Yʉanes 15:24 - Kálar Nzyɛ̌m : Ejwán é Sáá

²⁴ Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Kálara Zyɛ̌m Edwán é mpʉ̌n

²⁴ Nkʉ me a be ó be, asa mbi bɨsyɛɛla nuu mʉr a baapa sa paʼra wɔɔ nɛʼɛ, mpa bé adweŋɔ mobe é lɔb mɨsyem myɔɔ. To kœb ó, banana, bɨ bee bɨsyɛɛla byam. Bé dina ó, lé ekʉ nwim bɨh e Sɔŋ wam.

Yʉanes 15:24 ပူးပေါင်းရင်းမြစ်များ

Yʉanes 14:9

Yésʉs nzě yala e né ó: «Á bea mɨ́ná bé á dwih di gâ! Nó ó, Philippe, go dína ó, apǎ gʉ́a mê? Mʉr mû sí bee mé nyá, nyɨ́ bee ntémé Sɔ́ŋ wǎm. Á gǒ kǎ lɛ́ɛ ó: “Lɛ́ʼláá bɨ́h Sɔ́ŋ gǒ” ɨ́ yé?

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Yʉanes 10:37

Mé bé asâ bísyɛ́ɛla me Sɔ́ŋ wǎm nɛ́ɛ: adyɛ̂ʼwo gá e me!

Yʉanes 10:32

Yésʉs, nye e bé ó: «Me á si lɛ̂ʼle bɨ̌n bisyɛ́ɛla bimpâ ɨ́ buo buo, byaá Sɔ́ŋ wǎm á lɛ́ɛ ó, me sâʼ bí. Lɛ́yɨ́ɨ́ gá me: bɨ̌n lúmó mé mekóʼ ɨ́ yaá yáa?»

Yʉanes 9:32

Mɨná bé apǎ jóʼo gá lʉ́ʉ́ dʉ́o bé lɨ́ elɛ́ɛ ó, kɛl, nyɨ́ pǎ tiʼ mʉ̂r á byɛ̂l e ntím nyá.

Yʉanes 7:31

Lɨ́ entumo e bʉ̂r énɨ̌, bʉ́ʉ́ bʉ̂r ɨ́ buo buo, bé á be ɨ́ dyɛ̂ʼwo e né. Bé ó: «Jɔʼ Mʉ̂r Nzyɛ̌m á lœm múló mé jwɨ́ɨ nyá, ónze yɨ́, nzê nye óbánǎ laa mʉ̂r nyâʼ lɨ́ esâ mésimá ɛ̌?»

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Mataos 9:33

Lě Yésʉs á so eleme laá, le mʉ̂r á pa be le emúmó nyá, á taare elwib ntémé. Mentumo me bʉ̂r, mé ntɔ̂ʼ kâm lɔ̌b waá. Bé ó: «Bɨ̌h dína ó, apǎ beě mbi wɨ̂ʼ wâʼ ɨ́ sí Ɨ́zraɛ̂l!»

Jacques 4:4

Bɨ̌n odûl bé ónzyɛ̌m oswîh, nzê bɨ̌n bé agʉ́a ó, jɔʼ bɨ́n tíá ésó e sí yɨ̂ʼ yɨ́, bɨ̌n kǎ lɛ̂ʼlě Nzyɛ̌m náǎ ó, bɨ̌n bɨ́ dwira e né, le edi óntɨ̂m le obɨn bé ɛ́?

2 Timotɛ 3:4

Bé óbɛ́ma bʉ̂r ó njoo yɔ́ɔ́. Bé ósâ bísyɛ́ɛla bíbyɛ̂h ó, apǎ nyɛɛ́ pahle. Bé óbuú nkɛ́ɛ ményʉ́l mɔ́ɔ́. Bé ójaá kpɛl ó, njɨ bisyɛ́ɛla ményʉ́l mɔ́ɔ́ dí ebuú gwɨ̂m bí, akpɛlɔɔ̌ Nzyɛ̌m.

Rôm 1:30

Bé lɨ́ eswêʼ míé mé bʉ́ʉ́ bʉ̂r. Bé ó ontɨ̂m le obɨn mé Nzyɛ̌m. Bé lɨ́ edîʼ mpêl. Bé lɨ́ esâ énkɛ́ɛ e nyʉ̂l le jáálé. Bé jaá sɨsáa ó, njɨ mepɨʼ mé ékûhlo mʉ́ʉ́ mébébe meswîh. Bé ajóʼo ósɔ́ŋ le onyɔ̌ŋ bɔ́ɔ́.

