Yʉanes 13:20 - Kálar Nzyɛ̌m : Ejwán é Sáá

²⁰ Mě lɛ́ɛ́ bɨ́n lɨ́ otyeetye ó, mʉr dí enʉa mʉ̂r mé dí elómo nyá, nyě nʉá ntémé ó me. Nó ntémé, mʉr dí enʉa mé nyá, nyě nʉá ó, mʉr á ntɨh me nyá.»

Kálara Zyɛ̌m Edwán é mpʉ̌n

²⁰ Me elɛɛ bɨn cyecye ó nɛɛ: mʉr ndɨ enʉa mwa mɨlʉmlʉ wam e duu ɨ, nye edwaabe nteme ó me. No nteme, waa lé enʉa me e duu ɨ, nye edwaabe nteme ó mʉr a ntɨh me e.»

Yʉanes 13:20 ပူးပေါင်းရင်းမြစ်များ

Lʉkas 10:16

Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»

Lʉkas 9:48

Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

Markus 9:37

«Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂. Mʉr nʉ́á mé nyá, nyé anʉa mé e me; nyě nʉá ntémé ó, mʉr á ntɨh me nyá.»

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Galásia 4:14

Damá jóʼǒ mpʉ bɨ́n á sia e mitúú ɨ́ lɔ̌b ésyɛ̂b lâm, bɨ̌n bé á bé apyêh mê, nkʉ̂ soŋɔɔ mê. Bɨ̌n bé á si nʉa me mbɨ̂mbɨá, go ó, me á be ó, nkʉ̂ éngeles mé Nzyɛ̌m, nkʉ̂ ntɔ̂ʼ Yésʉs-Krîst mʉr tɨ̂.

Kolosi 2:6

Mpʉ yê tyeetye ó, bɨ̌n bé á si bi Yésʉs-Krîst tâŋ Njwɨ́ɨ wɨ́n yɨ́, diʼee gá ɨ́ mpúhlá e né.

1 Tesalonika 4:8

Nó ó, baá o dí epyêh métwɨ́ɨ́ mâʼ ɨ́ lɔ̌b nɨ̌ bá, bé apyêh mʉ̂r. Bé pyéh ó Nzyɛ̌m, waá dí entɨh bɨ́n Sísǐm wé nyá.