Yʉanes 16:13 - Kálar Nzyɛ̌m : Ejwán é Sáá

¹³ Jɔ̌ʼ Sísǐm Ótyeetye ópyâl ɨ́ bɨ̌n yɨ́, nye ólɛ̂ʼle bɨ́n otyeetye wɨ́wɛ̂h. Nye álwib e nkul nyé nye omér. Nye ólɨlɛ́ɛ ó, sá nyé á pa jóʼo yɨ́. Nye ólɛ́ɛ bɨ́n sá yé ósyɛ́ɛ yɨ́.

Kálara Zyɛ̌m Edwán é mpʉ̌n

¹³ É jɔʼ Sisim Ocyecye, wé ópyal é bɨn ɨ, wé ólɛʼle bɨn ocyecye wiwɛh. Wé aŋa lwib njɨ e nkul we. Wé ólɛɛ sa wé a pa joʼo e. Wé nteme, wé ólɛɛ bɨn sa muno ze syɛɛlɨ ɨ.

Yʉanes 16:13 ပူးပေါင်းရင်းမြစ်များ

Yʉanes 14:26

Kɔmlʉ wɨ́n, nye ó Sísǐm mé Nzyɛ̌m. Sɔ́ŋ wǎm ólómlo bɨ́n wǎ ó ɨ́ díé lâm. Nye ólɛ̂ʼle bɨ́n sá yɨ́yɛ̂h le ejɨjɨm bɨ́n bitɔŋlá ɨ́ sá yɨ́yɛ̂h mé á lɨ̂lɛɛ bɨ̌n yɨ́.

Yʉanes 14:17

Nye ó dí Sísǐm Ótyeetye. Bʉr ó sí yɨ̂, bé abe e nkul enʉa nyê, ebě, bé abe e nkul ebee nyê, nkʉ̂ gʉ́a nyê. Sâ gwár, bɨ̌n bɨɛ bé lɨ́ egʉ́a nyê, ebě, bɨ̌n le onɔ́ɔ́ ó mû. Nye ntémé, nye ó dí ɨ́ sɔ́má yɨ́n.

Yʉanes 15:26

«Kɔmlʉ wɨ́n, nye ónze. Nye ó dí Sísǐm Ótyeetye ngá duho kwá mé Sɔ́ŋ wǎm wɨ́. Me óntɨh bɨ́n nyǎ. Nyé onzě boʼlǒ lɔ̌b wâm.

1 Yʉanes 2:27

Ɨ́ wɨ́n pâʼ, bɨ̌n bé á si bi Sísǐm, waá Nzyɛ̌m á lœm bɨ̌n wǎ wɨ́. Bɨ̌n e Sísǐm mé Nzyɛ̌m waá ó mû. Sɨ́ǎ yaá ó bɨ́n dí, abe lɨ́ ekǎ jɨ lɛ̂ʼla yɨ́. Nzyɛ̌m á ntɨh bɨ̌n Sísǐm wé ó, nye díʼee lɛ̂ʼla wɨ́n ɨ́ milɔ̌b mímyɛ̂h. Sísǐm mé Nzyɛ̌m, nye ntémé, nye ó sísǐm mé Nzyɛ̌m mpâ. Nyě lɛ́ɛ́ ó, otyeetye; nyé alɛ́ɛ bíbɛr. Mpʉ nyé dí elɛ̂ʼle bɨ́n yɨ́, diʼee gá ɨ́ mpúhlá e nye.

1 Yʉanes 2:20

Ɨ́ wɨ́n pâʼ, Mʉr mé Nzyɛ̌m dí tí nyá á si lœm bɨ̌n, lɨ́ entɨh bɨ́n Sísǐm mé Nzyɛ̌m. Bɨ̌n bɨ́bɛ̂h, bɨ̌n bé lɨ́ egʉ́a ótyeetye.

Yʉanes 12:49

Ebě, me á bé alwib yʉ́ʉ́ sɔ̂ʼ e mɛm mʉr tɨ̂. Sɔ́ŋ wǎm, mʉr á ntɨh me nyá ó b'á lɛ́ɛ me sá mé jálá le elɛ́ɛ bɨ́n yɨ́.

1 Yʉanes 4:6

Nó ó, mɨná bɨɛ dumo gá ó e Nzyɛ̌m. Mʉr dí egʉ́ǎ Nzyɛ̌m nyá, nye lɨ́ esâ mɨ́ná gá mejóʼo. Mʉr dí aduho kwá mé Nzyɛ̌m nyá, nyé asâ mɨ́ná gá mejóʼo. Nó ó mɨ́ná dí e nkul edweʼe gá mbɔ́ʼ páʼ Sísǐm Ótyeetye, ndu e sísǐm bíbɛr yɨ́.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Mɨngwiha 1:19

Nó ó, cɛmaa bísá gó dí ebee bí. Cɛmaa bísá mû lɨ́ esyɛ́ɛ ndu e byaá ngá syɛ́ɛ bí.

