Yʉanes 13:3 - Kálar Nzyɛ̌m : Ejwán é Sáá

³ Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Kálara Zyɛ̌m Edwán é mpʉ̌n

³ Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Yʉanes 13:3 ပူးပေါင်းရင်းမြစ်များ

Yʉanes 3:35

Nzyɛ̌m Sɔ́ŋ, nye lɨ́ ekpɛl Mwân wé. Nyɨ́ boó gbâ sá yɨ́yɛ̂h sí jwɨ́ɨ́ yé.

Mataos 11:27

Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.

Yʉanes 17:2

Ebe go á si dwe nye nkul jwɨ́ɨ ɨ́ bʉr bɨ́bɛ̂h. Nyě e nkul edwe bʉ̂r o gó á dwe nye bá, twǐʼ njʉ̌m dǐ.

Yʉanes 8:42

Yésʉs, nye e bé ó: «Yé bé Nzyɛ̌m, nyě tyeetye ó Sɔ́ŋ wɨ́n nó, lɛ́ɛ́, bɨ̌n bé lɨ́ ekpɛl mê, ebě, me á duho ó kwá mé Nzyɛ̌m. Me ntémé, me wâʼ ó ɨ́ nkul nyé. Me á bé anze ɨ́ gwɨ́má yâm, mɛm mʉr tɨ̂. Nye ó b'á lómo me.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

1 Korɛnt 15:27

Ebě, yê cɛmá ó: Nzyɛ̌m á si gbâ sá yɨ́yɛ̂h ɨ́ jwɨ́ɨ́ yé, sí mebo mé. Nó yé lɛ́ʼlé mbɨ̂mbɨá ó, Nzyɛ̌m nyɨɛ, mʉr dí egbâ sá yɨ́yɛ̂h ɨ́ jwɨ́ɨ́ mé Krîst yaá nyá, nyé abe tɨ̂ʼ ɨ́ jwɨ́ɨ yaá tʉ́ŋlʉ̌.

Mɨlʉmlʉ 2:36

«Bʉr bɨ́bɛ̂h o dí wâʼ ɨ́ sí Ɨ́zraɛ̂l bá, bé lɨ́ ekʉ́ gʉ́ǎ lɔ̌b waá: Yésʉs waá, nye ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Nye ó Nzyɛ̌m á tyêl Tî gá wɨ́ná, waá nyé á lœm múló mé jwɨ́ɨ nyá.»

Yʉanes 13:1

Yé á be ó, nzɔɔ Páska mû kúno ebwalɔɔ. Yésʉs nyɨɛ á be ó sí boó gʉ́a ó, jɔʼ dí ó, nye káa duhǒ sí yɨ̂, bére kwá Sɔ́ŋ yɨ́, mû ó sí pyâl. Jɔʼ yɨ́yɛ̂h, nye á be ɨ́ buú kpɛl bʉ̂r bé, bé á di ɨ́ sí yɨ̂ʼ bá. Nye á kpɛl bé ó, abe le odumo.

Yʉanes 7:33

Yésʉs, nye ó: «Mɨná dína gá ó e mâ diá wâ. Me óbúla, swîʼ tô nko mʉ̂r á ntɨh me nyá dí yɨ́.

Yʉanes 7:29

Mɛm, me lɨ́ egʉ́a nyê, ebě, me á duho ó kwá nyé. Ebě, ntémé, nye ó b'á ntɨh me.»

Yʉanes 3:13

Abe e mʉr ngwár dí ɨ́ pǎ bére, tó kumo ɨ́ jʉ́o kʉ́, píe Mwân mé Mʉr, mʉr á duho ɨ́ jʉ́o kʉ́ nyá.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

Lʉkas 10:22

«Sɔ́ŋ wǎm á si dwe me bisá bíbyɛ̂h. Abe e mʉr dí egʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.»

Yʉanes 8:14

Yésʉs, nye e bé ó: «Mě damá boʼlǒ lɔ̌b wâm mɛm mʉr tɨ̂, sá mé dí elɛ́ɛ yɨ́, yé kʉ́ be ó tyeetye, ebě, me lɨ́ egʉ́ǎ nko mé á duho, ndu e nko mé dí etô yɨ́. Sâ gwár, bɨ̌n bɨɛ, bé agʉ́ǎ nko mé á duho yɨ́, nkʉ̂ páʼ mé dí etô wɨ́.