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Mɨlʉmlʉ 2:22

«Bʉr o b'Ɨ́zraɛ̂l, jóʼlááá gá sá mé dí elɛ́ɛ bɨ́n yɨ̂: Yésʉs, mʉr Nazarɛ̂t, á si sâ mesimá me nkûl ti e bisá bí ékâm. Nzyɛ̌m á sâ bisyɛ́ɛla byaá ɨ́ mebó mé nó ó, nye nkʉ̂ lɛ̂ʼle bɨ́n mbi mʉ̂r Yésʉs á be wɨ́. Byé á sáŋɔɔ ó, bɨ̌n bɨɛ lɨ́ ebee, mpʉ bɨ́n bʉr o tɨ̂ʼ dí ekʉ́ gʉ́a yɨ́.

Yʉanes 12:45

Mʉr dí ebee mé nyá, bee ntémé ó, mʉr á ntɨh me nyá.

Yʉanes 6:36

Me á si lɛ́ɛ bɨ̌n ó, bɨ̌n bɨ́ bee mê, adyɛ̂ʼwo yɨ́ɛ e me.

Lʉkas 24:19

Yésʉs ntɔ̂ʼ dî e bé ó: «Yê ba syɛ́ɛ́ gʉ̂?» Bé ntɔ̂ʼ yala e né ó: «Bɨ̌h lwib ó, sá dí edumo e Yésʉs, mʉr Nazarɛ̂t yɨ́. Nye á be ó ngwíha milɔ̌b mé Nzyɛ̌m. Nye á be ó, le ánɨ̂nɨ̂n nkul ɨ́ melab mé le ɨ́ bisyɛ́ɛla nyé á sɨsâ bí. Damá jóʼǒ Nzyɛ̌m, nkʉ̂ ntémé bʉr, bé á si bee nó, bɨ́bɛ̂h.

Markus 2:12

Tyé e tyé, mʉr waá ntɔ̂ʼ gbɔlwa sí, nkɛ́ɛ̌ myɛɛla wé, ntɔ̂ʼ tye, bʉr bɨ́bɛ̂h lɨ́ ebee! Bʉr bɨ́bɛ̂h, bé á si kâm syɛ́ɛla yaá, ntɔ̂ʼ dwě Nzyɛ̌m kûm. Bé ó: «Mɨná bé apǎ bee gá yʉ́ʉ́ sɔ̂ʼ nwɨɨla e yɨ̂!»

Mataos 21:32

Ebě, Yʉánɛs á nze páʼ wɨ́n ó, lɨ́ elɨ̂lɛʼle bɨ́n tîtyěl nzɨ̌, bɨ̌n l'abûʼla nyê. Tó kœb ó, onwɨa ó mɔnɨ́ tœ́a le bisadága bi bʉ́bá bɨ́ɛ, bé á si dyɛ̂ʼwo e né. Bɨ̌n bɨɛ ntémé lɨ́ ebee nó, bɨ̌n bé á bé atúmo míkoo e mebébe mɨ́n, nkʉ̂ dwira míléme, le ebúʼlǎ lɔ́ɔ́ wé.»

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Yʉanes 12:10

Ojwɨ́ɨ o mpáh Nzyɛ̌m, bé á ka tíʼe ó, bé ɨ́ jala le ejʉ̂ ntémé ó Lazare,

Yʉanes 9:41

Yésʉs, nye e bé ó: «Yé bé bɨ̌n bé á bɨbe ó baántím nó, lɛ́ɛ́, bɨ̌n á gwa be ó mbɨ̂mbɨá, syóm akǎ be. Nó mpʉ bɨ́n lɛ́ɛ́ ó, bɨ̌n bé lɨ́ ebee yɨ́, nó yaá ó bɨ́n dína lɨ́ edi e misyóm mín yɨ́.»

Yʉanes 15:21

Sâ gwár, bé ótîtible bɨ́n nó ó ɨ́ lɔ̌b wâm, ebě, bé agʉ́a mʉ̂r á ntɨh me nyá.

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.

Yʉanes 15:23

Mʉr dí enwim mé nyá, nyě nwǐm ntémé ó Sɔ́ŋ wǎm.

Yʉanes 16:9

Nye ólɛ̂ʼle bʉ̂r syóm wɔ́ɔ́. Syɛ́ɛla yaá ó yɨ̂: bé adyɛ̂ʼwo e me.