Yʉanes 13:18 - Kálar Nzyɛ̌m : Ejwán é Sáá

¹⁸ «Mé alwib ɨ́ lɔ̌b wɨ́n, bɨ̌n óbɛ̂h, njɨ mʉr ngwár. Me lɨ́ egʉ́a baá mé á twâr bá. Twárá mé á twárɔɔ nyɨ́haá mʉ̂r wɨ́, wé á be ɨ́ jala, lɨ́ esú ó, péh Mékaná mé Nzyɛ̌m, yé díraa. Ebě, yê cɛmá ó: Mʉr dí ede méde mâm nyá, nyɨ́ dwira e me.

Kálara Zyɛ̌m Edwán é mpʉ̌n

¹⁸ «Me alwib e bɨn bɨbɛh. Me egʉa baa me a pɛh ɛ. Sa gwar, yé ekʉ jala ó, lɔɔ ndɨ tila é Kalara Zyɛm ɨ, wé dira. Yé ó tila ó: “Mʉr lé ede mode mam ɨ, nyi dwibra e me.”

Yʉanes 13:18 ပူးပေါင်းရင်းမြစ်များ

Mataos 26:23

Nye ntɔ̂ʼ yala e bé ó: «Yé ó mʉr bɨ́h e nê twǎr épulo ɨ́ sʉ́á gwár nyá. Nyɨɛ ó ngá bɛ́ma mê.

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Markus 14:20

Nye ntɔ̂ʼ yala e bé ó: «Yé ó mʉr ngwár ɨ́ sɔ́má yɨ́n, bʉr kám le obá, mʉr bɨ́h e né dí etwar épulo ɨ́ sʉ́á gwár nyá.

Yʉanes 13:26

Yésʉs nzě yala ó: «Me ótwǎr péh blêr ɨ́ sʉ́á méde. Mʉr mé ódwe nyá, mʉr waá ó tɨ̂ʼ nyá.» Yésʉs ntɔ̂ʼ nʉǎ péh blêr, twar méde, nzě dwě Yʉ́das, mwân mé Simon Iskariôt.

Yʉanes 6:70

Yésʉs, nye e bé ó: «Ntʉ mɛ̂m mʉr tɨ̂ʼ á twâr bɨ̌n kám le obá ɛ́? Damá jóʼo nó, nyʉ́ʉ́ mʉ̂r ɨ́ sɔ́má yɨ́n, nyě le eleme.»

Yʉanes 15:19

Yé bé bɨ̌n bé á be ó bʉr ó sí yɨ̂ʼ nó, lɛ́ɛ́, bʉr ó sí, bé lɨ́ ekpɛl bɨ́n, ebě, bɨ̌n bé á gwa be ó mbi bʉ̂r wɔ́ɔ́. Sâ gwár, me á be ɨ́ twâr bɨ́n, pɛʼ bɨ́n ɨ́ sɔ́má bʉ̂r ó sí yɨ̂, ó bɨ̌n ayɨ́ kǎ gúmo e sí yɨ̂. Sɨ́ǎ yaá ó bʉ̂r ó sí yɨ̂ʼ mû sí bene bɨ́n yɨ́.

Ebrœ̂ 4:13

Yé abe e yʉ́ʉ́ kwihá sɔ̂ʼ dí solá ɨ́ míh mé Nzyɛ̌m. Sá yɨ́yɛ̂h nyé á komlo yɨ́, yé ɨ́ ponó, ɨ́ nkɛŋlɛ̂m ɨ́ míh mé. Bíbyɛ̂h, byé ókar mínkar myɔ́ɔ́ ó, ɨ́ mpǒm nyé.

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Mataos 10:36

Mʉr óbɔma le ontɨ̂m le obɨn bé ó ɨ́ mbɛ̌r bʉ̂r wé tʉ́ŋlʉ̌.»

