Yʉanes 15:8 - Kálar Nzyɛ̌m : Ejwán é Sáá

⁸ Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Kálara Zyɛ̌m Edwán é mpʉ̌n

⁸ Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

Yʉanes 15:8 ပူးပေါင်းရင်းမြစ်များ

Yʉanes 8:31

Yésʉs nzě lɛ́ɛ le oYúden bé á dyɛ̂ʼwo e né bá ó: «Bɨ́n óbaʼle mékǎn mâm nó, bɨ̌n bé ódi ómpʉ́n bâm lɨ́ otyeetye.

Mataos 5:16

Nó njʉl wɨ́n, wé ɨ́ jala le epǎn myɛ́n ɨ́ bʉr, ó bé nkʉ̂ gwa bee bísyɛ́ɛla bimpâ bín, le edwe Sɔ́ŋ wɨ́n dí ɨ́ jʉ́o kʉ́ nyá kûm tɨ̂.»

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Yʉanes 15:5

«Me ó dí etín é raisin. Bɨ̌n bɨɛ bé ó milɔ́ɔ́ mí tɨ̂. Mʉr dí ɨ́ mpúhlá e me nyá ó dí egúmo mpúmó menkû menkû, ebě, mé bé abe tɨ̂ʼ nó, bɨ̌n bé abe e nkul esâ yʉ́ʉ́ mpǎŋ sɔ̂ʼ.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Yʉanes 13:35

Bɨ́n sí kpɛla páʼ nyɨ́n nɛ́ɛ: bʉr bɨ́bɛ̂h, bé ogʉ́a tɨ̂ʼ ó, bɨ̌n bé ó ompʉ́n bâm.»

1 Korɛnt 10:31

Nó ó, bɨ̌n damá de méde nkʉ̂ de ményoʼ, nkʉ̂ bɨ̌n damá sâ yʉ́ʉ́ sɔ̂ʼ: sáʼ gá syɛ́ɛla yaá yɨ́yɛ̂h lɨ́ esú lé édwě Nzyɛ̌m kûm tɨ̂!

1 Korɛnt 6:20

ebě, Nzyɛ̌m á si jána myɛ́na ɨ́ bwaʼ bwaʼ ɨ́ jɔʼ nyé á sâ ó, bɨ̌n gúmaa e né yɨ́. Nó, dwéʼ gá Nzyɛ̌m kûm, lɨ́ ebaʼle ményʉ́l mɨ́n ti.

Lʉkas 6:35

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Títos 2:10

Byé ajala le ejaa mébô ɨ́ páʼ bísá bí ójwɨ́ɨ́ bɔ́ɔ́. Byé ɨ́ jala le elɛ̂ʼle ó, bé e nkul ebúʼla byé ntinɨ̂ e ntinɨ̂. Sá tɨ̂ʼ ó bé óbuú gbâ dúu ɨ́ lɛ́ʼlá mɨ́ná dí edwe bé, dumo e Nzyɛ̌m, Tiʼbʉr gá wɨ́ná wɨ́ yɨ́.

Títos 2:5

Meséhe maá, mé dwêʼ menyʉ́l mɔ́ɔ́ medile, le ebaʼle ményʉ́l mɔ́ɔ́ lɨ́ esú mé Nzyɛ̌m. Mé séaa ɨ́ mimbɛ̌r myɔ́ɔ́, le ecwɨ́a e bʉr. Mé sâʼ ojʉ́m bɔ́ɔ́ mejóʼo. Sá tɨ̂ʼ ó bʉ̂r, bé óbe, akǎ pyǎ lɔ́ɔ́ mé Nzyɛ̌m yɨ́.

Mataos 5:44

Nó mɛ̌m lɛ́ɛ́ bɨ́n ó: kpɛlɨɨ gá ontɨ̂m le obɨn bɨ́n. Bɨ̌n a jɨ́ʼlá e Nzyɛ̌m lɨ́ esú é bʉ̂r o dí ebene bɨ́n bá.

Mataos 9:8

Jɔ̌ʼ sɔ́má bʉ̂r, yé á bee syɛ́ɛla yaá yɨ́, ekɛ̂n kʉ́ nzě swɨɨ bé menyʉ̂l, bé ntɔ̂ʼ dwě Nzyɛ̌m kûm, ebě, nye á be ó sí bánǎ dwe bʉ̂r nkul jwɨ́ɨ nyaá.