Yʉanes 13:5 - Kálar Nzyɛ̌m : Ejwán é Sáá

⁵ Nzě nʉa médíbé, gbâ ɨ́ sʉ́á, nzě nyɛl éjwɨɨ ómpʉ́n mekʉ̌, le epîm mékʉ̌ mɔ́ɔ́ e kán nyé á be e wé ɨ́ kuó wɨ́.

Kálara Zyɛ̌m Edwán é mpʉ̌n

⁵ ze nʉa modibe, sʉ é fua, ze taare lé ejwɨ̀ɨ ompʉn mokʉ, le epim me e kan wé a be nye é kubo e.

Yʉanes 13:5 ပူးပေါင်းရင်းမြစ်များ

Lʉkas 7:44

Nye ntɔ̂ʼ dwirǎ nko mʉ́má waá á be yɨ́. Nye e Simon ó: «Gʉ́ bee mʉ́má nyâʼ á? Me nzé ó, go, ɨ́ mbɛ̌r gô, gua l'adwe mé medíbé mé éjwɨɨ mékʉ̌. Mʉmá nyâʼ nyɨɛ, nyɨ́ jwɨɨ mé mekʉ̌ e myɛ́ɛlé mé, pîm ntémé mé e mpuo nyé.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

Mɨngwiha 7:14

Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.

Ebrœ̂ 10:22

nó mɨ́ná jálá le esîhle gá bǎʼ e Nzyɛ̌m, abe e mesónó ɨ́ miléme, e milémé lwɨ́ŋlá e búʼó yɨ́. Milémé gá míná, myé mû ó mipubá. Menyʉ́l gá mɨ́ná mɨ́ɛ, mé mé ó minjwɨá e medíbé me dí ɨ́ ntyɛ́h ntyɛ́h má.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

Mɨlʉmlʉ 22:16

Nó ó, gǒ kǎ bóno yé ɨ́ báánâ? Gbɔlwaa sí. Go e dúŋɔɔ, jwɨɔɔ ɨ́ páʼ bísyɛ́ɛla bí ébébe byô, lɨ́ ekɛn díé mé Yésʉs.”»

1 Yʉanes 5:6

Yésʉs-Krîst, nye ó mʉr á duŋɔɔ e medíbé, báʼǎ duŋɔɔ e metié lɨ́ eswie ɨ́ kolôs nyá. Nye á bé anzě duŋɔɔ̌ njɨ e medíbé mé omér. Ndubó wé, wé á be ó e medíbé ndu e metié. Sísǐm mé Nzyɛ̌m ó dí eboʼlo ɨ́ lɔ̌b ndubó wé. Nyě boʼló nó ó, ebě, nyě le otyeetye.

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

Yʉanes 19:34

Damá jóʼo nó, yʉ́ʉ́ sója, yé á si lúmo nye ekʉá ɨ́ bimpah. Tólɔ́m métié ndu e medíbé ntɔ̂ʼ sâh.

Lʉkas 7:38

ntɔ̂ʼ tyɛ̂b píe koo mé Yésʉs, píe mekʉ̌ mé, ntɔ̂ʼ jɨ ɨ́ buo buo, myɛ́ɛlé mé ntɔ̂ʼ bor mékʉ̌ mé Yésʉs. Nye ntɔ̂ʼ dû mékʉ̌ mé Yésʉs ɨ́ swííá, pîm mé le mpuo nyé, nzě lœm nyé lɔbína ɨ́ mekʉ̌.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Yʉanes 13:10

Yésʉs, nye e né ó: «Mʉr mû sí boó jwɨa nyá, nyé akǎ jala le ebáʼǎ jwɨɔɔ, alaa ó njɨ mekʉ̌, ebě, nye ó nyʉ̂l nyɨnyɛ̂h njwɨá. Bɨ̌n bé ó minjwɨá. Sâ gwár, ntʉ bɨ́n bɨ́bɛ̂h dí minjwɨá.»

Yʉanes 13:8

Pétrus, nye e né ó: «Heʼé, Dâ! Go ányamlě jwɨɨ mé mekʉ̌.» Yésʉs nzě yala e né ó: «Mé bé ajwɨɨ gó mekʉ̌ nó, go l'abi nkɔ̂b ɨ́ páʼ wâm.»

Yʉanes 13:6

Nye nzě tó pyâl gúmó Simon Pétrus á be yɨ́. Simon Pétrus, nye e né ó: «Dâ ɛ̌, nzê go ó jálá le ejwɨɨ mé mekʉ̌ ɛ̌?»