Yʉanes 14:2 - Kálar Nzyɛ̌m : Ejwán é Sáá

² Mbɛ̌r mé Sɔ́ŋ wǎm, wé ɨ́ buo bídiá. Me páa tó komlo bɨ́n bidiá bɨ́n ngá tó di bí. Yé bé abe nó wá, mpa me bé alɛ́ɛ bɨ́n.

Kálara Zyɛ̌m Edwán é mpʉ̌n

² Me paʼ to komlo bɨn modia gumo bɨn bé óto di ɨ. Mbɛr mo Sɔŋ wam, wé ó, é buo modia. Nkʉ yé a be ó be, abe no nɛʼɛ, mpa me a baalɛɛ e bɨn ó, me óto komlo bɨn modia gʉ.

Yʉanes 14:2 ပူးပေါင်းရင်းမြစ်များ

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

Yʉanes 13:36

Simon Pétrus nzě dî e né ó: «Dâ ɛ̌, go ótô nkoó?» Yésʉs ntɔ̂ʼ yala e né ó: «Gó abe e nkul edû mé ɨ́ báánâʼ nko mé múo tô yɨ́. Go ósûʼlǎ dû mê.»

Ebrœ̂ 13:14

Ebě, ɨ́ sí yɨ̂, mɨná bé abe gá e nkana dí edǐ njʉ̌m dǐ e njʉ̌m dǐ yɨ́. Mɨná bé lɨ́ esáa gá nkana swîh, yaá dí enze yɨ́.

Mɨngwiha 21:2

Me á si bee ntémé nkana dí tí yɨ́: edwán é Yerʉ́zalɛm. Me á bee yé ó, ɨ́ jɔʼ yé á be, yé mû sí duho kwá mé Nzyɛ̌m ɨ́ jʉ́o kʉ́, sulo sí yɨ́. Yé á be ó kʉmsá mpʉ̌ bíŋ mʉ́má dí edweŋɔɔ bísá bí nyaŋá ó, yé óbwâm, tô nko njʉ̂m wé dí yɨ́.

Mɨngwiha 3:12

Baá bé óntaa, búla le onkɔ́ɔ́ bá, me ótyêl bé mpʉ médwii ɨ́ mbɛ̌r me Sɔ́ŋ wǎm. Bé ótyɛ̂b ɨ́ lyahwó. Yé ákǎ be e sá yé ópyêl bé tɨ̂. Me ócɛma díé mé Nzyɛ̌m ɨ́ menyʉ́l mɔ́ɔ́. Me ócɛma ntémé díé é nkana mé Nzyɛ̌m, yaá dí edwán é Yerʉ́zalɛm yɨ́. Nzyɛ̌m óntɨ̌h nkana yaá kâʼ sí, duho ɨ́ jʉ́o kʉ́. Me ócɛma ntémé edwán é díé lâm ɨ́ menyʉ́l mé bʉ̂r baá.

Ebrœ̂ 11:10

Abraham ntémé á sâ nó ó, nyɨɛ lɨ́ ebóno ó, nye ódi ɨ́ mpǎŋ nkanǎ Nzyɛ̌m á bono le esumo, dí e melele yɨ́.

Yʉanes 13:33

Bwán bâm, me ka líʼ lɨ́ edi e bɨ̌n ó, mâ jɔʼ. Bɨ̌n bé ósáa mê. Nó, mě lɛ́ɛ́ bɨ́n báánâʼ ó, sá mé á nyɛɛ lɛ́ɛ le oYúden yɨ́. Yé ó: bɨ̌n bé abe e nkul etô nko mé múo tô yɨ̂.

Yʉanes 16:4

Mě boó lɛ́ɛ e bɨ̌n nó ó, ɨ́ jɔ̌ʼ jɔʼ yaá, yé ókǎ pyâl yɨ́, bɨ̌n nkʉ̂ tʉtoŋlo ó, yé ó sá mé á boo lɛ́ɛ bɨ̌n yɨ́.» «Me á bé aboó lɛ́ɛ bɨ́n lɔ̌b nɨ̌ ó, ebě, mɨná gá ó b'á be.

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Ebrœ̂ 6:20

Tɨ̂ʼ ó Yésʉs á nî yɨ́. Nye á nî ó, esôʼ e mɨná gâ. Nye mû ó njwɨ́ɨ opara gá wɨ́ná, mpʉ̌ Mɛlkisédɛk á be yɨ́. Nye ódi ntémé ó njɨ nó, njʉ̌m dǐ e njʉ̌m dǐ.

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Ebrœ̂ 9:8

Sísǐm mé Nzyɛ̌m lɛ́ʼlé mɨ́ná gá ɨ́ lɔ̌b waá ó, jɔ̌ʼ mbɛ̌r kán mé Nzyɛ̌m dína tîtyěl yɨ́, mʉr, nyé abe e nkul edi e nzɨ̌ mběʼ dí ó, nye kúmaa ɨ́ ntɔ́ɔ á be ɨ́ buú buǒ tí nyɨ́.

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

1 Tesalonika 5:9

Ebě, Nzyɛ̌m á bé atwâr mɨ́ná gá ó, mɨná jâʼraa gá e nkpaa nyé. Nye á twâr mɨná gá ó, mɨná bíʼee gá twiʼ ɨ́ nzɨ̌ Tî gá wɨ́ná Yésʉs-Krîst.

Mɨlʉmlʉ 9:16

Mɛm mʉr tɨ̂, me ólɛ̂ʼle nyé bím mítúú nyé jálá le esia e myé ɨ́ buo buo ɨ́ lɔ̌b wâm mí.»

Yʉanes 14:28

Bɨ̌n bé á be ɨ́ jóʼǒ mpʉ mé á lɛ́ɛ e bɨ̌n ó: “Me múo nzě swîʼ. Me óbáʼǎ nze, pyâl nko bɨ́n dí yɨ́.” Yé bé bɨ̌n bé ɨ́ kpɛl mé nó, lɛ́ɛ́, bɨ̌n mû ó lɨ́ esoho le egʉ́a ó, mě swíʼ ó, tô kwá Sɔ́ŋ wǎm, ebě, Sɔ́ŋ wǎm ó láá mê.

Lʉkas 14:22

Píe tɨ̂, syɛ̂l mesâ wé ntɔ̂ʼ báʼǎ lɛ́ɛ e né ó: “Dâ ɛ̌, mɨ́ sâ mpʉ gô lɛ́ɛ́ ó, me sâʼ yɨ́. Mɨ́ tó kœb ó, byúú bídiá, byé dína ó tʉ̂toʼó.”