Yʉanes 15:4 - Kálar Nzyɛ̌m : Ejwán é Sáá

⁴ Diʼee gá ɨ́ mpúhlá e me mpʉ mé ntémé dí ɨ́ mpúhlá e bɨ̌n yɨ́. Lɔ́ɔ́ raisin, wé abe e nkul egúmo mpúmó wé omér, anara le etín lé. Bɨ́n óbe, adi ɨ́ mpúhlá e me nɛ́ɛ: lɛ́ɛ́, bɨ̌n bé abe e nkul gúmó mpúmó.

Kálara Zyɛ̌m Edwán é mpʉ̌n

⁴ Diʼe ga ɨ me, mɛm nteme ɨ bɨn. Lɔɔ rezɛŋ, wé abe e nkul egumo mpumo wé ome, anara e l'etin. Yé be ó, bɨn bé anara e me nɛʼɛ, lɛɛ ó, bɨn nteme bé abe e nkul egumo mpumo.

Yʉanes 15:4 ပူးပေါင်းရင်းမြစ်များ

1 Yʉanes 2:6

Mʉr dí elɛ́ɛ ó, nye ɨ́ mpúhlá e Nzyɛ̌m nyá, jala ó, le edû kʉ̌ tyen mé Yésʉs.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

Yʉanes 8:31

Yésʉs nzě lɛ́ɛ le oYúden bé á dyɛ̂ʼwo e né bá ó: «Bɨ́n óbaʼle mékǎn mâm nó, bɨ̌n bé ódi ómpʉ́n bâm lɨ́ otyeetye.

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

Yʉanes 6:56

Mʉr dí ede bípúnó byâm ndu e metié mâm nyá, nyě tiʼé ó, ɨ́ mpúhlá e me; mɛm ntémé ɨ́ mpúhlá e né.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Yʉanes 14:20

Ɨ́ móhó waá, bɨ̌n bé ógʉ́a ó, me ó ɨ́ mpúhlá e Sɔ́ŋ wǎm, ndu e ntémé ó, bɨ̌n bé ó ɨ́ mpúhlá e me. Mɛm ntémé ɨ́ mpúhlá e bɨ̌n.

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

2 Korɛnt 13:5

Bɨ̌n bʉr o tɨ̂, sáʼ gá pyal ményʉ́l mɨ́n. Bɨ̌n a dwɛ́ʼ nkʉ̂ bɨ̌n dína lɨ́ edyɛ̂ʼwo e Nzyɛ̌m. Bɨ̌n bʉr o tɨ̂, sáŋáá égʉ́a gá nkʉ̂ bɨ̌n bé lɨ́ entaa mébʉ́blá. Bɨ̌n bé apǎ gwá gʉ́a ɨ́ páʼ wɨ́n ó, Yésʉs-Krîst ó dí ɨ́ bɨ̌n ɛ̌? Yé bé abe nó wá, lɛ́ɛ́, bɨ̌n bé ó obûʼla o míkóo ó tɨ̂ʼ yɨ́.

Kolosi 2:6

Mpʉ yê tyeetye ó, bɨ̌n bé á si bi Yésʉs-Krîst tâŋ Njwɨ́ɨ wɨ́n yɨ́, diʼee gá ɨ́ mpúhlá e né.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Yʉanes 17:23

Mɛm ɨ́ bé; gua ɨ́ mɛm. Nó ó bé ngá dǐ njɨ sâ gwár yɨ́. Nó ó bʉ̂r ó sí bɨ́bɛ̂h ngá gʉ́a mbɨ̂mbɨá ó, go ó b'á lómo me yɨ́. Bé ógʉ́a ntémé ó, go lɨ́ ekpɛl bé mpʉ gó dí ekpɛl mé mʉr tɨ̂ʼ yɨ́.

Éfɛsɔs 3:17

Mě jɨʼlá ntémé e né ó, Krîst nʉ́aa odiá wé tʉ́ŋlʉ̌ milémé mín ɨ́ nzɨ̌ búʼó yɨ́n. Mě jɨʼlá e né ntémé ó, bɨ̌n kpɛ́laa páʼ nyɨ́n, bɨ̌n nkʉ̂ tyɛ̂b ɨ́ búʼó gá yɨ́ná ɨ́ lyahwó. Bɨ̌n tyɛ́bɨɨ tɨ̂ʼ mekʉ̌ sí ɨ́ sɨ́ŋ.

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

Ebrœ̂ 10:39

Sâ gwár, mɨná gá bɨ́ɛ bé abe bʉ̂r o dí ebwóolo ntúʼó, ntɔ̂ʼ dîm bá. Mɨná gá bé ó bʉr o dí e búʼó bá. Ndumló tɨ̂, wé ó, ebaʼle bícwiʼ gá bíná.

Mataos 12:33

«Bɨ́n sí lɛ́ɛ ó, lɨ́, yé ɨ́ mbɨa nó, lɛ́yɨ́ɨ́ gá ntémé ó, mpumó nyé, nye ɨ́ mbɨa. Bɨ́n sí lɛ́ɛ ó: “Bǒl lɨ́ ó yɨ̂ʼ” nó, kamaa gá ntémé ó, mpumó nyé, nye ó bibol e bibol. Bé gʉ́gʉ́á nyɔ̌m lɨ́ ó, sí pǎ bee mpúmó nyé.