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

Mataos 26:21

Jɔʼ bé á be, bé mû lɨ́ ede yɨ́, Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má yɨ́n óbɛ́ma mê.»

Markus 14:17

Ɨ́ bíí kʉ̌ʼ nɛ́ɛ: Yésʉs, bé le ompʉ́n kám le obá bé ntɔ̂ʼ pyâl.

Markus 14:18

Jɔʼ bé á be ɨ́ téble, bé mû lɨ́ ede yɨ́, Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má yɨ́n, bɨ́h e nɔ́ɔ́ dí ede nyá, óbɛ́ma mê.»

Lʉkas 22:21

Beyɨɨ gá, mʉr bɛ́má mé nyá ó dí waá bɨ́h e nɔ́ɔ́ mû lɨ́ ede wâʼ ɨ́ téble nyâ!

Yʉanes 13:21

Jɔʼ nyé á sil elwib mpʉ́nʉ̌ yɨ́, milɔ̌b myaá, myé ntɔ̂ʼ tɨ̂l nyé mekʉ̌ sí. Nye nzě boʼlo ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má gá yɨ́ná óbɛ́ma mê.»

Yʉanes 13:22

Ompʉ́n nzě táare édwɛ̂ʼla páʼ nyɔ́ɔ́, miléme ɨ́ mo ɨ́ nzamá, agʉ́a mʉ̂r nyé á lwib ɨ́ lɔ̌b wé nyá.

Yʉanes 15:25

Sâ gwár, bé sá nó ó, lɨ́ elóŋlǒ sá dí cɛmá ɨ́ mekaná métié mɔ́ɔ́ yɨ́. Yê cɛmá ó: Bé á nwim me ó, bɨ̌h le onɔ́ɔ́ abe e lɔ̌b.

Yʉanes 18:32

(Yé á syɛ́ɛ nó ó, mekǎn nyé á lɛ́ɛ má, mé díraa. Nye á be ɨ́ boó lɛ̂ʼle bé mbi éswie nyé ngá dwe wɨ́.)

Yʉanes 19:24

Jɔʼ yaá ó bé á nze lɛ́ɛ ó: «Mɨná bé ayɨ́ nya gá dur yɨ̂. Mɨná dôʼ gá yé ebya, mɨná nkʉ̂ gʉ́a gá mʉr ngá nʉa yé nyá.» (Yé á syɛ́ɛ nó ó, sá dí cɛmá ɨ́ Mekaná mé Nzyɛ̌m yɨ́, yé díraa. Yê cɛmá ó: Bé á si kabla mikán myâm páʼ nyɔ́ɔ́. Bê nzě dǒ dur yâm ebya. ) Ntɔ̂ʼ nzě sáŋɔɔ ntémé nó.

Yʉanes 19:36

Bisyɛ́ɛla bínɨ̌, byé á syɛ́ɛ nó ó, péh Mékaná mé Nzyɛ̌m, yé díraa. Yê cɛmá ó: Bé ákóʼó búʼo nyê, damá bě dwehé gwár.

Mɨlʉmlʉ 1:2

tó pyâl pyáláa ɨ́ móhó nyé á bɨ́nɔɔ ɨ́ jʉ́o kʉ́ wɨ́. Nye dína apǎ bɨ́nɔɔ ɨ́ jʉ́o kʉ́, nye á si líʼe bʉr o mílʉ́mlʉ́ bé, nyé á twâr bá, etié e nzɨ̌ Sísǐm mé Nzyɛ̌m.

Mɨlʉmlʉ 1:16

«Bɨ́ɔɔ́ bâm! Okɛ́l bâm! Yé á jala ó, sá Sísǐm mé Nzyɛ̌m wé á lɛ́ɛ ɨ́ nzɨ̌ mé David yɨ́, yé díraa. Yé á be cɛmá ó, ɨ́ lɔ̌b mé Yʉ́das, mʉr á to le etɨ́e bʉr nzɨ̌ etó mɛ̂r Yésʉs nyá.