Yʉanes 14:9 - Kálar Nzyɛ̌m : Ejwán é Sáá

⁹ Yésʉs nzě yala e né ó: «Á bea mɨ́ná bé á dwih di gâ! Nó ó, Philippe, go dína ó, apǎ gʉ́a mê? Mʉr mû sí bee mé nyá, nyɨ́ bee ntémé Sɔ́ŋ wǎm. Á gǒ kǎ lɛ́ɛ ó: “Lɛ́ʼláá bɨ́h Sɔ́ŋ gǒ” ɨ́ yé?

Kálara Zyɛ̌m Edwán é mpʉ̌n

⁹ Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Yʉanes 14:9 ပူးပေါင်းရင်းမြစ်များ

Kolosi 1:15

Yésʉs-Krîst ó dí gulo mé Nzyɛ̌m Sɔ́ŋ. Nzyɛ̌m waá, nyé abe lɨ́ ebeɔɔ yɨ́ɛ. Nzyɛ̌m á tyêl nye ó ɨ́ dǐ médwéʼé mé mʉ̂r, kʉ́ sá yɨ́yɛ̂h nyé á komlo yɨ́.

Yʉanes 12:45

Mʉr dí ebee mé nyá, bee ntémé ó, mʉr á ntɨh me nyá.

Yʉanes 14:7

Yé bé bɨ̌n bɨ́ gʉ́a mé nó, lɛ́ɛ́, bɨ̌n bɨ́ gʉ́a ntémé Sɔ́ŋ wǎm. Táare ɨ́ báánâ, bɨ̌n mû ó sí gʉ́a nyê, bee ntémé nye.»

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Yʉanes 10:30

Bɨ̌h e nɔ́ɔ́, bé ó sâ gwár.»

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Filipi 2:6

Nye á boo be ó, mbi mʉ̂r wé á be jwɨʼ gwár e gwár e Nzyɛ̌m wɨ́. Nó, nye á bé abee ó mpʉ bé e Nzyɛ̌m, bé á be mityé yɨ́, nye á dɛn dǐ tyé Nzyɛ̌m yé yaá ó, dɛnɨ́ɨ.

Yʉanes 14:20

Ɨ́ móhó waá, bɨ̌n bé ógʉ́a ó, me ó ɨ́ mpúhlá e Sɔ́ŋ wǎm, ndu e ntémé ó, bɨ̌n bé ó ɨ́ mpúhlá e me. Mɛm ntémé ɨ́ mpúhlá e bɨ̌n.

Markus 9:19

Yésʉs ntɔ̂ʼ lɛ́ɛ e bé ó: «Myǎ bʉ̂r o dí abûʼla wɨ̂! Me ókǎ báʼǎ di ɨ́ sɔ́má yɨ́n, tó pyâl ɨ́ yáǎ jɔʼ? Me ódûhwo bɨ́n, tó swîʼ yáǎ sûm ɛ̌? Ntáʼ gá e mwân nɨ̌ kâ, nko mé dí yɨ́!»

Lʉkas 12:56

Bɨ̌n baányâ-mikóo bâ, bɨ̌n bé lɨ́ ekʉ́ dweʼe bísâ bi dí epyâl lɨ́ ejwoo bí ndu e byaá bí sí yɨ̂. Á nó, bɨ̌n bé lɨ́ ekâr édweʼe yɨ̂ʼ jɔʼ ɨ́ yé?»

1 Korɛnt 15:12

Yé bé yê tyeetye ó, Krîst á si pah, duho lɨ́ odwe nó, á bʉ́ʉ́ bʉ̂r ɨ́ sɔ́má yɨ́n, bé báná kʉ́ lɛ́ɛ ó, odwe, bé ákóʼó pah ɨ́ soo nyá?

Yʉanes 8:19

Bé e né ó: «Á sɔ́ŋ gǒ, nye nkoó?» Yésʉs, nye e bé ó: «Bɨ̌n bé agʉ́a, damá jóʼo mê, damá jóʼo Sɔ́ŋ wǎm. Yé bé bɨ̌n bé lɨ́ egʉ́a mé nó, lɛ́ɛ́, bɨ̌n ntémé bɨ́ gʉ́a Sɔ́ŋ wǎm.»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.