Yʉanes 13:1 - Kálar Nzyɛ̌m : Ejwán é Sáá

¹ Yé á be ó, nzɔɔ Páska mû kúno ebwalɔɔ. Yésʉs nyɨɛ á be ó sí boó gʉ́a ó, jɔʼ dí ó, nye káa duhǒ sí yɨ̂, bére kwá Sɔ́ŋ yɨ́, mû ó sí pyâl. Jɔʼ yɨ́yɛ̂h, nye á be ɨ́ buú kpɛl bʉ̂r bé, bé á di ɨ́ sí yɨ̂ʼ bá. Nye á kpɛl bé ó, abe le odumo.

Kálara Zyɛ̌m Edwán é mpʉ̌n

¹ Yé a be ó, yé mu moho ebʉʼ e Paska. Yesʉs a be ó si bɛa gʉa ó, ewala, lɨ pyal, jɔʼ nye duha é si nwa, to boo Sɔŋ ɨ. Nye a be ó si bul kpɛl nkɔb bʉr bé a be baa be, baa bé a liʼ di é si nwaʼ ɛ. Nye a kpɛl be ó, to pyal é l'efehle.

Yʉanes 13:1 ပူးပေါင်းရင်းမြစ်များ

Yʉanes 12:23

Yésʉs, nye e bé ó: «Ɨ́ báánâ, jɔʼ Mwân mé Mʉr jálá le enʉa kûm nyé yɨ́, yé mû ó sí pyâl.

1 Yʉanes 4:19

Nó ó, mɨná gá bɨɛ mû ó lɨ́ ekpɛla gá ó, ebě, nye á si nyɛɛ kpɛl mɨná gâ.

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

Yʉanes 16:28

Me á duho ó kwá Sɔ́ŋ wǎm, me nzě pyâl ɨ́ sí yɨ̂. Me óbáʼǎ mɔa, líʼě sí yɨ̂, bérě nko Sɔ́ŋ wǎm dí yɨ́.»

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Yʉanes 18:4

Náǎ yé ó, mpʉ̌ Yésʉs á be lɨ́ egʉ́ǎ sá ngá pyâl nyé yɨ́, nye ntɔ̂ʼ tô nko bé á be yɨ́, nzě dî e bé ó: «Bɨ̌n sáá nzé?»

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

Yʉanes 17:16

Bé aduhǒ sí yɨ̂ʼ mpʉ mɛ̂m ntémé dí aduho tɨ̂ʼ yɨ́.

Yʉanes 17:1

Jɔ̌ʼ Yésʉs á sil elwib nó yɨ́, nye nzě bɨ̂n mîh kʉ́. Nye ó: «Dâ ɛ̌, jɔʼ, yɨ́ pyâl! Lɛ́ʼláá bʉ̂r kûm me mwân gǒ, mbi dí ó, nye lɛ̂ʼlaa ntémé bʉr kûm nyǒ yɨ́.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

Yʉanes 17:5

Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.

Mataos 26:45

Nó nyé á ka tô nko ómpʉ́n bé, bé á be yɨ́. Nye ó: «Nzê bɨ̌n bɨɛ bé ójaá kǎ didi ó, njɨ ɨ́ bijô le egbala ɨ́ jɔʼ yɨ́yɛ̂h ɛ̌? Jɔʼ, yé múo nzě kúnwo. Mwân mé Mʉr, nyɨ́ bɛ́mɔɔ kwá osyɛ̂l o mísyóm.

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

Ebrœ̂ 6:11

Bɨ̌h gwɨ́m ó, mʉr nyɨnyɛ̂h sâʼ sɨ́n lɨ́ eséǎ syɛ́ɛ́ yaá, tó kumo lɨ́ odumo, akâr. Jɔʼ yaá ó lémé wé ngá lóno ɨ́ mpûʼla yɨ́.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Rôm 8:37

Damá jóʼo mébébe maá mɨ́mɛ̂h me dí epyâl mɨ́ná gá ménɨ̌, mɨná gá bé ó binkɔ́ɔ́ ɨ́ nzɨ̌ mé Krîst, mʉr dí ekpɛl mɨ́ná gá nyá.

Yʉanes 17:26

Me á si lɛ̂ʼle bé mpʉ gó dí yɨ́. Me ntémé óbáʼǎ lɛ̂ʼle bê. Nó ó kpɛ̌l gó dí ekpɛl mé yɨ́, yé óntaa kwá nyɔ́ɔ́ yɨ́, ebě, mɛm mʉr tɨ̂, me óbɨbe ó, ɨ́ bê.»

