Yʉanes 12:47 - Kálar Nzyɛ̌m : Ejwán é Sáá

⁴⁷ Mʉ̂r sí jóʼǒ lɛ́ʼlá wâm, abâʼle wé nɛ́ɛ: nye mû ó e lɔ̌b. Sâ gwár, ntʉ mé ótíʼe nyé wǎ, ebě, me á nze ó, me ntáa nzě tiʼ bʉ̂r, abe lɨ́ enzě tíʼe mílɔ̌b.

Kálara Zyɛ̌m Edwán é mpʉ̌n

⁴⁷ Nye ze lɛɛ ó: «ǃƗ mʉr si joʼo sikʉlʉ yam, abaʼle ye nɛʼɛ, nye e mobe. Sa gwar, ntʉʼ me ódwe nye ma, ebe, me a ze kaʼ é si nwaʼ ó, lé eze tiʼ bʉr, abe lé eze dwe bʉr o tɨʼ mobe.

Yʉanes 12:47 ပူးပေါင်းရင်းမြစ်များ

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Yʉanes 12:48

Mʉr nyɨnyɛ̂h dí eso mê, akǎm lɛ́ʼlá wâm nyá, nyě e mʉr ngá tíʼě lɔ̌b wé nyá. Milɛ́ʼlá mé mû sí dwe bɨ́n mî, myé ó ngá tíʼě lɔ̌b wé ɨ́ móhó ésúʼlá é sí yɨ̂.

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Yʉanes 5:45

Sâ gwár, ajwɨʼ gá ó, me ópur bɨ́n ɨ́ míh mé Dâ. Moyɨ̂z, mʉr bɨ́n á pa dyɛ̂ʼwo e né nyá ó ngá pur bɨ́n.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

2 Pyɛr 3:15

Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.

Yʉanes 8:26

Me ɨ́ buo bísá bí élɛ́ɛ ɨ́ lɔ̌b wɨ́n. Milɔ̌b mín mé jálá le etíʼe mí, myé ɨ́ buo. Mʉr á ntɨh me nyá, lɛ́ɛ́ ó otyeetye. Mɛ̌m jaá lɨlɛ́ɛ ó, njɨ sá mé á jɨ̂ʼ kwá nyé yɨ́.»

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Lʉkas 9:56

Bê nzě tô ɨ́ nyʉ́ʉ́ kwár swîh.