Yʉanes 14:1 - Kálar Nzyɛ̌m : Ejwán é Sáá

¹ Yésʉs, nye e bé ó: «Bisɨ́ǎ bî, byé ayɨ́ tɨ̂l bɨ́n mekʉ̌ sí. Dyɛ́ʼwáá gá e Nzyɛ̌m. Dyɛ́ʼwáá gá ntémé e me.

Kálara Zyɛ̌m Edwán é mpʉ̌n

¹ Yesʉs, nye e be ó: «Asyɛl ga ba. Bɨn bɨ jyɛʼ taa buʼo yin boo Zyɛm. Jyɛʼɛ ga nteme ye boo me.

Yʉanes 14:1 ပူးပေါင်းရင်းမြစ်များ

Yʉanes 12:44

Yésʉs nzě túno. Nye ó: «Mʉr dí edyɛ̂ʼwo e me nyá, nyé adyêʼ koo njɨ e me. Nyě dyɛ́ʼwó ntémé ó e mʉr á ntɨh me nyá.

Yʉanes 6:40

Ebě, Sɔ́ŋ wǎm gwɨ́m ó, bʉr bɨ́bɛ̂h ngá bee Mwân wé, dyɛ̂ʼwo e né bá, bé níʼee ɨ́ twǐʼ njʉ̌m dǐ. Mɛm, me ópɛh bé ɨ́ móhó ésúʼlá é sí yɨ̂.»

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Yʉanes 13:19

Me lɨ́ eboó lɛ́ɛ bɨ́n nó, ɨ́ jɔ̌ʼ syɛ́ɛla yé yaá dína apǎ syɛ́ɛ yɨ́. Mě lɛ́ɛ́ nó ó, ebě, ɨ́ jɔʼ yé ókǎ syɛ́ɛ yɨ́, bɨ̌n bé óbûʼla ó, mɛm ó dí Me-ó-tɨ̂.

Éfɛsɔs 1:15

Sá tɨ̂ʼ ó mé dí edwě Nzyɛ̌m nzyǒo ɨ́ lɔ̌b wɨ́n yɨ́. Mɨ́ boó jóʼǒ mpʉ bɨ́n dí edyɛ̂ʼwo e Tî Yésʉs le ekpɛl bʉ̂r ó Mbɛ̌r-Nzyɛ̌m yɨ́. Mé agwâʼ édwe nyé nzyǒo ɨ́ jɔʼ yɨ́yɛ̂h mé dí esímsa bɨ́n, me ntémé lɨ́ ejɨʼla e né yɨ́.

Yʉanes 12:27

«Ɨ́ báánâ, lémé wâm, wé mû ó lɨ́ ekʉ́ jóʼǒ túú. Nó ó, me ólɛ́ɛ yé? Nzê me lɛ́yɨɨ Sɔ́ŋ wǎm ó, nye pɛ́ʼɛɛ me ɨ́ sá múo nzě pyâl mé ɨ́ báánâʼ yɨ̂ʼ ɛ̌? Heʼé, ebě, me á nze ó ɨ́ lɔ̌b sâ yaá, ó me bɔ́maa e mitúú mí tɨ̂.

2 Tesalonika 2:2

Bɨ̌h lɛ́ɛ́ bɨ́n ó nɛ́ɛ: akǎ twɨra gá dwêh. Nyʉ́ʉ́ mʉ̂r ólɛ́ɛ bɨ́n ó, Tî gá wɨ́ná Yésʉs, nyɨ́ báʼǎ pyâl nó, sɨ́ǎ yaá atɨ̂l bɨ́n mekʉ̌ sí. Mʉr waá damá lɛ́ɛ ó, lɛ́á wé waá, wé ó solá sɔ̂ʼ, duho kwá mé Nzyɛ̌m, yé abe nó. Nyě damá lɛ́ɛ ó, yé ó ekǎn nyʉ́ʉ́ mʉ̂r á lɛ́ɛ nye lɨ́. Yé ntémé, yé abe nó. Nyě damá boʼlo ó, lɛ́á waá, wé duho ɨ́ mekaná me dí enyɨ̂n ó, mé duho kwá nyɨ́h má, yé abe nó.

2 Korɛnt 2:7

Nó ó, ɨ́ báánâ, yé mû ó jɔʼ dí ó, bɨ̌n pɛ́ʼɛɛ bibaa bí ébébe bɨ́n á láa nye bí yɨ́. Yé ó jɔʼ égbâ nyé pîm ɨ́ búʼó, ebě, nyʉ̂l, nye ámû jaá tyɛʼ nyê.

Yʉanes 11:33

Jɔ̌ʼ Yésʉs á dwɛ̂ʼ, bee nyé lɨ́ ejɨ, bé le oYúden bé á dû nye bá yɨ́, nye kʉ́ nzě jóʼǒ túú ɨ́ léme. Bisɨ́ǎ byaá, byé ntɔ̂ʼ tɨ̂l nyé mekʉ̌ sí.

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Yʉanes 16:3

Bé ósɨsâ nó ó, ebě, bé á bé agʉ́a, damá be Sɔ́ŋ wǎm, damá be mê.

Yʉanes 16:6

Damá jóʼo nó, menyʉ̂l, mɨ́ tyɛʼ bɨ́n ebe mé mû sí lwib e bɨ̌n mpʉ́nʉ̌.

Yʉanes 16:24

Nzě kumo ɨ́ báánâ, bɨ̌n bé apǎ gwâm sɔ̂ʼ, lɨ́ ejɨʼla e Sɔ́ŋ wǎm, pɨr e díé lâm. Gwámáá gâ, bɨ̌n bé óbi. Bisʉhʉʉ bín, byé díʼee ntinɨ̂ e ntinɨ̂.