Yʉanes 15:2 - Kálar Nzyɛ̌m : Ejwán é Sáá

² Lɔ́ɔ́ tɨ̂ʼ wɨ́wɛ̂h dí agúmo mpúmó wɨ́, nye lɨ́ esyɛ̂h wê. Nó ó, milɔ́ɔ́ mímyɛ̂h mi dí e mpumó mí, nyě komló myé ó, myé gúmaa mpumó ɨ́ buo buo.

Kálara Zyɛ̌m Edwán é mpʉ̌n

² Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Yʉanes 15:2 ပူးပေါင်းရင်းမြစ်များ

Mataos 3:10

Num nzwɨ́ɨ, wé mû ó ɨ́ cǎr lɨ́ etíʼe míkaalé bílɨ́ nko ménzuʼ. Nye ócwɛ̌l lɨ́ yɨ́yɛ̂h dí agúmo mímpǎŋ mi mpúmó yɨ́, guho yé lɨ́ ebéʼé é siʼe.

Mataos 15:13

Nye ntɔ̂ʼ yala e bé ó: «Mpeʼ yɨ́yɛ̂h Sɔ́ŋ wǎm dí ɨ́ jʉ́o kʉ́ nyá, á be abe yɨ́, yé ómunɔɔ ti e mikaalé myé mímyɛ̂h.

Mɨngwiha 3:19

“Mɛm, me lɨ́ edwe mʉ̂r nyɨnyɛ̂h mé dí ekpɛl nyá melɨ́, le esɨ̂ʼ nyé lʉ̂. Nó, sáʼ gá sɨ́n, lɨ́ esú ó bɨ̌n túmaa mikoo e misyóm mín. Bɨ̌n e dwírá míléme.

Yʉanes 15:8

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Mataos 13:12

Ebě, mʉr dí e sâ gwár nyá, óbáʼǎ dweŋɔɔ byúú. Nyé odi e byé ɨ́ buo buo. Nó waá dí tʉ̂toʼó, abe e sɔ̂ʼ nyá, ódɛ́ʼɔɔ̌ damá jóʼo mâ sâ gwár nyé dí e yé yɨ́.

Mataos 3:12

Nyě e pyɛba ɨ́ mebô. Nyɨ́ gwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nye ódîʼ mpʉ́n ɨ́ siʼe dí adímedime yɨ́.»

Mataos 21:19

Nye nzě beě lɨ́ figyê lɨ́ empah é nkpǎʼ. Nye ntɔ̂ʼ dyɛ̂l lɨ́ etó sáa mpúmó, akœ̌b bumó gwár tɨ̂. Nye á jaa kœb ó, njɨ biká e biká. Nye nzě lɛ́ɛ e lɨ́ figyê ó: «Abe e lʉ́ʉ́ dʉ́o bumó, yé ókǎ tyel ɨ́ go!» Tyé e tyé yaá nɛ́ɛ: lɨ́ figyê yaá, yé ntɔ̂ʼ dwɛ̂hla.

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Lʉkas 8:13

Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Korɛnt 13:1

Me óbɛ̌m lwib bílwǐb bi bʉ̂r, nkʉ̂ byaá bééngeles. Mé bé abe e kpɛ̌l nó, lɛ́ɛ́, me mû ó mpʉ̌ kpʉ́ŋlʉ́ tonô dí eduo yɨ́, nkʉ̂ mpʉ éntyɛ́ɛ́lé dí elwáŋla lɨ́.

Rôm 8:28

Mɨná bé lɨ́ egʉ́a gá ó, Nzyɛ̌m, nye lɨ́ eboó komlo bísá bíbyɛ̂h ó, byé díʼee e nyɔm lɨ́ esú é bʉ̂r o dí ekpɛl nyé, baá nyé á jébe ɨ́ mitíʼá mí lémé wé bá.

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Mataos 13:33

Nye ntɔ̂ʼ báʼǎ sâ bé kɨkɛna swîh: «Mpóʼo mé Dâ Nzyɛ̌m nwɨɨla ó e levure nyʉ́ʉ́ mʉ́má á sol tʉ́ŋlʉ̌ okílo ó pǔ blêr mekám mébá le otɛ̂n yɨ́. Yê nzě nkaŋle, tó kumo ɨ́ jɔ̌ʼ tímé blêr, wé á nkaŋle wɨ́wɛ̂h yɨ́.»

