Yʉanes 13:21 - Kálar Nzyɛ̌m : Ejwán é Sáá

²¹ Jɔʼ nyé á sil elwib mpʉ́nʉ̌ yɨ́, milɔ̌b myaá, myé ntɔ̂ʼ tɨ̂l nyé mekʉ̌ sí. Nye nzě boʼlo ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má gá yɨ́ná óbɛ́ma mê.»

Kálara Zyɛ̌m Edwán é mpʉ̌n

²¹ É jɔʼ nye a sil lwib no e, mɨlɔb myaa, myé ntɔʼ tɨ nye mokʉ si. Nye ó: «Me elɛɛ bɨn cyecye ó nɛɛ: mʉr ngwar é l'esama lɨn ókɛha me.»

Yʉanes 13:21 ပူးပေါင်းရင်းမြစ်များ

Mataos 26:21

Jɔʼ bé á be, bé mû lɨ́ ede yɨ́, Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má yɨ́n óbɛ́ma mê.»

Yʉanes 13:18

«Mé alwib ɨ́ lɔ̌b wɨ́n, bɨ̌n óbɛ̂h, njɨ mʉr ngwár. Me lɨ́ egʉ́a baá mé á twâr bá. Twárá mé á twárɔɔ nyɨ́haá mʉ̂r wɨ́, wé á be ɨ́ jala, lɨ́ esú ó, péh Mékaná mé Nzyɛ̌m, yé díraa. Ebě, yê cɛmá ó: Mʉr dí ede méde mâm nyá, nyɨ́ dwira e me.

Markus 14:18

Jɔʼ bé á be ɨ́ téble, bé mû lɨ́ ede yɨ́, Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má yɨ́n, bɨ́h e nɔ́ɔ́ dí ede nyá, óbɛ́ma mê.»

Yʉanes 12:27

«Ɨ́ báánâ, lémé wâm, wé mû ó lɨ́ ekʉ́ jóʼǒ túú. Nó ó, me ólɛ́ɛ yé? Nzê me lɛ́yɨɨ Sɔ́ŋ wǎm ó, nye pɛ́ʼɛɛ me ɨ́ sá múo nzě pyâl mé ɨ́ báánâʼ yɨ̂ʼ ɛ̌? Heʼé, ebě, me á nze ó ɨ́ lɔ̌b sâ yaá, ó me bɔ́maa e mitúú mí tɨ̂.

Yʉanes 11:33

Jɔ̌ʼ Yésʉs á dwɛ̂ʼ, bee nyé lɨ́ ejɨ, bé le oYúden bé á dû nye bá yɨ́, nye kʉ́ nzě jóʼǒ túú ɨ́ léme. Bisɨ́ǎ byaá, byé ntɔ̂ʼ tɨ̂l nyé mekʉ̌ sí.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

Mɨlʉmlʉ 17:16

Jɔʼ yɨ́yɛ̂h Pɔ̂l á bóno Silâs, bé e Timotɛ̂ ɨ́ Atɛ̂n yɨ́, nye á be ó lwɨ́ŋlá le ebúʼ ɨ́ mbi nyé á bee nkana yaá e bikpɛʼkpɛ̂ʼ bí ónzyɛ̌m wɨ́.

Yʉanes 13:2

Yésʉs, bé le ompʉ́n bé, bé á be ó lɨ́ ede. Jɔʼ yaá, sɔ́ŋ meleme á be ó sí tyɛ̂b Yʉ́das, mwân mé Simon Iskariôt, ɨ́ léme, dwe nyé pɨʼ ó, nye bɛ́maa Yésʉs.

Yʉanes 11:38

Lɔ̌b waá kʉ́ nzě báʼǎ tɨ̂l Yésʉs mekʉ̌ sí. Nye nzě tô nko sóo. Soo nyaá á be ó báh ékóʼ. Bé á dible num sóo ó e lʉ́ʉ́ ékóʼ.

Yʉanes 11:35

Yésʉs ntɔ̂ʼ jɨ édwê.

Markus 3:5

Nó mpʉ nyé á to le edwɛ̂ʼ bɨ́bɛ̂h yɨ́, lémé wé ntɔ̂ʼ lóno ɨ́ nkpaa, ebě, milémé myɔ́ɔ́, myé á be ɨ́ buú lele lɨ́ ebúʼla. Nye e mbêl ó: «Syɛ́mɨ́ɨ́ mbó gô.» Mbêl ntɔ̂ʼ syɛ̂m mbô. Mbô, wé ntɔ̂ʼ sâ nyé mbɨ̂mbɨá.

Mataos 26:38

Nye ó: «Lémé wâm, wê le ebúʼ, mpʉ̌ sá lɛ́ɛ́, me ópuro e tɨ̂. Diʼee gá wâʼ lɨ́ emo e me. Diʼee gá ɨ́ doho.»

Yʉanes 13:22

Ompʉ́n nzě táare édwɛ̂ʼla páʼ nyɔ́ɔ́, miléme ɨ́ mo ɨ́ nzamá, agʉ́a mʉ̂r nyé á lwib ɨ́ lɔ̌b wé nyá.