Yʉanes 15:7 - Kálar Nzyɛ̌m : Ejwán é Sáá

⁷ Bɨ́n ódi ɨ́ mpúhlá e me, mekǎn mâm lóŋlo bɨ́n ɨ́ miléme nó, díʼéé gá sá yɨ́yɛ̂h bɨ́n ngá kpɛl yɨ́, yé osyɛ́ɛ kwá nyɨ́n.

Kálara Zyɛ̌m Edwán é mpʉ̌n

⁷ ǃBɨn si be é zyɛŋa wina, mokan mam loŋlo bɨn é mɨleme nɛʼɛ, dîʼe ga sa yiyɛh bɨn bé ókpɛl ɨ. Yé ósyɛɛ bɨn no.

Yʉanes 15:7 ပူးပေါင်းရင်းမြစ်များ

1 Yʉanes 5:14

Pyálá mɨ́ná ngá pyâl gá ɨ́ mpǒm mé Nzyɛ̌m wɨ́, wé óbe ó, mpûʼla, nyé osí lóŋlo mílémé gá míná. Mɨná bɨ́ gʉ́a gá ó, mɨ́ná jɨ́ʼlá gá e né, le edû mítíʼá mí lémé wé nó, nye ójóʼo mínjɨʼla gá míná myaá mbɨ̂mbɨá.

Yʉanes 14:13

Me ósâ sá yɨ́yɛ̂h bɨ́n ngá kpɛl, lɨ́ ejɨʼla e Sɔ́ŋ wǎm, pɨr e díé lâm yɨ́. Nó ó bʉ̂r ngá gúmlǒ Nzyɛ̌m Sɔ́ŋ ɨ́ lɔ̌b Mwân wé yɨ́.

1 Yʉanes 3:22

Mɨná bé óbi gá ntémé sá yɨ́yɛ̂h mɨ́ná ógwâm gá nye yɨ́, ebě, mɨná bé lɨ́ ebaʼle métié mé, le esâ bísyɛ́ɛla nyé dí ebee mbɨ̂mbɨá bí.

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Mataos 7:7

«Gwámáá gâ, bɨ̌n nkʉ̂ bi. Sáŋáá gâ, bɨ̌n nkʉ̂ bee. Kwáʼláá gá ebê, lé nkʉ̂ dibɔɔ bɨ́n.

Yʉanes 16:23

«Jɔ̌ʼ móhó waá, wé ópyâl yɨ́, bɨ̌n bé ákǎ dî mé tíá ɨ́ gúú lɔ̌b e gúú. Mě lɛ́ɛ́ bɨ́n lɨ́ otyeetye ó, Sɔ́ŋ wǎm ódwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, le epɨr e díé lâm yɨ́.

Galásia 5:16

Sá tɨ̂ʼ ó mé dí elɛ́ɛ bɨ́n ó, dúʼóó gá nzɨ̌ Sísǐm mé Nzyɛ̌m dí etɨ́e bɨ́n nyɨ́ yɨ́. Bɨ́n sí sâ nó nɛ́ɛ: bɨ̌n bé ákǎ lóŋlo bígwɨ́má bí njwɨr myâ gá wɨ́ná.

1 Yʉanes 2:27

Ɨ́ wɨ́n pâʼ, bɨ̌n bé á si bi Sísǐm, waá Nzyɛ̌m á lœm bɨ̌n wǎ wɨ́. Bɨ̌n e Sísǐm mé Nzyɛ̌m waá ó mû. Sɨ́ǎ yaá ó bɨ́n dí, abe lɨ́ ekǎ jɨ lɛ̂ʼla yɨ́. Nzyɛ̌m á ntɨh bɨ̌n Sísǐm wé ó, nye díʼee lɛ̂ʼla wɨ́n ɨ́ milɔ̌b mímyɛ̂h. Sísǐm mé Nzyɛ̌m, nye ntémé, nye ó sísǐm mé Nzyɛ̌m mpâ. Nyě lɛ́ɛ́ ó, otyeetye; nyé alɛ́ɛ bíbɛr. Mpʉ nyé dí elɛ̂ʼle bɨ́n yɨ́, diʼee gá ɨ́ mpúhlá e nye.

1 Yʉanes 2:14

Osɔ́ŋ, mě cɛmá bɨ́n ó, ebě, bɨ̌n bɨ́ gʉ́a mʉ̂r á boo be, kʉ́ e sí apǎ bě kuhá nyá. Biloʼo, mě cɛmá bɨ́n ó, ebě, bɨ̌n bé e nkul. Lwǐb mé Nzyɛ̌m, yé lɨ́ edi ɨ́ milémé mín. Bɨ̌n ntémé, bɨ̌n bɨ́ ntaǎ Sátan.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Yʉanes 8:37

Me lɨ́ ekʉ́ gʉ́a ó, bɨ̌n bé ó onta mé Abraham. Sâ gwár, bɨ̌n bé lɨ́ ekpɛl éjʉ̂ mê, ebě, bɨ̌n bé akpɛl ékǎm lɛ́ʼlá wâm.

Galásia 4:2

Jɔʼ yɨ́yɛ̂h nyé dína lɨ́ ontwǒm yɨ́, bâʼ bʉ̂r, bé lɨ́ edwidwe nyé metwɨ́ɨ́. Bʉ́ʉ́, bé lɨ́ etirwo e bisyɛ́ɛ́ byé. Bé ósɨ̂sa nó ó, tó pyâl ɨ́ jɔʼ sɔ́ŋ wé á tíʼe ɨ́ lémé wé ó, mwân óntaa yɨ́haá tyé yɨ́.

Yʉanes 8:31

Yésʉs nzě lɛ́ɛ le oYúden bé á dyɛ̂ʼwo e né bá ó: «Bɨ́n óbaʼle mékǎn mâm nó, bɨ̌n bé ódi ómpʉ́n bâm lɨ́ otyeetye.