Yʉanes 13:13 - Kálar Nzyɛ̌m : Ejwán é Sáá

¹³ Bɨ̌n jɨ́jébé mé ó: “Lɛ̂ʼla”, nkʉ̂ ntɔ̂ʼ “Tî Yésʉs”. Bɨ̌n bé lɨ́ ekʉ́ gwá jébe, ebě, me ó dí kwahaá nye.

Kálara Zyɛ̌m Edwán é mpʉ̌n

¹³ Bɨn bé ejebe-jebe me ó, “Yeʼle wih”, nkʉ ntɔʼ “Tî wih”. Bɨn bé ekʉ gʉa jebe, ebe, me ó ndɨ kʉ be nye!

Yʉanes 13:13 ပူးပေါင်းရင်းမြစ်များ

Lʉkas 6:46

«Bɨ̌n bé lɨ́ ejébe mé “Dâ, Dâ”, bɨ̌n yɨ́ɛ akpɛl esâ mpʉ mé dí elɛ́ɛ bɨ́n ɨ́ yé?

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

1 Korɛnt 12:3

Nó ó, me múo nzě cɨ̂l bɨ́n ɨ́ pâʼ waá: abe e mʉr dí elwib e nzɨ̌ Sísǐm mé Nzyɛ̌m, dí e nkul elɛ́ɛ ó: «Yésʉs, nyé e meswomlʉ!» Le ntémé ó, Sísǐm mé Nzyɛ̌m bé abe tʉ́ŋlʉ̌ mʉr nó, mʉr waá, nyé abe e nkul elɛ́ɛ ó: «Yésʉs ó dí Njwɨ́ɨ!»

Yʉanes 11:28

Jɔʼ bé á sil elwib nó yɨ́, Mááta nzě tó jébě Maria. Nye e né mesǒ ó: «Lɛ̂ʼla, nyɨ́ pyâl! Nye lɨ́ ejébe gô.»

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

1 Korɛnt 8:6

ɨ́ páʼ gá wɨ́ná, mɨná gá bé ó, njɨ e Nzyɛ̌m ngwár, waá dí Sɔ́ŋ gá wɨ́ná nyá. Nye ó b'á komlo sá yɨ́yɛ̂h. Bicwiʼ gá bíná, byé dwɛ́ʼ ó nye. Yé ntémé, yé ó njɨ Njwɨ́ɨ ngwár: Yésʉs-Krîst. Sá yɨ́yɛ̂h, yé á kwɨmlɨ ó, ɨ́ nzɨ̌ nyé. Mɨná titiʼe gá ó, ɨ́ nzɨ̌ nyé nyaá.

Jacques 2:19

Nzê gǒ bûʼlá ó, Nzyɛ̌m, nye ó njɨ ngwár ɛ̌? Yé ó mbɨ̂mbɨá! Damá jóʼo méleme, mé lɨ́ ebánǎ bûʼla ntémé nó. Meleme maá, mé lɨ́ ebúʼla ndu e l'esâʼ ɨ́ ngba ngba ngba.

Lʉkas 10:28

Yésʉs ntɔ̂ʼ lɛ́ɛ ó: «Gʉ́ kʉ́ gwá yala. Sáʼ nó, go nkʉ̂ tiʼe.»

Lʉkas 7:43

Simon ntɔ̂ʼ yala e né ó: «Mě jwɨʼ ó, yé ó waá á bírɔɔ e mpʉ́lá ɨ́ buo buo nyá.» Yésʉs, nye e né ó: «Gǒ e nkam.»

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Yʉanes 11:2

(Maria waá ó b'á suʼla ka lœm Tî Yésʉs múlo ɨ́ mekʉ̌, tin mé e mpuo nyé. Nó ó, ntʉ̂m wé, Lazare ó b'á be lɨ́ ebíle.)

Yʉanes 11:3

Bʉbá obá ónɨ̌ nzě lómo mʉ̂r ó, nye tôʼ lɛ́ɛ̌ Yésʉs ó: “Dâ ɛ̌, só gǒ, nye lɨ́ ebíle.”

Éfɛsɔs 6:9

Bɨ̌n ojwɨ́ɨ, sáʼ gá bitúʼǎ bín bisyɛ́ɛla bimpwár bínɨ̌. Akǎ bɛ̂ŋ gá byê. Bɨ̌n bé ɨ́ jala le egʉ́a gá ó, njwɨ́ɨ wɨ́n le onɔ́ɔ́, bɨ̌n óbɛ̂h, nye ɨ́ jʉ́o kʉ́. Nye ádwááwó bʉ̂r mempǒm.