Yʉanes 14:12 - Kálar Nzyɛ̌m : Ejwán é Sáá

¹² Mě lɛ́ɛ́ bɨ́n lɨ́ otyeetye ó, mʉr dí edyêʼ koo e me nyá, ósâ ntémé bisyɛ́ɛla mé dí esâ bí. Nye ntémé ósâ byaá bi dí ɨ́ buú bwaʼ bí, ebe mé óbúla, tô gúmó Sɔ́ŋ wǎm dí yɨ́.

Kálara Zyɛ̌m Edwán é mpʉ̌n

¹² «Me elɛɛ bɨn cyecye ó nɛɛ: mʉr lé ejyɛʼ taa buʼo ye boo me e, nye ósa nteme bɨsyɛɛla me lé esa ɛ. Nye nteme ósa byaa ndɨ é laŋle bwaʼ ɛ, ebe, me ebula, to gumo Sɔŋ wam ndɨ ɨ.

Yʉanes 14:12 ပူးပေါင်းရင်းမြစ်များ

Mataos 21:21

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ́n dyɛ́ʼwó e Nzyɛ̌m, asóŋlo ɨ́ bɨ̌n bʉr o tɨ̂ʼ nó, sá bɨ́n ngá sâ yɨ́, yé ólaǎ sâ sáŋɔ́ɔ́ figyê yɨ́. Bɨ́n ólɛ́ɛ le ecwɨ́ʼ lɨ̂ʼ ó: “Mɔaa náǎ. Tó nkaŋa ɨ́ mâŋ” nɛ́ɛ: lé óbánǎ sâ ntémé nó!

Markus 16:17

Nó bʉr o ngá dyɛ̂ʼwo e me bá, bé ósâ mésimá mâ: Bé óso méleme ɨ́ bʉr e nzɨ̌ díé lâm. Bé ólwib báayogoyogo.

Mɨlʉmlʉ 16:18

Mâ túʼǎ éséhe waá á be lɨ́ esâ nó mimóhó mímyɛ̂h. Ɨ́ móhó épíhe, Pɔ̂l nzě dwira, dwɛ̂ʼ píhe, nye nzě lɛ́ɛ le eleme lé laá ó: «Ɨ́ díé mé Yésʉs-Krîst, mě lɛ́ɛ́ gó ó, duhaa nyé ɨ́ nyʉ̂l! Eleme laá kʉ́ jaá duho mâ mʉmá waá ɨ́ nyʉ̂l, duháa.»

Mɨlʉmlʉ 9:34

Nó ó Pétrus á lɛ́ɛ e né ó: «Ayɨnéas, Yésʉs-Krîst, nyɨ́ tiʼ gô! Gbɔlwaa sí, go e kómló joó yô.» Tyé e tyé yaá, Ayɨnéas ntɔ̂ʼ gbɔlwa sí.

Mɨlʉmlʉ 19:12

Nó ntémé, osana o míkán ndu e bipéh míkán Pɔ̂l á kúna e byé bí, bʉr nzě nʉnʉa byê, nzě gɔ́na le ebɨ̂bab mímbêl byǎ ɨ́ menyʉ̂l, myé ntɔ̂ʼ tiʼe. Mimbɨ́a mísísǐm ntémé duho bé ɨ́ menyʉ̂l.

Mɨlʉmlʉ 9:40

Nó Pétrus á nze pyêl bʉr bɨ́bɛ̂h kʉ̌l, nye ntɔ̂ʼ bɨʼ mébóó sí, jɨʼla e Nzyɛ̌m. Nye ntɔ̂ʼ dwirǎ nkǒ múu, wé á be yɨ́, nzě lɛ́ɛ ó: «Tabitâ, gbɔlwaa sí.» Nye ntɔ̂ʼ bɛ́ɛ mîh, beě Pétrus, ntɔ̂ʼ dǐ ndîndǐl.

Mɨlʉmlʉ 8:7

Ebě, mimbɨ́a mísísǐm, myé á si bu duho ɨ́ menyʉ́l mé bʉ̂r o b'á bibíle bá, bɨ́haá lɨ́ ebʉ̂ bítím kʉ́kʉ́. Mimbʉ́mbʉ́ʼ mí bʉ̂r ɨ́ buo buo ti e bʉr o b'á tɨtɨ́a bá, bé ntémé, bé á si tiʼe.

Mɨlʉmlʉ 5:15

Nó bé á nze gɔ́na le enzeŋɔɔ e mimbél myɔ́ɔ́, didyéʼɔɔ myé ɨ́ nkpâh minkpǎʼ Pétrus á dudwáala mí. Bé á didyêʼ myé nó ó, ɨ́ bijoó ti e mimyɛɛla, lɨ́ ebʉbóno ó, Pétrus ólaa nó, sisîm yé, yé óbɛ̌m kúna e nyʉ́ʉ́ mʉ̂r ɨ́ sɔ́má yɔ́ɔ́, nyɨ́haá ntɔ̂ʼ tiʼe.

Mɨlʉmlʉ 2:41

Buobuo bʉr ɨ́ sɔ́má yɔ́ɔ́, bé ntɔ̂ʼ kǎm sá Pétrus á lɛ́ɛ yɨ́, ntɔ̂ʼ duŋɔɔ. Ɨ́ móhó waá, kúnókúno e bʉr otɔ́ɔ́sin olɛ̂l, bé á si nî ɨ́ sɔ́má óbûʼla.

Mɨlʉmlʉ 4:4

Sâ gwár, bʉr ɨ́ buo buo o b'á jóʼo milɔ̌b myaá bá, bé á be ó sí bûʼla. Tâŋ bʉrʉ̂m o b'á dwira miléme bá, nye á si pyâl kúnókúno e bʉr otɔ́ɔ́sin otɛ̂n.