Yʉanes 8:38

Me lɨ́ elɛ́ɛ ó, sá mé á bee kwá Sɔ́ŋ wǎm yɨ́. Bɨ̌n bɨɛ̌ sá ó, sá wɨ́n sɔ́ŋ á lɛ́ɛ bɨ̌n yɨ́.»

2 Tesalonika 2:3

Mʉ̌r sá adímle bɨ́n e nzɨ̌ lwǐb míkóo ɨ́ nyʉ́ʉ́ nzɨ́ e nyʉ́ʉ́, ebě, móhó waá, wé ányɛɛ́ pyâl nó. Bʉr ɨ́ buo buo, bé ónyɛɛ́ gbɔba e Nzyɛ̌m. Mʉr dí egbah métié mé Nzyɛ̌m nyá, nyé okǎ tyɛ̂b ɨ́ teʼwó ɨ́ míh mé bʉ̂r ɨ́ ponó ɨ́ jɔʼ yaá. Nye ó ngá tyɛ̂b ésôʼ e bʉr o ngá dîm kɔ́m ti e kɔ́m bá.

Mɨngwiha 1:1

Yésʉs-Krîst á si gwîh bisá Nzyɛ̌m á tɨ́e nye ó, nye lɛ̂ʼlaa osyɛ̂l o mésá bé, ó bé gʉ́ŋaa sá mû kúno epyâl bé yɨ́. Nye á gwîh byé ó, lɨ́ elómo éngeles wé kwá me, Yʉánɛs, syɛ̂l mesâ wé.

2 Tesalonika 2:12

Nó ó, bʉr o dí ebene ótyeetye, jaá kpɨkpɛ̌l njɨ bisyɛ́ɛla bi dí egbah métié bí bá, bɨ́bɛ̂h, bé ónʉa mébě tɨ̂.

Mɨlʉmlʉ 27:24

Nó ó nyê lɛ́ɛ́ e me ó: “Pɔ̂l, ajóʼo bʉ́á. Yé jala ó, go tôʼ tyɛ̂b ɨ́ mpǒm mé Kɛ́ɛza. Nzyɛ̌m ótiʼ bʉ̂r bɨ́bɛ̂h o bɨ́n le onɔ́ɔ́ dí ɨ́ sitíma bá, ɨ́ kpɛ̌l nyé dí ekpɛl gó yɨ́.”

Mɨlʉmlʉ 20:23

Mě jaá gʉ́a ó, njɨ ɨ́ nkana yɨ́yɛ̂h mé dí ecɨɨ yɨ́, Sísǐm mé Nzyɛ̌m jaá lɨlɛ́ɛ ó, njɨ me ókáʼɔɔ e mikǒl, tíblɔɔ ntémé.

Yʉanes 3:32

Nyě boʼló ó, sá nyé á bee le ejóʼo yɨ́. Sâ gwár, bʉr, bé akǎm lɔ́ɔ́ wé.

Mɨlʉmlʉ 11:28

Nyʉ́ʉ́ mʉ̂r á be ó ɨ́ sɔ́má yɔ́ɔ́, díé lé, Agábus. Nye á si mɔa, nzě lɛ́ɛ bʉ̂r ɨ́ nkul Sísǐm mé Nzyɛ̌m ó, nza ɨ́ bwaʼ bwaʼ mû ó kúno enyaŋla ɨ́ melû maá ɨ́ sí yɨ́yɛ̂h. Nza nyaá á ka nyaŋla ó, ɨ́ jɔ̌ʼ Klodíʉs á be kɛ́ɛza yɨ́.

Yʉanes 16:12

«Me dína ó, ɨ́ buo bísá bí élɛ́ɛ bɨ́n. Sâ gwár, bɨ̌n bé apǎ be e nkul edûhwo byé ɨ́ báánâ.

Ebrœ̂ 1:1

Ɨ́ mimbú mí píhe, Nzyɛ̌m á lwilwib e bimpám gá bíná ó, cɨɨ ɨ́ nzɨ̌ ogwíha o mílɔ̌b. Nye á lwilwib e byé ó, mimbi mimbi, le ɨ́ bijɔʼ ɨ́ buo buo.

1 Yʉanes 5:6

Yésʉs-Krîst, nye ó mʉr á duŋɔɔ e medíbé, báʼǎ duŋɔɔ e metié lɨ́ eswie ɨ́ kolôs nyá. Nye á bé anzě duŋɔɔ̌ njɨ e medíbé mé omér. Ndubó wé, wé á be ó e medíbé ndu e metié. Sísǐm mé Nzyɛ̌m ó dí eboʼlo ɨ́ lɔ̌b ndubó wé. Nyě boʼló nó ó, ebě, nyě le otyeetye.