Yʉanes 15:12 - Kálar Nzyɛ̌m : Ejwán é Sáá

¹² Me lɨ́ elíʼe bɨ́n etié ó, kpɛlaa gá páʼ nyɨ́n mpʉ mé á pa kpɛl bɨ̌n yɨ́!

Kálara Zyɛ̌m Edwán é mpʉ̌n

¹² Me etiile bɨn tiila ó, kpɛla ga paʼra win, mpʉ me a kpɛl bɨn ɨ.

Yʉanes 15:12 ပူးပေါင်းရင်းမြစ်များ

1 Yʉanes 4:21

Le ntémé ó, Yésʉs-Krîst á tyêl mɨná gá etié ó, mʉr nyɨnyɛ̂h dí ekpɛ̌l Nzyɛ̌m nyá, nye kpɛ́lɨɨ ntémé mɨ́ɔɔ́ wé.

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.

Rôm 12:10

Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

1 Tesalonika 4:9

Ɨ́ lɔ̌b wɨ̂, ɨ́ lɔ̌b kpɛ̌l dí páʼ bɨ́ɔɔ́ e bɨ́ɔɔ́ yɨ́, yé abe e sá mé gúm kǎ cɛma bɨ́n, ebě, bɨ̌n bʉr o tɨ̂, bé á si jɨ̂ʼ ekpɛla. Nzyɛ̌m ó b'á lɛ̂ʼle bɨ̌n.

1 Tesalonika 3:12

Tî Yésʉs tyɛ́bɨɨ bɨ̌n ɨ́ miléme, ó kpɛ̌l bɨ́n dí ekpɛla páʼ nyɨ́n yɨ́, yé bwáʼaa. Nye sâʼ ntémé ó, bɨ̌n kpɛ́lɨɨ ntémé bʉr oswîh ɨ́ buo buo, kpɛ̌l yaá, yé nkʉ̂ bwaʼ. Yé syɛ́yɨɨ nó, bɨ̌n kpɛ́lɨɨ bé mpʉ bɨ́h dí ekpɛl bɨ́n yɨ́!

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

Yʉanes 15:17

Etié mé dí elíʼe bɨ́n e lé lɨ́, lé ó: bɨ̌n kpɛ́laa páʼ nyɨ́n.»

2 Yʉanes 1:5

Nó, ɨ́ báánâ, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Dimé mʉ́má nyâ, mě jɨʼlá e bɨ̌n ó, mɨná kpɛ́laa gá páʼ gá nyɨ́ná!