Yʉanes 14:28

Bɨ̌n bé á be ɨ́ jóʼǒ mpʉ mé á lɛ́ɛ e bɨ̌n ó: “Me múo nzě swîʼ. Me óbáʼǎ nze, pyâl nko bɨ́n dí yɨ́.” Yé bé bɨ̌n bé ɨ́ kpɛl mé nó, lɛ́ɛ́, bɨ̌n mû ó lɨ́ esoho le egʉ́a ó, mě swíʼ ó, tô kwá Sɔ́ŋ wǎm, ebě, Sɔ́ŋ wǎm ó láá mê.

Yʉanes 11:55

Nyʉ́ʉ́ nzɔ́ɔ oYúden á be ó, nye mû kúno ebwalɔɔ. Yé á be ó Páska. Bʉr ó sí yaá ɨ́ buo buo nzě gɔ́na le etô Yerʉ́zalɛm, tó pubɔɔ mísyóm myɔ́ɔ́.

Yʉanes 7:30

Bé á sɨsáa ó, bé mɛ́r ó nye. Sâ gwár, abe e mʉr á gbâ nye mbô ɨ́ nyʉ̂l, ebě, jɔʼ éswie lé, yé á bé apǎ pyâl.

Yʉanes 7:6

Yésʉs, nye e bé ó: «Jɔʼ yâm, yé apǎ pyâl. Bɨ̌n bɨɛ ó dí e jɔʼ ɨ́ melú mɨ́mɛ̂h.

Yʉanes 6:4

Páska, nzɔɔ oYúden, á be ó, nye mû kúno ebwalɔɔ.

Lʉkas 22:53

Me á bɨbe dʉ́ó lɨ́lɛ̂h ó, témé sɔ́má yɨ́n ɨ́ mpáh Nzyɛ̌m, bɨ̌n l'akɛl mé mbô ɨ́ nyʉ̂l. Nó bɨ̌n ka mɛ́r mé ɨ́ báánâʼ ó, ebě, lɨ̂ʼ éwala mû ó laá lɨ́n e laá mpóʼo mé Sátan.»

Lʉkas 9:51

Jɔʼ mélú Yésʉs á jala ó, nye pʉ́ʼaa ɨ́ sí yɨ̂ʼ má, mé á be, mé mû lɨ́ esîhle yɨ́, nye nzě tíʼe ɨ́ lémé wé ó, nyě tó ó Yerʉ́zalɛm.

Mataos 28:20

Bɨ̌n a lɛ́ʼlé bê, ó bé bâʼlaa bisá bíbyɛ̂h mé á boo lɛ́ɛ bɨ̌n bí. Gʉ́ŋáá gá ó: me ódi e bɨ̌n melú mɨ́mɛ̂h, tó pyâl pyáláa ɨ́ jɔʼ mpóʼo sí yɨ̂ʼ ósíe yɨ́.»

Yʉanes 8:20

(Yésʉs á lwib bilwǐb bínɨ̌ ó, nyɨɛ lɨ́ edwe bʉ̂r milɛ́ʼlá ɨ́ mpáh Nzyɛ̌m, gúmó mpɔra míndwéá yé á be yɨ́. Abe e mʉr á mɛ̂r nye, ebě, jɔʼ yé, yé á bé apǎ pyâl.)

Yʉanes 2:13

Mpʉ nzɔ́ɔ Páska á be, nye mû kúno ebwalɔɔ yɨ́, Yésʉs nzě tô Yerʉ́zalɛm.

Yʉanes 13:29

Ɨ́ mpʉ yé dí ó Yʉ́das ó b'á be lɨ́ ebaʼle ékúró yɨ́, bʉr ɨ́ buo buo, bé á be lɨ́ ejwɨʼ ó, Yésʉs á lómo nye ó, nye tôʼ bwâm sá yé óbe bé e nyɔm ɨ́ nzɔɔ yɨ́, nkʉ̂ ntɔ̂ʼ ó, nye súʼaa baántéʼenteʼe o bʉ̂r.)

Yʉanes 14:31

Nó ó, yé jala ó, bʉr ó sí yɨ̂, bé gʉ́ŋaa ó, me lɨ́ ekpɛl Sɔ́ŋ wǎm, le ntémé ó, mě sá ó mpʉ nyé á tɨ́e me yɨ́. «Gbɔlwaa gá sí. Mɨná dúhaa gá wâ.»

Yʉanes 19:28

Píe tɨ̂, mpʉ̌ Yésʉs á gʉ́a ó, sá yɨ́yɛ̂h, yé á be ó, yé mû sí síe yɨ́, nye ntɔ̂ʼ lɛ́ɛ ó: «Me lɨ́ ejóʼǒ dwéh médíbé.» Nye á lɛ́ɛ nó ó, sá dí cɛmá ɨ́ Mekaná mé Nzyɛ̌m yɨ́, yé díraa.