Yʉanes 16:12 - Kálar Nzyɛ̌m : Ejwán é Sáá

¹² «Me dína ó, ɨ́ buo bísá bí élɛ́ɛ bɨ́n. Sâ gwár, bɨ̌n bé apǎ be e nkul edûhwo byé ɨ́ báánâ.

Kálara Zyɛ̌m Edwán é mpʉ̌n

¹² «Me dina ó, é buo bɨsa bɨ elɛɛ bɨn. Sa gwar, bɨn bé apa be e nkul ejoʼo bye é banana.

Yʉanes 16:12 ပူးပေါင်းရင်းမြစ်များ

Yʉanes 15:15

Me ákǎ jébe bɨ́n “osyɛ̂l o mésâ bâm”, ebě, syɛ̂l, nyé agʉ́ǎ sá njwɨ́ɨ wé dí esâ yɨ́. Me ókǎ jɨjébe bɨ́n ó, “osó bâm”, ebě, mɨ́ lɛ́ɛ bɨ́n sá yɨ́yɛ̂h mé á jóʼo kwá mé Sɔ́ŋ wǎm yɨ́, ó bɨ̌n nkʉ̂ gʉ́a yê.

Markus 4:33

Yésʉs á dwidwe bé milɛ́ʼlá ɨ́ milɔ̌b mé Nzyɛ̌m ó, ɨ́ nzɨ̌ bikɨkɛna ɨ́ buo buo mpʉ byaá nyé á nyɛɛ sâ bí. Nye á dwidwe bé myǎ ó, bím tyé bé á be e nkul ejóʼo yɨ́.

Mɨlʉmlʉ 1:3

Jɔʼ nyé á sil esia e mitúú, ntɔ̂ʼ dwe yɨ́, nye nzě pah, duho lɨ́ odwe, nzě lɛ̂ʼle bʉ̂r o mílʉ́mlʉ́ bé nyʉ̂l nyé e nzɨ̌ bijwɨʼ ɨ́ buo buo, ó bé gʉ́ŋaa tyeetye ó, nye á kʉ be ó kublakúbla. Ɨ́ melû mekám ménâ maá, bé e boo nɔ́ɔ́ ó b'á bɨbe. Nye á lɨlɛ́ɛ bé ó, milɔ̌b mi Mpóʼo mé Nzyɛ̌m.

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

Yʉanes 16:11

Nye ólɛ̂ʼle bé tíʼá mílɔ̌b mé Nzyɛ̌m, ebě, Nzyɛ̌m, nyɨ́ boó tíʼě lɔ̌b me njwɨ́ɨ sí yɨ̂, le edwe nyé mebě.

Yʉanes 16:13

Jɔ̌ʼ Sísǐm Ótyeetye ópyâl ɨ́ bɨ̌n yɨ́, nye ólɛ̂ʼle bɨ́n otyeetye wɨ́wɛ̂h. Nye álwib e nkul nyé nye omér. Nye ólɨlɛ́ɛ ó, sá nyé á pa jóʼo yɨ́. Nye ólɛ́ɛ bɨ́n sá yé ósyɛ́ɛ yɨ́.