Yʉanes 16:7

Mě lɛ́ɛ́ bɨ́n lɨ́ otyeetye ó, embɨa, lé ɨ́ páʼ wɨ́n ó, me tôʼ. Mé bé atô nɛ́ɛ: lɛ́ɛ́, kɔmlʉ wɨ́n, nye ánze kwá nyɨ́n. Nó ó, mé sí tô nɛ́ɛ: me ntɨh bɨ́n nyǎ.

Mɨlʉmlʉ 2:33

Nye á si bére, tó di sí ɨ́ mbó éjʉ́m mé Nzyɛ̌m. Nye ó b'á ntɨh bɨ̌h Sísǐm Nzyɛ̌m Sɔ́ŋ á kɛʼ bɨ̌h wɨ́. Sâ gwár e gwár yaá ó bɨ́n mû lɨ́ ebee le ejóʼo yɨ́.

Yʉanes 7:39

(Yésʉs á lwib ó, ɨ́ lɔ̌b Sísǐm mé Nzyɛ̌m bʉ̂r o ngá dyɛ̂ʼwo e né bá, bé óbi wɨ́. Abe e mʉr á pa bi Sísǐm mé Nzyɛ̌m, ebě, Yésʉs á bé apǎ dweŋɔɔ kûm.)

Yʉanes 7:33

Yésʉs, nye ó: «Mɨná dína gá ó e mâ diá wâ. Me óbúla, swîʼ tô nko mʉ̂r á ntɨh me nyá dí yɨ́.

Rôm 15:19

Me á sɨséa ntémé ó e mesimá, le bisá bí ékâm, ti e bisyɛ́ɛla bi nkûl Sísǐm mé Nzyɛ̌m wé á sâ bí. Me á nze túno Mbɨambɨa Lɔ́ɔ dí edumo e Yésʉs-Krîst wɨ́ ó, bigúmó bíbyɛ̂h, táare ɨ́ Yerʉ́zalɛm, tó kumǒ Ilirikɔ̂m.

Mɨlʉmlʉ 6:7

Lɔ́ɔ́ mé Nzyɛ̌m ntɔ̂ʼ kpâhwǎ myaŋla. Tâŋ ompʉ́n ntɔ̂ʼ kpâhwǎ buo ɨ́ Yerʉ́zalɛm. Bʉr ɨ́ sɔ́má ópara ɨ́ buo buo nzě dyéʼɔɔ̌ koo e Yésʉs, lɨ́ esáŋɔɔ̌ Nzyɛ̌m mejóʼo.

Mɨlʉmlʉ 4:16

Bé á lɛ́ɛla páʼ nyɔ́ɔ́ ó: «Mɨná sâʼ gá bʉr bâʼ nyá? Ebě, bʉr ó Yerʉ́zalɛm bɨ́bɛ̂h, bɨ́ gʉ́a ɨ́ pébébé ó, bɨ́ lɛ̂ʼle nkûl nyɔ́ɔ́ le ánɨ̂nɨ̂n esimá lɨ̂. Mɨná bé abe e nkul ekǎ sóŋlo gá lê.

Yʉanes 14:28

Bɨ̌n bé á be ɨ́ jóʼǒ mpʉ mé á lɛ́ɛ e bɨ̌n ó: “Me múo nzě swîʼ. Me óbáʼǎ nze, pyâl nko bɨ́n dí yɨ́.” Yé bé bɨ̌n bé ɨ́ kpɛl mé nó, lɛ́ɛ́, bɨ̌n mû ó lɨ́ esoho le egʉ́a ó, mě swíʼ ó, tô kwá Sɔ́ŋ wǎm, ebě, Sɔ́ŋ wǎm ó láá mê.

Mɨlʉmlʉ 10:46

Ebě, bé jóʼó nɛ́ɛ: bɨ́ɛ ntémé mû lɨ́ egúmlo mpwâʼ kûm mé Nzyɛ̌m ɨ́ bilwǐb bí ayogoyogo. Nó ó Pétrus á ka dî ó:

Mɨlʉmlʉ 4:33

Bʉr o mílʉ́mlʉ́ mé Yésʉs, bé á bʉboʼlo pahá sóo mé Tî Yésʉs ó e nkul nyɨnyɛ̂h. Nó ntémé ó Nzyɛ̌m á sʉ bé metyɛʼ me mpóm ɨ́ ntʉʉʉ́ yɨ́.

Markus 11:13

Mpʉ nyé á tyɛ̂b lɨ́ ejaa, beě lɨ́ figyê e biká yɨ́, nye nzě tó dwɛ̂ʼ nkʉ̂ nye óbɛ̌m kœb mpúmó tɨ̂. Jɔʼ nyé á ka kumo lɨ́ enzuʼ é lɨ́ yɨ́, nye á jaa kœb ó, njɨ biká e biká, ebě, yé á bé abě jɔ̌ʼ nkónó ófigyê.

Yʉanes 4:37

Ebě, yê tyeetye lɔ́ɔ́ ó: “Nyâʼ, nye lɨ́ ebe; nyʉ́ʉ́, nye lɨ́ ekpɛm méde me tɨ̂.”

Yʉanes 5:20

Ebě, Sɔ́ŋ, nye lɨ́ ekpɛl Mwân wé. Nye lɨ́ elɛ̂ʼle nyé sá nyé mʉr tɨ̂ʼ dí esâ yɨ́. Nye ólɛ̂ʼle nyé bisyɛ́ɛla nyé ókǎ tô le esɨ̂sa bí. Byé ólaa byaá bî, bɨ̌n nkʉ̂ buú kâm.