ó dí Sísǐm Ótyeetye ngá duho kwá mé Sɔ́ŋ wǎm wɨ́. Me óntɨh bɨ́n nyǎ. Nyé onzě boʼlǒ lɔ̌b wâm.

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

1 Korɛnt 12:3

Nó ó, me múo nzě cɨ̂l bɨ́n ɨ́ pâʼ waá: abe e mʉr dí elwib e nzɨ̌ Sísǐm mé Nzyɛ̌m, dí e nkul elɛ́ɛ ó: «Yésʉs, nyé e meswomlʉ!» Le ntémé ó, Sísǐm mé Nzyɛ̌m bé abe tʉ́ŋlʉ̌ mʉr nó, mʉr waá, nyé abe e nkul elɛ́ɛ ó: «Yésʉs ó dí Njwɨ́ɨ!»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

1 Yʉanes 5:6

Yésʉs-Krîst, nye ó mʉr á duŋɔɔ e medíbé, báʼǎ duŋɔɔ e metié lɨ́ eswie ɨ́ kolôs nyá. Nye á bé anzě duŋɔɔ̌ njɨ e medíbé mé omér. Ndubó wé, wé á be ó e medíbé ndu e metié. Sísǐm mé Nzyɛ̌m ó dí eboʼlo ɨ́ lɔ̌b ndubó wé. Nyě boʼló nó ó, ebě, nyě le otyeetye.

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.

Yʉanes 7:39

(Yésʉs á lwib ó, ɨ́ lɔ̌b Sísǐm mé Nzyɛ̌m bʉ̂r o ngá dyɛ̂ʼwo e né bá, bé óbi wɨ́. Abe e mʉr á pa bi Sísǐm mé Nzyɛ̌m, ebě, Yésʉs á bé apǎ dweŋɔɔ kûm.)

1 Pyɛr 2:7

Ekóʼ laá, lé ɨ́ buo ódimé ɨ́ mbeá wɨ́n, bɨ̌n bʉr o b'á dyɛ̂ʼwo e lé bá. Sâ gwár, bʉr o dí ebene édyɛ̂ʼwo e lé bá, bɨ́ɛ bee lé ó mpʉ «Ékóʼ óswim ó mbɛ̌r bé á bene lɨ́. Lé ó b'á ka sûʼla ekóʼ e dí esúʼo nkân mbɛ̌r lɨ́.»

Yʉanes 14:21

«Mʉr dí ejóʼo métié mâm le ebaʼle mé nyá ó dí ekpɛl mê. Sɔ́ŋ wǎm ntémé ókpɛl nyê. Me mʉr tɨ̂ʼ ntémé ókpɛl nyê. Me ópîpyal kwá nyé.»