Yʉanes 13:14 - Kálar Nzyɛ̌m : Ejwán é Sáá

¹⁴ Mɛ̂m, Lɛ̂ʼla ndu e Tî wɨ́n sí jwɨɨ bɨ́n mekʉ̌ nó, nó yé lɛ́ʼlé ó, bɨ̌n ntémé bé ɨ́ jala le ejwɨɨla mékʉ̌ páʼ nyɨ́n.

Kálara Zyɛ̌m Edwán é mpʉ̌n

¹⁴ ǃMɛm, Yeʼle win le Tî win, si jwɨ̀ɨ bɨn mokʉ nɛʼɛ, bɨn nteme bé ejala le ejwɨ̀ɨla mokʉ paʼra win.

Yʉanes 13:14 ပူးပေါင်းရင်းမြစ်များ

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

Mɨlʉmlʉ 20:35

Bisyɛ́ɛla byâm bíbyɛ̂h, byê bɨ̌n ó mveʼle. Byé lɛ́ʼlé bɨ́n ó mpʉ bɨ́n jálá le eséǎ syɛ́ɛ́, le ekɛm bʉ̂r mû sí tyɛʼ bá yɨ́, ebě, mɨná bé lɨ́ esímsa gá mekǎn Tî Yésʉs mʉr tɨ̂ʼ á lɛ́ɛ má. Mé ó: “Le mʉr dí edwe nyá, le waá dí enʉa nyá, waá dí edwe nyá ó dí ebuú sʉŋɔɔ métyɛʼ me mpóm.”»

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

Rôm 12:16

Diʼee gá twíí páʼ nyɨ́n. Asâ gá enkɛ́ɛ́ é nyʉ̂l. Séáá gá mbǐ syɛ́ɛ́ yɨ́yɛ̂h, yé damá bě mbi syɛ́ɛ́ dí aláŋɔɔ ɨ́ nkɔb yɨ́. Ajwɨʼ gá ó, bɨ̌n ó dí ocwóó.

1 Pyɛr 4:1

Krîst á si sia e mitúú ɨ́ nkǒ páʼ nyʉ̂l bipúno. Sá tɨ̂ʼ ó bɨ́n jálá le eboó bǐ mbǐ pahlá ngwár nyé á be e wé wɨ́ yɨ́, ebě, waá mû sí sia e mitúú ɨ́ nkǒ páʼ nyʉ̂l bipúno nyá, nyé abe lɨ́ ekǎ sɨsâ ébébe.

1 Korɛnt 8:13

Yé bé mede mâm, mé ó ebɔ̌ʼ e dí e nkul ebɨma mɨ́ɔɔ́ wǎm ɨ́ léme lɨ́ nó, me ónzoó kam ó, me díʼee akǎ de tír. Me ámû jaá sâ ó, mɨ́ɔɔ́ wǎm bɨ́mɨɨ ebɔ̌ʼ ɨ́ léme, twe.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Rôm 12:10

Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Yʉanes 11:2

(Maria waá ó b'á suʼla ka lœm Tî Yésʉs múlo ɨ́ mekʉ̌, tin mé e mpuo nyé. Nó ó, ntʉ̂m wé, Lazare ó b'á be lɨ́ ebíle.)

1 Korɛnt 12:3

Nó ó, me múo nzě cɨ̂l bɨ́n ɨ́ pâʼ waá: abe e mʉr dí elwib e nzɨ̌ Sísǐm mé Nzyɛ̌m, dí e nkul elɛ́ɛ ó: «Yésʉs, nyé e meswomlʉ!» Le ntémé ó, Sísǐm mé Nzyɛ̌m bé abe tʉ́ŋlʉ̌ mʉr nó, mʉr waá, nyé abe e nkul elɛ́ɛ ó: «Yésʉs ó dí Njwɨ́ɨ!»

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.