Yʉanes 13:23 - Kálar Nzyɛ̌m : Ejwán é Sáá

²³ Nyʉ́ʉ́ mpʉ́n Yésʉs á bu kpɛl nyá, á be ó bǎʼ e Yésʉs, lʉ́ wé lɨ́ edyɛ̂ʼwo ɨ́ bɨr mé Yésʉs.

Kálara Zyɛ̌m Edwán é mpʉ̌n

²³ Mpʉ bé a be ondindil lé ede e, nuu mpʉn mo Yesʉs, waa nye a bul kpɛl ɨ, a be ó lé ede kunokuno e nye, lʉ we lé ejyɛʼbe é bɨr ye.

Yʉanes 13:23 ပူးပေါင်းရင်းမြစ်များ

Yʉanes 19:26

Yésʉs nzě bee nyɔ́ŋ lɨ́ etyɛ̂b bǎʼ e né, bé e mpʉ́n nyé á bu kpɛl nyá. Nye e nyɔ̌ŋ wé ó: «Mʉmá, bee mwánǒ?»

Yʉanes 21:20

Jɔ̌ʼ Pétrus á dwira píhe yɨ́, nye nzě bee mpʉ́n Yésʉs á be ɨ́ buú kpɛl nyá, lɨ́ enze píhe. (Nye ó b'á dyêʼ lʉ̂ wé ɨ́ bɨr mé Yésʉs ɨ́ jɔʼ bé á be lɨ́ ede ɨ́ nzɔɔ yɨ́. Nye ntémé ó b'á dî ó: “Dâ ɛ̌, nzé óbɛ́ma gô?”)

Yʉanes 21:7

Mpʉ́n Yésʉs á be ɨ́ buú kpɛl nyá, nye e Pétrus ó: «Tî Yésʉs ó nɨ̌!» Jɔ̌ʼ Pétrus á jóʼo ó, “Yé ó Tî Yésʉs” yɨ́, nye ntɔ̂ʼ bwâr kʉ̂r wé, ebě, nye á be ó suswáh. Nye nzě guho nyʉ̂l ɨ́ medíbé.

Yʉanes 20:2

Nye ntɔ̂ʼ búla e kám, tó beě Simon Pétrus, bé e nyʉ́ʉ́ mpʉ́n, waá Yésʉs á bu kpɛl nyá. Nye ó: «Bɨ́ pɛʼ Tî Yésʉs ɨ́ soo! Bɨ̌h bé agʉ́ǎ nko bê tó e né yɨ́!»

Yʉanes 11:36

OYúden, bé ó: «Óóó! Beyɨɨ gá, nye á si bu kpɛl nye!»

Yʉanes 11:5

Yésʉs á be ó lɨ́ ekpɛ̌l Mááta, bé e mɨ́ɔɔ́ wé ndu e ntʉ̂m wɔ́ɔ́, Lazare.

Yʉanes 11:3

Bʉbá obá ónɨ̌ nzě lómo mʉ̂r ó, nye tôʼ lɛ́ɛ̌ Yésʉs ó: “Dâ ɛ̌, só gǒ, nye lɨ́ ebíle.”

Yʉanes 21:24

Mʉr dí eboʼlo le ecɛma bísá bîʼ nyá, nye ó mpʉ́n mé Yésʉs waá. Bɨ̌h bé lɨ́ ekʉ́ gʉ́a ó, bisá nyé dí eboʼlo bí, byé ó tyeetye.

Yʉanes 13:25

Mpʉ́n waá nzě dwira, dyêʼ lʉ̂ ɨ́ bɨr mé Yésʉs, nzě dî e né ó: «Dâ ɛ̌, mʉr waá, nye nzé?»

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

Lʉkas 16:22

Nye nzě dwe. Beéngeles nzě nkɛ́ɛ nyê, tó dilɔɔ nyé ɨ́ mbó éjʉ́m mé Abraham ɨ́ jʉ́o kʉ́. Kúmá ntémé dwe, ntɔ̂ʼ debe ɨ́ soo.

Yʉanes 13:24

Simon Pétrus nzě kwâb nyé ó, nye díʼee Yésʉs díé é mʉ̂r nyé á lwib, dumo e né nyá.