Mataos 7:19

Lɨ́ yɨ́yɛ̂h dí agúmo mímpǎŋ mi mpúmó yɨ́, yé lɨ́ ecwɛlɔɔ, guhɔɔ lɨ́ ebéʼé é siʼe.

Mataos 25:29

Ebě, mʉr nyɨnyɛ̂h dí e sɔ̂ʼ nyá, ódweŋɔɔ yʉ́ʉ́, nye nkʉ̂ di le okúm le ogbaa le ombeʼ o nyʉ̂l. Waá nyɨnyɛ̂h dí tʉ̂toʼó nyá, bé ópɛʼ nyé damá jóʼo mâ bím nyé dí e tɨ̂ʼ nyá.

Markus 4:20

Bʉ́ʉ́ ntémé, bé nwɨɨla ó e mpeʼ yé á kur ɨ́ mpǎŋ sí métyɛʼ yɨ́. Bɨ́ jóʼǒ Mbɨambɨa Lɔ́ɔ, nʉa wé mbɨ̂mbɨá. Sá tɨ̂ʼ ó bé dí egúmo mpúmó ɨ́ bicwiʼ byɔ́ɔ́ yɨ́. Mâʼ métín gúmo mpúmó mekám mélɛ̂l. Mʉ́ʉ́, mpumó mekám mésaman. Mʉ́ʉ́ ntémé, mpumó nter.»

Yʉanes 15:1

«Me ó etín é raisin. Sɔ́ŋ wǎm ó dí mbel tɨ̂.

Yʉanes 15:3

Bɨ̌n mû ó mipubá ɨ́ lɔ̌b mílɛ́ʼlá mê dwé bɨ́n mí.

Yʉanes 15:6

Mʉr dí apûhla e me nyá, ómyahɔɔ̌ kʉ̌l mpʉ̌ lɔ́ɔ́ raisin dí emyahɔɔ yɨ́. Wé lɨ́ eswâh. Bé ntɔ̂ʼ syɛŋ mílɔ́ɔ myaá, guhɔɔ myé lɨ́ ebéʼé é siʼe. Myé ntɔ̂ʼ síe lɨ́ edíʼe.

Rôm 11:17

Kúl bʉ̂r o b'Ɨ́zraɛ̂l, yé ó mpʉ̌ lɨ́ ólivier, yé á be e milɔ́ɔ́ myé á be agúmo mpumó mí yɨ́. Bê nzě syɛ̂h mílɔ́ɔ myaá, ntɔ̂ʼ nʉa myúú mílɔ́ɔ́ mí lɨ́ ólivier yé á pâh ɨ́ dwǐʼ yɨ́, ntɔ̂ʼ nɛr myé tɨ̂ʼ ɨ́ kuó lɨ́ yaá. Jwɨʼ gwár e gwár yaá ó bɨ́n á nɛrɔɔ ɨ́ kúl óYúden yɨ́. Bɨ̌n ntɔ̂ʼ pûhla e bé lɨ́ edirǎ nyɔm ɨ́ bitûl bi dí eduho ɨ́ mikaalé bí. Bitûl byaá, byé ó dí edwe mépwaʼ ɨ́ milɔ́ɔ mi dí minɛrá ɨ́ kuó lɨ́ mí.

Rôm 11:22

Paá bee gá mpʉ̌ Nzyɛ̌m dí elɛ̂ʼle mpâm, le edi, adûhwo bʉ̂r o dí esâ nyé ebɨ̌h, baá bé á twe omyâtyɛ̌ŋ ɨ́ nkɨ́ŋlɨ́m bá. Nyě kʉ́ lɛ̂ʼle mpâm nyé ó, gua. Gúa óbene édi ɨ́ mpam mé Nzyɛ̌m nyaá nó, lɛ́ɛ́, nye ntémé ókʉ́ syɛ̂h gó mpʉ̌ lɔ́ɔ́ lɨ́ e ngɨ́r ɨ́ léme.