Yʉanes 12:5 - Kálar Nzyɛ̌m : Ejwán é Sáá

⁵ Nye nzě lɛ́ɛ ó: «Bê bé abɛ́mǎ lɔbína yɨ̂ʼ minzaŋ mí mɔnɨ́ minter milɛ̂l, tô e mɔnɨ́ yaá, tó dweŋɔɔ míndyêbndyéb ɨ́ yé?»

Kálara Zyɛ̌m Edwán é mpʉ̌n

⁵ Nye ze lɛɛ ó: «Yé kʉ jala ó, bɛma labina bɛma bɛma é tɔɔ mɨsaŋ mɨ odenie mɨnter mɨlɛl, ntɔʼ dwe baanteʼenteʼe! Ebe yé yé baasaŋɔ no e?»

Yʉanes 12:5 ပူးပေါင်းရင်းမြစ်များ

Lʉkas 18:22

Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Yʉanes 6:7

Philippe, nye e né ó: «Mɨná damá jána gá minzaŋ mí mɔnɨ́ minter mimbá, mɨná bé á bé agwá be e nkul ebwâm gá mede, bím dí ó, mʉr nyɨnyɛ̂h bíʼee pêh dœʼ yɨ́.»

Lʉkas 6:41

«Go lɨ́ ebee mâ sâ dí mɨ́ɔɔ́ gǒ ɨ́ dîh nyá, gua yɨ́ɛ apǎ jʉ̂ʼrǎ mbʉ́ŋʉʉ̌ ntinɨ̂ gó dí enkɛ́ɛ ɨ́ díh lô ɨ́ yé?

Mataos 20:2

Nó ó bé e bilóbila byaá, bé á di twíí ó, byé ónʉa ó, mʉr ngwár nzǎŋ mɔnɨ́ ngwár ɨ́ móhó ntinɨ̂. Nye ntɔ̂ʼ lómo byê, byé tôʼ séa ɨ́ pemé yé.

Mataos 18:28

«Tœ́á syɛ̂l mesâ nɨ̌ á tô kʉ̌l wɨ́, nzě bɔma e mʉr njoo yé, á be nye e mpʉ́lá minzaŋ mí mɔnɨ́ nter nyá. Nó nyé á nze mɛ̂r nye, nzě syɛ̂ʼ nyé etám ɨ́ twíí. Nye e né ó: “Jɛ́náá mé bím gó dí me e yǎ yɨ́!”

Yʉanes 12:4

Yé á be ó e nyʉ́ʉ́ mpʉ́n wé á be e díe ó, Yʉ́das Iskariôt nyá. Nye á be ó mʉr á be ó, nye óbɛ́mǎ Yésʉs nyá.

Yʉanes 12:6

(Nye á bé alɛ́ɛ nó ɨ́ lɔ̌b nkóó nyé á jɨ̂ʼ baántéʼenteʼe o bʉ̂r nyɨ́. Nye á lwib nó ó, ebě, nye á be ó ndíblʉ̌. Nye ó b'á bɨbaʼle ekúró lɔ́ɔ́, le edidíbě sá bʉ̂r, bé á gbɨgbâ tɨ̂ʼ yɨ́.)

Yʉanes 13:29

Ɨ́ mpʉ yé dí ó Yʉ́das ó b'á be lɨ́ ebaʼle ékúró yɨ́, bʉr ɨ́ buo buo, bé á be lɨ́ ejwɨʼ ó, Yésʉs á lómo nye ó, nye tôʼ bwâm sá yé óbe bé e nyɔm ɨ́ nzɔɔ yɨ́, nkʉ̂ ntɔ̂ʼ ó, nye súʼaa baántéʼenteʼe o bʉ̂r.)